Matthew 1 - Plains Cree Scripture Portions

omosōmipana Jesus Christ

¹ ēwakoni ōhi āniskē owāhkōmākana Jesus Christ, Davida ē‑ohcīt ēkwa David ē‑ohcīt Abrahamwa.

² Abraham kī‑okosisiw Isaacwa, ēkwa Isaac kī‑okosisiw Jacoba, ēkwa Jacob kī‑okosisiw Judahwa mīna wīcisāniyiwa,

³ ēkwa Judah kī‑okosisiw Pereza mīna Zerahwa ēwako okāwīwāwa Tamara, ēkwa Perez kī‑okosisiw Hezrona, ēkwa Hezron kī‑okosisiw Rama,

⁴ ēkwa Ram kī‑okosisiw Amminadaba ēkwa Amminadab kī‑okosisiw Nahshona, ēkwa Nahshon kī‑okosisiw Salmona,

⁵ ēkwa Salmon kī‑okosisiw Boaza, okāwiyiwa Rahaba, ēkwa Boaz kī‑okosisiw Obeda okāwiyiwa Rutha,

⁶ ēkwa Jesse kī‑okosisiw Davida, ēwako kā‑kihci-okimāwit. ēkwa David kī‑okosisiw Solomona, okāwiyiwa kā‑kī-owīkimākaniyit Uriahwa.

⁷ ēkwa Solomon kī‑okosisiw Rehoboamwa, ēkwa Rehoboam kī‑okosisiw Abijahwa, ēkwa Abijah kī‑okosisiw Asawa.

⁸ ēkwa Asa kī‑okosisiw Jehoshaphata, ēkwa Jehoshaphat kī‑okosisiw Jorama, ēkwa Joram kī‑okosisiw Uzziahwa,

⁹ ēkwa Uzziah kī‑okosisiw Jothamwa, ēkwa Jotham kī‑okosisiw Ahaza, ēkwa Ahaz kī‑okosisiw Hezekiahwa,

¹⁰ ēkwa Hezekiah kī‑okosisiw Manassehwa, ēkwa Manasseh kī‑okosisiw Amosa, ēkwa Amos kī‑okosisiw Josiahwa,

¹¹ ēkwa Josiah kī‑okosisiw Jechoniahwa asici owīcisāniyiwa, ēkospīhk kā‑otinihcik ēkwa kā‑kī-sipwēhtahihcik Babylonihk isi ēkotē kita-ayācik.

¹² ēkospīhk ē‑kī-sipwēhtahihcik Babylon isi Jechoniah kī‑okosisiw Shealtiela, ēkwa Shealtiel kī‑okosisiw Zerubbabela.

¹³ ēkwa Zerubbabel kī‑okosisiw Abiuda ēkwa Abiud kī‑okosisiw Eliakima, ēkwa Eliakim kī‑okosisiw Azora,

¹⁴ ēkwa Azor kī‑okosisiw Zadokwa, ēkwa Zadok kī‑okosisiw Akima, ēkwa Akim kī‑okosisiw Eliuda,

¹⁵ ēkwa Eliud kī‑okosisiw Eleazara ēkwa Eleazar kī‑okosisiw Matthana, ēkwa Matthan kī‑okosisiw Jacoba,

¹⁶ ēkwa Jacob kī‑okosisiw Josepha, ēwakoni onāpēma Mary, okāwiya Jesus, ēwako Christ kā‑itiht, onawasōnākan.

¹⁷ ēkosi māmawo nēwosāp āniskē ē‑oy-ohtāwītocik Abraham ohci isko David, ēkwa āniskē David ohci nēwosāp isko kā‑sipwēhtahihcik Babylonihk isi, ēkwa nēwosāp āniskē isko kā‑nihtāwikit onawasōnākan.

onihtāwikiwin Jesus

¹⁸ ēwako ōma ācimowin ē‑kī-isi-nihtāwikit Jesus Christ. okāwiya ē‑kī-asotamāt Joseph kita-wīkimāyit ēsa, ēkosi pāmwayēs kā‑wīkihtocik, kī‑kikiskawāwasow Mary kā‑kanātisiyit ahcāhkwa ohci.

¹⁹ Joseph kī‑takahki-iyinīwiw, ēkosi ēkāya ē‑nōhtē-nēpēwihāt Marywa, kīmōc kī‑wī-pakitinēw ēkāya kita-wīkihtocik.

²⁰ māka ē‑mēkwā-māmitonēyihtahk, kētahtawē okīsikōma kā‑tipēyihcikēyit kā‑pawātāt ōmisi ē‑itikot, “Joseph, otāniskotāpāna David, ēkāya kosta kita-wīkimat Mary, cikēmā anihi kā‑kikiskawāt awāsisa kā‑kanātisiyit ahcāhkwa ohci.

²¹ nāpēsisa kita-ayāwēw, ēkwa Jesus kika-isiyihkātāw, wiya ē‑wī-pimācihāt otiyinīma ēkāya ta‑misiwanācihikoyit omaci-tōtamowiniwāwa.”

²² ōma kā‑ohci-ay-ihkihk, kita-tāpwēmakahk anima okiskiwēhikēw kā‑kī-wīhtahk owīhowinihk kā‑tipēyihcikēt:

²³ “hāw, oskinīkiskwēw kita-kikiskawāwasow, ēkwa okosisa kita-nihtāwikihēw, Emmanuel kita-isiyihkātēwak.” (“manitow kiwīcēkonaw” anima ē‑itwēmakahk).

²⁴ ispīhk ē‑pēkopayit Joseph, kī‑tōtam anima kā‑kī-isi-sīhkimikot kā‑tipēyihcikēyit okīsikōma; ēkosi kī‑wīkimēw Marywa.

²⁵ ēkosi namōya ohci-wīhpēhtowak pāmwayēs Mary kita-ayāwāt nāpēsisa; ēkwa Joseph kī‑wīhēw, “Jesus” ē‑isiyihkātāt.