ᔂᓬᐊᒪᓐ ᐅᓂᑲᒧᓇᓐ 3 - ᐅᒋᐺ ᑭᒋᒪᓯᓇᐃᑲᓐ1 ᑲᐯᑎᐱᒃ ᐃᓴ ᐁᐱᒥᔑᓈᓐ ᓂᓂᐯᐎᓂᕽ, ᓂᓈᓈᑲᑕᐌᓂᒫ ᓂᑌᐃᕽ ᑳᒥᓉᓂᒪᒃ; ᐋᓇᑮ ᓇᓈᑕᐙᐸᒪᒃ ᐃᑕᔥ, ᑳᐐᓐ ᓂᑮ ᒥᑲᐙᓰ᙮ 2 ᒦᔥ ᑳᑮ ᐗᓂᔥᑳᔮᓐ ᐁᐐ ᐊᐎ ᓇᓈᑕᐙᐸᒪᒃ ᐌᑎ ᐆᑌᓈᕽ, ᑳᔑ ᒪᒦᑲᓈᐗᓂᓂᒃ, ᑳᔑ ᐸᐸᑫ ᐊᔮᓂᒃ ᑲᔦ ᐃᐃ ᐆᑌᓇ᙮ ᓂᑖᓇᑮ ᓇᓈᑐᓀᐙ ᓂᑌᐃᕽ ᑳᒥᓉᓂᒪᒃ, ᑳᐐᓐ ᑕᔥ ᓂᑮ ᒥᑲᐙᓰ᙮ 3 ᐃᑭ ᑕᔥ ᐃᓂᓂᐗᒃ ᑳᑲᓇᐌᒋᑫᐙᒡ ᐃᐃᒫ ᐆᑌᓈᕽ ᐁᐸᐹ ᓈᓈᑲᒋᒋᑫᐙᒡ ᓂᑮ ᐙᐸᒥᑰᒃ᙮ ᒦᔥ ᐅᐅ ᑳᐃᓇᒀ, ᑭᑑᒋ ᐙᐸᒫᐙ ᓇ ᐊᐊ ᑳᒥᓉᓂᒪᒃ? 4 ᑳᐐᓐ ᑕᔥ ᑕᔑ ᓈᓈᑫ, ᒦ ᐃ ᐋᔕ ᑮᒥᑲᐗᒃ ᐊᐊ ᑳᒥᓉᓂᒪᒃ᙮ ᒦᔥ ᑳᐃᔑ ᒥᒋᒥᓇᒃ, ᐁᑮ ᑭᒋᐎᓇᒃ ᐲᓂᔥ ᐁᑮ ᐲᓇᒃ ᓂᒫᒫᓐ ᐅᐙᑳᐃᑲᓂᓃᕽ, ᐸᑫᒋᑲᓂᕽ ᑳᑮ ᑕᔑ ᓂᑖᐎᑭᐗᒃ᙮ ᒦᔥ ᑳᐃᑭᑐᔮᓐ, 5 ᐃᑴᐗᒃ ᒉᕒᐆᓴᓬᐊᒥᕽ ᐁᔮᔦᒃ, ᑭᐐᑕᒪᐎᓂᓂᒻ ᒋᐊᐱᒧᔦᒃ ᒪᔭᑭ ᐙᐙᔥᑫᔑᐗᒃ, ᐃᑭ ᑲᔦ ᓅᔐ ᐙᐙᔥᑫᔑᐗᒃ ᑳᐸᐹᒥᐸᐃᑎᐙᒡ ᒥᔕᐗᑲᒥᒃ; ᑫᑯ ᐗᓇᔥᑴᐃᔑᓈᑳᕽ ᐅᐅ ᑳᒥᓉᓂᑎᔮᕽ, ᐹᓂᒫ ᑮᑌ ᒥᓉᓂᑎᔮᕽ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society