ROMANUN 1 - Ottawa New Testament Penteteuch and Psalms 1874

¹ Paul, oobuhmeetahgunemun owh Jesus Christ kahnundoomind cheäpostleëwid, kahpukkakahbuhweïnd chepahbahdebahdoodung oominwahjemoowin owh Kesha‐Muhnedoo,

² (Me ewh kezhah kahwahweendahmahgad emuh oonje oodoonening oodaunwahchega‐wenenemun emuh kechetwah oozhebeëgawining,)

³ Keënahjemaud enewh oogwissun Jesus Christun Tabanemenung, kahoondahdezid emuh oominekauning owh David emuh ooweyowing;

⁴ Keënahjemind dush cheöogwissemegood enewh Kesha‐Muhnedoon emuh mushkahwezewining, kahezheähyahnid Kache‐peenezenejin oojechaugwun, uhpe kahahbejebaud oonje neboowining:

⁵ Me suh owh kahoonjemeenegooyaung ewh shahwanjegawine‐weedookahgoowin kuhya apostle‐ahnookeewin, kuhkenuh ahnooj azheweenzoojig ahnishenahbag cheöonje‐pahbahmetuhmoowaud ewh dabwayanduhmoowin oodezhenekahzoowin oonje:

⁶ Mahmahwe kuhya kenuhwah kahnundoomenag owh Jesus Christ:

⁷ Oomahjebeähmahwaun kuhkenuh emuh Romeing ayahnejin, enewh suhyahgeähjin Kesha‐Muhnedoo, kahnundoomahjin chepeenezenid: Shahwandahgoozewin kuhya pezaunewawin kegahahyahnahwah oonje Kesha‐Muhnedoo Koosenaun, kuhya Tabanemenung Jesus Christ.

⁸ Netum, Nemahmooyahwahmah owh Nekesha Muhnedoom oonje Jesus Christ ewh kenuhwah kuhkenuh, kedabwayanduhmoowinewah wahweenjegahdag mezewa uhkeeng.

⁹ Nekekanemik muh Kesha‐Muhnedoo, owh bameetuhwug emuh ninjechaugoong meekinduhmaun ewh oominwahjemoowinene enewh oogwissun, wekah poonetoosewaun wahweenduhmaun kedoonoozoowinewah uhpe anuhmeähyaunin;

¹⁰ Nundoodahmaun, kishpin menoo‐bahbahmahdezewaunan gaguhpe ananemegwan Kesha‐Muhnedoo cheoodissinuhgoog.

¹¹ Nekeche‐nunduhwandum gooshah chewahbuhmenuhgoog, cheoonje‐meenenuhgoog oojechaugoowine‐meegewawin, cheöonjesoongekahbahweëgooyag;

¹² Me ewh, cheöonjemenoodaäshkahgooyaun mahmahwe kedabwayanduhmoowinenaun kenuhwah kuhya neen.

¹³ Kahween, nindenanduhse chekekanduhsewag, nejekewaëdoog, ewh nuhningim ahnoo keënanduhmaun chepenaunzekoonenuhgoog, (ningeöondummeëgoo nahnauzh noongoom) cheähyahmaun gagoo menewin kenuhwah anduhzhe‐ahyahyag, debishkoo anduhzheähyahwaud ahnind mayuggezejig.

¹⁴ Nemuzzenuhahmoowaug muh egewh Greekug, kuhya egewh buhgwuj‐ahnishenahbag; egewh nabwahkahjig, kuhya egewh nabwahkahsigoog.

¹⁵ Menik dush kushketooyaun, nekeezheetah chewahweenduhmoonenuhgoog kenuhwah kuhya emuh Romeïng ayahyag ewh minwahjemoowin.

¹⁶ Kah muh nindahgujjetunseen ewh oominwahjemoowin owh Christ: me muh ewh ahyahwunenig oomushkahwezewin owh Kesha‐Muhnedoo cheöonjebemahjeïndwah kuhkenuh egewh duhyabwayandungig; netum owh Jew, menuhwah dush owh Greek.

¹⁷ Me muh emuh wahweenjegahdag ooquuhyuk‐ezhewabezeëwawin owh Kesha‐Muhnedoo emuh dabwayanduhmoowining wanjeemahguk, dabwayanduhmoowining anuhkukkayah, debishkoo azhebeëgahdag, Owh quuhyuk‐wahdezid dabwayanduhmoowining tahoonjebemahdeze.

¹⁸ Oonishkahdezewin muh owh Kesha‐Muhnedoo wahweenjegahda ewede keche‐kezhegoong oonje azhenishkandung kuhkenuh anegookwahnig oomujje‐ezhewabezewinewah egewh enenewug kabishkungig ewh dabwawin emuh mujjeëzhewabezewining;

¹⁹ Ewh suh oodezhetwahwin owh Kesha‐Muhnedoo menik enandahgwuk chekekanduhming kemezheshuhwesin emuh ooweyowewaung; Kesha‐Muhnedoon muh oogewahbunduhegoowaun.

²⁰ Puggukkanjegahdanewun suh enewh wuhyahbuhmenahgwussenoonenigin ooduhyeemun akoo‐oozhechegahdag uhkee, enewh wazhechegahdagin wanjekekanjegahdanig ookahgega‐mushkahwezewin kuhya oo‐Kesha‐Muhnedoowandahgoozewin; kah dush gagoo oodahyaunsenahwah kaëkedoowaud:

²¹ Ahnoo muh kekekanemahwaud enewh Kesha‐Muhnedoon, kahween Kesha Muhnedoong oogeëzhepeshegan-dahgooähsewahwaun, kah kuhya oogemegwachewanemahsewaun; kekuhkebahdezewug dush emuh oodenanduhmoowinewaung, kuhya ookukkebahje‐oodaëwaun kekushketebekuddenewun.

²² Nebwahkahwaninedezoowaud, kekukkebahdezewug,

²³ Oogeäunjetoonahwah dush oopeshegandahgoozewin owh wekah kabahnahdezesig Kesha‐Muhnedoo emuh oodezhenahgoozewining owh natuh‐bahnahdezid enene, kuhya penasheyug, kuhya nahwoo‐kahdajig ahwaseyug, kuhya pamoodajig.

²⁴ Mesuh Kesha‐Muhnedoo kahoonjepuggedenuhmoowaud cheweenezenid azhemujje‐nunduhwandumoomahgudenig tebenuhwa oodaëwaun, muhyahnahduk chedooduhmoowaud tebenuhwa weyowewaun weejindewaud:

²⁵ Keëzheäunjetoowaud oodabwawin owh Kesha‐Muhnedoo emuh kuhkenuhwishkewining, ahwahshema keähnuhmeätuhwahwaud dush kuhya kebuhmeetahwahwaud enewh kahoozheëmindjin dush ween enewh kahoozheëwanejin, owh kahyahgega‐shahwandahgoozid. Amen.

²⁶ Mesuh Kesha‐Muhnedoo kahoonjepuggedenuhmoowaud chemujje‐nunduhwanduhmenid: Pooch kuhya oodequamewaun oogekunjetoonahwah oodenahbuttezewinewah, puhkaun cheähbujjeïndwah ewh anandahgwussenook:

²⁷ Kuhya dush egewh enenewug kepoonetoowaud oodenahbuttezewinewah egewh equawug, kemujje‐nundahwanindewug; enenewug kemujjeähnookeetahwahwaud enewh weeje‐enenemewaun, quuhyuk keöodahpenuhmoowaud tebahahmahgoowin, oopukkatahwinewah oonje.

²⁸ Kah dush keminwanduhsewug cheguhnuhwanemahwaud enewh Kesha‐Muhnedoon emuh ookekanjegawinewaung, Kesha‐Muhnedoo oogepuggedenahmoowaun chekuhkebahdanduhmenid, chedooduhmenid enewh uhyeëen wanesheshinsenoogin;

²⁹ Kemooshkenashkahgoowaud kuhkenuh mujje‐ezhewabezewin, pezhigwahdezewin, kuhkebahdezewin, shoobeegoowin, mujjedoodahdewin; kemooshkenashkahgoowaud keshahwanjegashkewin, nesedewin, kekaundewin, wuhyazhingawin, kuhya kuhkuhyanezewin; kuhyaushkunuzzoojig,

³⁰ Keemooj maje‐duhzhingashkejig, shaunganemahjig Kesha‐Muhnedoon, shaungandahgoozejig, kachetwahwanemoojig, kachetwahwe‐kezhwashkejig, egewh nandoonaüngig mujje‐uhyeeweesh, bazindahwahsigoog ooneegeëgoowaun,

³¹ Nasettootunsigoog gagoo, pahgoobetoojig oowahweendahmahgawinewah, sahyahgeëdesigoog, natuhpoonanindesigoog, natuh‐shahwanjegasigoog:

³² Oogoo kakandungig ootebahkoonegawin owh Kesha‐Muhnedoo, egewh mahkindungig oonoo uhyeëen enandahgoozewug cheneboowaud, kahween atuh ezhechegasewug oonoo, oominwanemahwaun suh kuhya enewh andoodum-menejin oonoo.