ဘၭ 1 - Pwo Kayin Bible

1 မုၪခီၩလဲးမၩခွါစယိဘၭအဂဲး.

¹ ၦလဂၩအီၪလၧခးအၧဇၭနီၪ, အမံၩ့မွဲစယိဘၭလီၫ. ၦလဂၩနီၪ, မွဲၦၡၩလၧၫ့ဎွ့ၩဒဲတီၩဝ့ၫတၭ, မွဲၦလၧအ

² ၥၭမဲၪယွၩဒဲဂၭဎ့ၭခွံၬဆၧအၧၩ့လီၫ.- တၭဆၧအီၪဖျဲၪန့

³ လၧအဂးအဖိၪခွၫနွ့ၫဂၩ, ဒဲအဖိၪမုၪၥၧၫ့ဂၩလီၫ.- အ ဝ့ၫဒၪအဆၧဖိၪဆၧလံၩမွဲၥိၪ ဒဲဘ့ၪၥံၪနွ့ၫထီၫ့, ဒဲကလ အူၭၥံၪၥၧၫ့ထီၫ့,ဒဲချီဖၫၥံၪအဆီၪ့ယဲယၩ, ဒဲကၥ့ၪယီၩ့မိ ၥံၪယဲယၩ, ဒဲဂံၪ့အခ့ၫအၡၩလဖၪအီၪဝ့ၫအၪအၪလ့ၬ တၭး ၦလဂၩနီၪဒိၪနဲၪ့ ကယဲၦမုထၪ့ဖိၪၥံၪ ထီးအလူၬ လီၫ.

⁴ တၭအဖိၪခွၫလဖၪ လ့ၩမၩဆၧအၪ့ဆၧအီၩလၧအ ဂံၪ့ဒၪဝ့ၫဆုၬဆုၬ, လဂၩလၧအနံၩဒၪဝ့ၫ,လဂၩလၧအ နံၩဒၪဝ့ၫတၭး အဝ့ၫၥံၪကိၭအထၧၫ့ဖုဝဲမုၪၥၧၫ့ဂၩၥံၪ ဘဲၫၥိၭအမိအၪ့ဆၧအီၩဆၧ လၧအဝ့ၫၥံၪအၥိၭလီၫ.

⁵ ထီးအဝ့ၫၥံၪအဆၧအၪ့ဆၧအီၩအမုနံၩလဖၪ လ့ၩဎဲၪ့ ဝ့ၫဝၬယူၭတၭး စယိဘၭအၪ့မၧၫ့ဆၧမၩဆံၫ့ဎံၪထၪ့ အဝ့ၫၥံၪလီၫ. မုဆဲၪ့ထၪ့လနံၩ အဝ့ၫဒၪဂဲထုၪ့ဂီၩဂီၩ တၭ,လုထၪ့ဆၧလုမ့ၪဘဲၫအဝ့ၫၥံၪထီးအလူၬအဆၧဝံ ဆၧနၬအီၪဝ့ၫအၥိၭနီၪလီၫ. အဂဲးဘဲၫယီၩ စယိဘၭ စံၭဝ့ၫ,ဘၪလဘၪယဖိၪခွၫၥံၪမၪဘၪဆၧတၭ, လၧအ ၥၭခံဖၧၩ့နီၪစဲၪ့ဒၪခွံၬယွၩလီၫ. စယိဘၭမၩဝ့ၫဘဲၫနီၪ ၥိၭလထံၪဎးဘီၩ့ဎးလီၫ.

⁶ တၭမုလနံၩအီၪဝ့ၫ,လၧယွၩအဖိၪခွၫၥံၪဂဲၫဒုၭနဲၪအ ၥၭလၧယဟိဝၩအမ့ၬယၫတၭး စၫတၫ့ဂဲၫဆ့လၧအဝ့ၫ

⁷ ၥံၪအကျၩလီၫ.- တၭယဟိဝၩစံၭစၫတၫ့နီၪ, နဝ့ၫဒၪန ဂဲၫအထံၭခီၫခီၫလဲၪ. တၭစၫတၫ့ချဲၩ့ဆၧၫ့ ယဟိဝၩ စံၭဝ့ၫဒၪး လၧယဂၭဝံၩ့ဝၩ့ လၧဂၪ့ခိၪချိၫ့ယီၩ, ဒဲလ့ၩ

⁸ ဆၧထဲၩ့ဆၧလၧအလီၩ့လီၫ.- တၭယဟိဝၩစံၭစၫတၫ့း ယခ့ၫယၡၩစယိဘၭနီၪ, လၧၦၡၩလၩ့ဂၬအဝ့ၫနီၪလၧ ဂၪ့ခိၪချိၫ့ယီၩလအီၪဘၪနးဂၩ, ၦၡၩအလၧၫ့အဎွ့ၩအ တီၩအလီၩ့, ၦလဂၩလၧအၥၭမဲၪယွၩ, ဒဲဂၭဎ့ၭခွံၬဆၧ

⁹ အၧၩ့နီၪ, မွဲနယိထံၫယိဆၭဘၪဆ့ဧၪ.- တၭစၫတၫ့ချဲၩ့ ဆၧၫ့ယဟိဝၩစံၭဝ့ၫဒၪ, မွဲစယိဘၭၥၭမဲၪယွၩပျီၩပျီၩ

¹⁰ ဆ့ဧၪ.- မွဲနမၩထနါဝၩ့ထၬအဝ့ၫ,ဒဲအဂံၪ့,ဒဲကယဲအ ဆၧအီၪလခီၫလါလါထီးအလူၬနီၪ, မွဲအ့ၬဧၪ. အစူၪ ၥံၪအဆၧမၩနီၪနဆိၪဂ့ၩယူၭ, ဒဲအဆၧဖိၪဆၧလံၩအၪ

¹¹ ထၪ့လၧထံၫၥံၪခးၥံၪအၪအၪလ့ၬဆ့လီၫ.- အ့ၪမွဲဘိၩ့ နဲၪ့ယီၩယၩ့ထၪ့နစူၪတၭ, ထိၭဘၪအဆၧထီးအလူၬ

¹² တၭ,မွဲအမိဆိၪအၧၩ့နၧၩလၧနမ့ၬယၫမၬကၨၬ- တၭ ယဟိဝၩစံၭစၫတၫ့, ယိခွါ,ကယဲဆၧထီးအလူၬအီၪ လၧနစူၪဖၧၩ့နီၪး န့ၫအနၫ့ဆါဒၪဝ့ၫ,ထီးယၩ့ထၪ့နစူၪ ထၫ့ဒၩဝ့ၫလဂ့ၩ. တၭစၫတၫ့စဲၪ့ထၪ့ခွံၬ လၧယဟိဝၩ အမ့ၬယၫလီၫ.

စယိဘၭအဖိၪလဖၪဒဲအဆၧလူဒိၪ ဎွ့ၩဒိၪဂၭဂီၩ့ခွံၬအဂဲး.

¹³ တၭဘၪဝ့ၫမုလနံၩ,မွဲလၧဖိၪခွၫၥံၪ, ဒဲအဖိၪမုၪၥံၪ အၪ့ဆၧဒဲအီၩစဘံၭထံၫ လၧအဝဲခွၫအဝဲၡါအဂံၪ့ဖၧၩ့

¹⁴ လီၫ.- တၭအၥီၫ့လဂၩဂဲၫလၧစယိဘၭအအီၪတၭ,စံၭ ဝ့ၫဒၪး ချီၥံၪထဲၫဆၧ, ဒဲကၥ့ၪယီၩ့မိၥံၪအၪ့အဆၪလၧအ

¹⁵ ဝ့ၫၥံၪအနဲၩ့ထံၭတၭး- ၦစဘံအၫ့ဖိၪၥံၪထမျၬန့ဝ့ၫတၭ, ဆိၬခွံၬအဝ့ၫၥံၪးဒဲဆၧအခ့ၫအၡၩလဖၪ ကျီၪ့ၥံၫခွံၬဝ့ၫ လၧနၭအနါတၭ, ၦဖီၩ့ဖျ့ၭန့ၫယၧၩလဂၩဎးယီၩဘဲၫ ၥိၭယမိလီၩဘၪနၧၩလီၫ.

¹⁶ အဝ့ၫဒၪချဲၩ့ဒံၭအဘိၩ့ဘၭနီၪ, ၦဂူၫဂၩလဂၩဂဲၫဝ့ၫ တၭ,စံၭဝ့ၫဒၪး ယွၩအမ့ၪလၩ့ထ့ၬ လၧမူၭခိၪလခီၫ တၭ,ဘၪၥိၪၥံၪဘ့ၪၥံၪအဒီၪ့လဖၪ ဒဲအခ့ၫအၡၩလဖၪ တၭ,အၪ့ခွံၬအဝ့ၫၥံၪတၭး ဖီၩ့ဖျ့ၭန့ၫယၧၩလဂၩဎး ဘဲၫၥိၭယမိလီၩဘၪနၧၩလီၫ.

¹⁷ အဝ့ၫဒၪချဲၩ့ဒံၭအဘိၩ့ဘၭနီၪ, ၦဂူၫဂၩလဂၩဂဲၫဝ့ၫ တၭ,စံၭဝ့ၫဒၪး ၦခၫလဒံၫဖိၪၥံၪ အၪ့နၩ့ဖၭအၥၭၥၧၫ့ဒီၪ့ ဂဲၫထမျၬ ကလအူၭလဖၪတၭ, မၩန့ဝ့ၫဒၪနီၪး ဒဲအဝ့ၫ ၥံၪကျီၪ့ၥံၫခွံၬဆၧအခ့ၫအၡၩလဖၪ လၧနၭအနါတၭ, ၦဖီၩ့ဖျ့ၭန့ၫယၧၩလဂၩဎး ဘဲၫၥိၭယမိလီၩဘၪနၧၩ လီၫ.

¹⁸ အဝ့ၫဒၪချဲၩ့ဒံၭအဘိၩ့ဘၭနီၪ, ၦဂူၫဂၩလဂၩဂဲၫဝ့ၫ တၭ,စံၭဝ့ၫဒၪး နဖိၪခွၫၥံၪဒဲနဖိၪမုၪၥံၪအၪ့ဆၧ, ဒဲအီၩ စဘံၭထံၫလၧအဝ့ၫၥံၪအဝဲခွၫအဝဲၡါလဂၩအဂံၪ့ဖၧၩ့

¹⁹ လီၫ.- တၭယိခွါ,လံၩမုဂဲၫထၪ့ခၫ့ဂၬၡါမုနၧၫ့ဖၫတၭ, ဘၪဂံၪ့နီၪအနိၪ့လံနိၪ့ ထီးအခၨဒိၭဘၪ ဖိၪၥၪခွၫၥံၪ တၭ,အဝ့ၫၥံၪၥံၫဝ့ၫဘဲၫနီၪ, ၦဖီၩ့ဖျ့ၭဝ့ၫန့ၫယၧၩလဂၩ ဎးဘဲၫၥိၭယမိလီၩဘၪနၧၩလီၫ.

²⁰ ထီးနီၪလဖၧၫ့စယိဘၭဂဲထုၪ့တၭ, ၡၫ့ယၬအကီၩ့အ ၥိၭတၭ,လိၩ့ခွံၬအခိၪ, ဒဲထိၪလၩ့ထံၩဖါအၥၭလၧဂၪ့

²¹ ခိၪတၭ,ဘိၪ့ထၪ့ဘၩထၪ့ဆၧလီၫ.- တၭစံၭဝ့ၫဒၪ, ယ ဂဲၫထၪ့လၧခီၫ့ယီၩ လၧယမိအဒၧၩ့လးနီၪ အီၪဘိၪ့ဝ့ၫ တၭ,လၧယအီၪဘိၪ့ယီၩယမိထဲၩ့ထဲၩ့ဘဲၫနီၪၥိၭလီၫ. ယဟိဝၩဖ့ၪလၫ့တၭ,ယဟိဝၩမၩန့ခွံၬယူၭတၭ, မွဲယ ဟိဝၩအမံၩ့နီၪ ဘၪဆၧဆိၪဂ့ၩဒၪဝ့ၫဆံၭၬ

²² လၧဆၧထီးအလူၬအဖၧၩ့ယီၩ, စယိဘၭလမၩမၪ ဘၪဆၧတၭ,ချဲၩ့ထၪ့ဆၧပျီၩပျီၩ ထၫ့ဒၩယွၩနီၪဆ့အ့ၬ.