ᔂᓬᐊᒪᓐ ᐅᓂᑲᒧᓇᓐ 8 - ᐅᒋᐺ ᑭᒋᒪᓯᓇᐃᑲᓐ1 ᐊᐯᔥ ᐃᓈ ᓂᑕᐌᒫ ᐃᓇᐌᒥᔭᐸᓐ, ᓂᒫᒫ ᑮᓅᓂᐃᑭᐸᓐ᙮ ᐱᓵᓐ ᐃᑕᔥ ᑭᑖ ᐅᒌᒥᓐ ᒧᔐᔭᐄ, ᑳᐐᓐ ᐃᑕᔥ ᐊᐎᔭ ᑫᑰᓐ ᑕᐃᓀᑕᓰ᙮ 2 ᑭᑖ ᐃᔑ ᑭᑭᓄᐎᓂᓐ ᓴ ᒋᐃᔑᐎᓂᓈᐹᓐ ᓂᒫᒫ ᐅᐙᑳᐃᑲᓂᕽ ᑳᑮ ᑭᑭᓄᐊᒪᐎᒡ᙮ ᒦᑕᔥ ᑫᔑ ᒥᓇᐃᓈᓐ ᔔᒥᓈᐳ ᑌᒀᑲᒥᓂᑳᑌᒃ, ᔒᐎᒦᒋᒥᕽ ᐌᒋ ᐅᔑᒋᑳᑌᒃ ᔔᒥᓈᐳ᙮ 3 ᑭᓇᒪᑎᓂᒃ ᓴ ᑭᑖᐸᒋᑑᓐ ᒋᐊᐱᑴᔑᒧᔮᓐ᙮ ᑭᑭᒋᓂᒃ ᐃᑕᔥ ᑭᑖᐸᒋᑑᓐ ᐁᒥᒋᒥᓂᔭᓐ᙮ 4 ᐃᑴᐗᒃ ᒉᕒᐆᓴᓬᐊᒥᕽ ᐁᔮᔦᒃ, ᑭᐐᑕᒪᐎᓂᓂᒻ ᒋᐊᐱᒧᔦᒃ ᑫᑯ ᐗᓇᔥᑴᐃᔑᓈᑳᕽ ᐅᐅ ᑳᒥᓉᓂᑎᔮᕽ, ᐹᓂᒫ ᑮᑌ ᒥᓉᓂᑎᔮᕽ᙮ ᓂᑯᑣᓱ ᓂᑲᒧᐎᓐ ᐸᑳᓐ ᐃᑴᐗᒃ ᐁᑲᑭᑐᐙᒡ 5 ᐊᐌᓀᓐ ᐃᑕᔥ ᐊᐊ ᐱᑾᑕᑲᒥᒃ ᑳᐱᐅᒋ ᐱᓈᑯᓯᒡ, ᑳᐱ ᓈᐱᓂᑫᐙᒡ ᑳᒥᓉᓂᒫᒡ? ᐌᑎ ᓴ ᔒᐹᔮᑎᒃ ᐱᔒᒥᓈᑎᑯᕽ ᑭᑮ ᐃᔑ ᐊᒪᒋᐃᓐ, ᒦ ᐄᑐᒃ ᐌᑎ ᑭᒫᒫ ᑳᑕᔑ ᓂᑖᐎᑭᐃᑭᐸᓐ᙮ ᐃᑴ ᐁᑭᑐᒡ 6 ᑫᑯ ᑕᔥ ᐐᓐ ᐸᑳᓐ ᐊᐎᔭ ᒥᓉᓂᒫᑫᓐ ᑭᑌᐃᕽ, ᓃᓐ ᐁᑕ ᑯ; ᑫᑯ ᐸᑳᓐ ᐊᐎᔭ ᒥᒋᒥᓈᑫᓐ᙮ ᒥᓉᓂᒥᐌᐎᓐ ᓴ ᐃᔑ ᒪᔥᑲᐌᑖᑾᓐ ᑖᐱᔥᑰ ᓂᐳᐎᓐ ᑳᔑ ᒪᔥᑲᐌᑖᑾᒃ, ᒥᓴᐌᓂᑎᐎᓐ ᐁᐃᔑ ᒪᔥᑲᐌᑖᑾᒃ ᓂᐳᐎᓂᕽ, ᐁᐃᓀᑖᑾᒃ ᐃᔥᑯᑌᕽ ᑳᐱᔅᑲᓀᒃ, ᒫᐗᒡ ᐃᑯ ᑳᐋᑴᑖᑾᒃ ᑎᓄ ᐃᔥᑯᑌ᙮ 7 ᑳᐐᓐ ᓃᐱᐗᐞ ᓂᐲᕽ ᑕᐅᒋ ᐋᑕᐌᐃᑳᑌᓯᓅᓐ ᒥᓉᓂᒥᐌᐎᓐ, ᑳᐐᓐ ᓰᐱᕽ ᑕᐅᒋ ᓂᓵᐹᐌᓯᓅᓐ᙮ ᑮᔥᐱᓐ ᐊᐎᔭ ᐸᑭᑎᓇᕽ ᑲᑭᓇ ᐅᑕᔭᐄᒪᓐ ᑳᔑ ᐌᓅᑎᓯᒡ ᐁᐐ ᐊᑖᐌᒡ ᒥᓉᓂᒥᐌᐎᓐ, ᑕᒥᒋ ᐹᐱᐋ ᐄᑐᒃ᙮ ᐁᑭᑐᓂᒡ ᐃᑴ ᐅᑕᐌᒫᐞ 8 ᓂᑕᔮᐙᓈᓐ ᐅᔕ ᓂᑕᐌᒫᓈᓐ ᐁᐃᑴᐎᒡ, ᑳᐐᓐ ᒪᔑ ᒋᐅᒎᒎᔑᒥᒡ᙮ ᐋᓃᓐ ᐃᑕᔥ ᐃᓈ ᑫᐃᔑᒋᑫᔭᕽ ᐊᐲ ᑮᔑᑲᓂᓂᒃ ᐱᑲᑴᒋᒥᑯᔭᕽ ᐁᒥᓴᐌᓂᒫᑲᓂᐎᒡ? 9 ᑮᔥᐱᓐ ᐃᓴ ᐋᓴᒫᐱᑭᓯᒋᑲᓐ ᑌᓄᐎᑴᓐ, ᒦ ᓴ ᐃᒫ ᑳᐙᐱᔔᓂᔮ ᐙᐱᑯᐗᑭᓐ ᐅᓵᐱᐎᓇᓐ ᑫᔑ ᐅᓇᑭᑑᔭᕽ᙮ ᑮᔥᐱᓐ ᐃᓴ ᐐᓐ ᐁᔥᒀᑌᒥᐎᑴᓐ, ᓂᑲ ᐙᑳ ᑭᐸᐙᓈᓐ ᐃᓴ ᒋᐋᐸᒋᐃᒪᑭᒡ ᑮᔥᑳᑎᑯᐎ ᓇᐸᑭᓴᑰᐞ᙮ ᐃᑴ ᐁᑭᑐᒡ 10 ᓃᓐ ᐅᔕ ᐋᓴᒫᐱᑭᓯᒋᑲᓐ, ᓂᒎᒎᔑᒪᒃ ᓴ ᒦ ᐃ ᐁᓀᑖᑯᓯᐙᒡ ᑖᐱᔥᑰ ᐅᓵᐱᐎᓂᕽ, ᒦᑕᔥ ᐁᔑᓇᐎᒡ ᑳᒥᓉᓂᒪᒃ ᐁᑎᓄᐎᐗᒃ ᑳᒥᓉᑕᒧᐃᑯᒡ᙮ ᐃᓂᓂ ᐁᑭᑐᒡ 11 ᔂᓬᐊᒪᓐ ᓴ ᐅᑕᔮᓐ ᐁᔑ ᑭᑎᑳᓈᒡ ᔔᒥᓇᐞ ᐌᑎ ᐯᔭᓬ ᐁᒪᓐ Baal Hamon ᐁᔑᓂᑳᑕᕽ᙮ ᐊᔮᐗᐞ ᓴ ᑫᑎᑳᑕᒥᓂᒡ ᑳᐊᐎᐋᓱᒥᑯᒡ ᑌᐸᐊᒫᑯᒡ ᐃᑕᔥ, ᐁᑕᔑᓂᒡ ᒥᑖᔂᒃ ᐙᐹᐱᑯ ᔔᓂᔮᓴᐞ ᐁᑎᐸᐊᒫᑯᒡ᙮ 12 ᔂᓬᐊᒪᓐ ᓴ ᐱᓵᓐ ᐅᑑᑖᐱᓈᐞ ᒥᑖᔂᒃ ᔔᓂᔮᓴᐞ, ᓀᓃᔣᒃ ᐃᑕᔥ ᐁᒫᒦᓈᒡ ᐁᑕᔑᓂᒡ ᐃᐃ ᑫᑎᑫᓂᒡ ᑳᐊᐎᐋᓱᒥᑯᒡ᙮ ᓃᓐ ᓴ ᐐᓐ ᓂᑎᐱᓇᐌᐎᔅ ᑳᔑ ᑭᑎᑳᓱᐙᒡ ᔔᒥᓇᒃ᙮ 13 ᑳᒥᓉᓂᒥᓈᓐ, ᑕᑲ ᐌᑎ ᑳᔑ ᑭᑎᑫᕽ ᑕᓉᐎᑕᓐ ᒋᓅᑖᑰᔭᓐ; ᐅᑯ ᐅᔕ ᑳᐐᒌᐎᐙᒡ ᐊᑑᑕᒨᒃ ᐁᐐ ᓅᑕᐎᒀ ᑮᑭᑐᐗᒡ᙮ ᐃᑴ ᐁᑭᑐᒡ 14 ᑕᑲ ᐊᐯ, ᐱᐊᑕ ᐙᐸᒥᔑᓐ ᑳᒥᓉᓂᒥᓈᓐ, ᒪᔭᑭ ᐙᐙᔥᑫᔒᕽ ᐁᓀᑖᑯᓯᔭᓐ, ᑖᐱᔥᑰ ᐅᔥᑭ ᐊᔮᐯ ᐙᐙᔥᑫᔑ ᐁᔮᒡ ᐗᒌᕽ ᐁᔑ ᓂᑖᐎᑭᓂᓂᑭᓐ ᑕᑯᓭᒀᓇᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society