Urëdi oa jo̧rȩta tänȩrea̧ Ma̧ȩ 29 - Biblia Pume

¹⁵ Na̧ ja pio ju̧i̧ dabapa tänȩpea̧ üdë chjadëde. Na̧ ja oa a̧ra̧ano̧pea̧ üdë, peaja̧di chjadëde. Ado pio ju̧i̧ bide cjaeäpea̧ üdë, chjadëde peaja̧di. Jabo danȩ, mȩnȩ na̧ ja oa a̧dodërä judi, judi jibëa̧ ma̧na̧ri̧ jo̧rȩtamȩrȩ cjo̧ro̧rä judi, cjäri̧ made, gito ana̧ri̧ jo̧rȩta tänȩpadejȩ arayi̧ pio ji̧.

¹⁷ Chjadëri̧ dabapa tänȩjo̧ȩ na̧ ja oa. Chjadëri̧ bide cjaeäjo̧ȩ tüdüa̧mi̧ darämo̧ cjo̧ro̧pea̧ oa. Jabechji̧ mȩnȩ ja̧di dari̧ japea̧ oaiä ma̧ chjupi̧ cjiari̧ jo̧rȩtarea̧ daparenȩ. 'Aja̧, chjadëri̧ dabapa tänȩa̧cuni̧da, ütara̧mi̧ bide cjaeäa̧cuni̧da, ado yaba̧ coëma cjiari̧ cjo̧ro̧dida, pio ju̧i̧iä idëri̧ cjiadëquëda jabo jabechji̧, ma̧ chiadëri̧ cjiamȩrȩ dacuni̧da' quëna̧ jo̧rȩtarea̧ daparenȩ davä, na̧ ja pio ju̧i̧ chjadëri̧ a̧dorërea̧ oaiä.