Siob 20 - Tus Votut en selusien ten out Voum

Sofar sel kat Siob vit meatin tisa keil enges amul ales mahien en moulien one

¹ Evus, Sofar ten out Namah selus min Siob vit,

² “!Siob, kosakin tinok vepeng vareis! Nirto raengtei mun. Kosa, nihit kes selusien onom.

⁴ “Kokilea revi keke en avong keil mulamu, navong meatin keil amul rohtoh en out netan,

⁵ meatin keil avou lat tisaen ten avong tamureis, ka sien onen koakeil amum tisa hevus hatte tas.

²⁷ “Tounah vasi en out nesa avothot en tisaen one, ka meatin keil ten out netan avitehiten anatinien va kat keil.

²⁸ Suval mari oai, vurohien onen Ahi hetavis vasi tounah keil one heha.

²⁹ Koanek hekikistal en meatin keil amum tisa, koanek keite ten moulien one koa Ahi vat kati min keil.”