Salmos 1 - El Nuevo Testamento Salmos y Proverbios

Xroon ijnko ( Sal. 1—41 ) Ti yaá nti̱a

¹ Díos ncheñao ti nkexro chrèhya ti nkehe tjenka̱yáxin ti chojni ixri ti nti̱a nduáhya, la ko tꞌajihya ti nti̱a kuènté ti chojni chónta ijie̱, la tꞌitonhña ti chojni tjanoá ti nkehe kuènté Díos.

² La a̱ntsí tóxríhi̱n sin ti nkehe tjinkaon Díos la ncha̱kotjin ko tie nchekuáxin sin ti itén chꞌan.

³ *Ti nkexro a la éxi ijnko inta tsíxenkaxín chrínta nda̱río, la tꞌóna ito ti ó tjixraká ti ña̱o kuènté la ko xámáhña ti iké. Mé xi̱kaha kaín ti ixra̱ sichꞌe ti nkexro a la jína tsꞌaxrje.

⁴ Kjánchó ti nkexro tjenka̱yáxin ti nkehe jínahña la náhí. Jehe sin mé éxi ti chji̱nínó kuènté trigo sátjiko xri̱nto̱.

⁵ Méxra̱ ti nkexro tjenka̱yáxin ti nkehe jínahña la tsaáhya sin ti ña̱o sinchekito̱exín Díos iji̱é kaín chojni, la ti nkexro chónta ijie̱ la xitjahya tsꞌejóko sin ti chojni jína.

⁶ Kixin Itꞌéni Díos la tꞌayakohen chꞌan nti̱e ti nkexro jína; a̱ndá nti̱e ti sin tjenka̱yáxin nkehe jínahña la sinchekꞌitjáña chꞌan.