ᑲᑮᑖᐎᑮᔗᐎᓇᓐ 31 - ᐅᒋᐺ ᑭᒋᒪᓯᓇᐃᑲᓐᓴᓭᑳ ᐃᑴ ᐁᑕᔑᓱᒡ 10 ᐋᐱᒋ ᓴ ᓴᓇᑲᓐ ᒋᒥᑲᐎᑎᐸᓐ ᓴᓭᑳ ᐐᐎᒫ! ᓇᐗᒡ ᓴ ᐐᓐ ᐃᔥᐯᑖᑯᓯ ᐊᐲᒡ ᐐᓐ ᐃᐃ ᑳᐋᑾᑭᓱᓂᒡ ᒥᔅᒀᐱᑲᓯᓃᐞ ᐅᕒᐆᐱ ᑳᐃᓂᒥᓐᒡ᙮ 11 ᐅᓈᐯᒪᓐ ᓴ ᐐᑫ ᐅᑌᐺᔦᓂᒥᑰᓐ, ᑳᐐᓐ ᑕᔥ ᐐᑳ ᑫᑰᓂᓂ ᑕᒪᓀᓯᓰᐗᓐ᙮ 12 ᒥᓂᒃ ᓴ ᑯ ᑫᐱᒫᑎᓯᒡ ᐋᐱᒋ ᐅᒥᓄᑑᑕᐙᓐ ᐅᓈᐯᒪᓐ, ᑳᐐᓐ ᐐᓐ ᐃᔑᒋᑫᓰ ᑫᐅᒋ ᐐᓴᑫᑕᒥᓂᒡ᙮ 13 ᒦᑕᔥ ᐁᔑᒋᑫᒡ ᐁᓇᓈᑐᓀᐙᒡ ᒥᔅᑯᑳᑌᔮᐲᓐ, ᐃᔒᑭᓉᔮᐲᓂ ᑲᔦ ᑳᐅᒌᓂᒃ ᑭᑎᑳᓂ ᒥᑎᑯᓯᕽ, ᒨᔕᒃ ᐃᑯ ᐁᑕᓇᑲᒥᑭᓯᒡ᙮ 14 ᒦ ᓴ ᑲᔦ ᐁᔑᒋᑫᒡ ᐙᓴ ᐁᐅᒋ ᓈᓯᑲᕽ ᒦᒋᒻ ᑖᐱᔥᑰ ᑭᒋ ᒌᒫᓇᓐ ᐙᓴ ᑳᐱᐅᒋ ᐲᑖᐗᑖᓲᒪᑲᓂᓂᑭᓐ ᒦᒋᒻ ᑫᐊᑖᐗᑳᑌᓂᑭᓐ᙮ 15 ᐐᐸ ᑕᔥ ᑲᔦ ᑭᑭᔐᑉ ᒋᑆ ᐲᑖᐸᓂᓂᒃ ᐗᓂᔥᑳ ᐁᑾᔮᒋᓯᑕᒪᐙᒡ ᒦᒋᒻ ᐅᑖᐎᓂᕽ ᐁᔮᓂᒡ, ᐁᐙᐐᑕᒪᐙᒡ ᑲᔦ ᐃᑴᐗᐞ ᑳᐸᒦᑖᑯᒡ ᐋᓃᓐ ᑫᐃᔑᒋᑫᓂᒡ᙮ 16 ᐁᐙᐸᑕᕽ ᐃᓴ ᑭᑎᑳᓇᑲᒥᑯᓂ ᒦ ᐃ ᐁᔑ ᐊᑖᐌᒡ᙮ ᒥᓂᒃ ᑕᔥ ᐃᑯ ᐃᐃᒫ ᐌᒋ ᑲᔥᑭᒋᑫᒡ ᒦ ᐃᒫ ᐌᒋ ᐅᔑᑑᒡ ᑫᔑ ᑭᑎᑳᓱᓂᒡ ᔔᒥᓇᐞ᙮ 17 ᐐᑫ ᓴ ᓂᑖᐗᓄᑮ, ᐐᑫ ᑲᔦ ᒪᔥᑲᐙᑎᓯ ᑳᐅᒋ ᑲᔥᑭᑑᒡ ᐁᑑᑕᕽ ᐅᑕᓄᑮᐎᓇᓐ᙮ 18 ᐅᑭᑫᑖᓐ ᓴ ᑲᔦ ᐁᐲᑌᑖᑾᓂᓂᒃ ᑲᑭᓇ ᑫᑰᓂᓂ ᑳᐅᔑᑑᒡ, ᐁᓂᑖ ᓃᐹ ᐊᓄᑮᒡ᙮ 19 ᐐᓐ ᑕᔥ ᐃᑯ ᑲᔦ ᐅᑑᔑᐋᓐ ᑲᔥᑭᒀᒋᑲᓀᔮᐲᓐ, ᐐᓐ ᐃᑯ ᑲᔦ ᐅᑑᔑᑑᓐ ᐃᔒᑭᓐ᙮ 20 ᐅᐐᒋᐋᐞ ᑲᔦ ᑳᑭᑎᒫᑭᓯᓂᒡ, ᐅᒥᓄᑑᑕᐙᐞ ᑲᔦ ᑳᒪᓀᓯᓂᒡ ᑫᑰᓐ᙮ 21 ᑮᓱᑭᑄᓂᓂᒃ ᑲᔦ ᑳᐐᓐ ᓇᓃᓵᓀᑕᓰ ᐋᓃᔥ ᑳᐐᒋᑖᒥᑯᒡ ᐅᑖᐎᓂᕽ ᐅᑕᔮᓂ ᑳᑮᔓᐗᓂᓂᑭᓐ ᑫᑭᑭᔥᑲᒥᓂᒡ᙮ 22 ᐐᓐ ᐃᑯ ᑲᔦ ᐅᑑᔑᑑᓇᓐ ᑳᒥᓋᓯᓈᑌᑭᓐ ᓂᐯᐎᓂᐃᑭᓅᓐ; ᒦ ᑲᔦ ᐁᔑᐅᒡ ᐁᑭᑭᔥᑲᕽ ᑳᐅᓂᔑᔑᓂᓂᒃ ᓭᓂᐹᐌᑭᓂᓂ, ᑳᒪᑲᑌᐎ ᐅᓵᐗᔥᑴᑲᓂᓂᒃ ᑲᔦ᙮ 23 ᐃᓂ ᓴ ᐅᓈᐯᒪᓐ ᐐᑫ ᑭᑌᓂᒥᒫᐗᓐ ᐅᐐᑕᐱᒫᓂ ᐄᑐᒃ ᐃᐃ ᑳᓃᑳᓀᑖᑯᓯᓂᒡ ᐃᓂᓂᐗᐞ᙮ 24 ᐅᑑᔑᑑᓇᓐ ᑲᔦ ᑭᑭᔥᑭᑲᓇᓐ, ᑭᑭᒋᒌᐱᓱᓇᓐ ᑲᔦ ᒋᐊᑖᒥᑯᒡ ᑳᐸᐹᒪᑖᐌᓂᒡ᙮ 25 ᒦ ᑲᔦ ᐁᓀᑖᑾᓂᓂᒃ ᐁᑭᑭᔥᑲᕽ ᒪᔥᑲᐙᑎᓯᐎᓐ, ᑭᑌᑖᑯᓯᐎᓐ ᑲᔦ; ᔓᐐᑴᓂ ᑲᔦ ᐁᐲᒋ ᐅᒑᓂᒣᑕᓯᒃ ᐋᓃᓐ ᑫᓂ ᐃᔑᐌᐸᓂᓂᒃ᙮ 26 ᐐᑫ ᑲᑮᑖᐎᑮᔗ ᑮᑮᑭᑐᒡ, ᑳᔑ ᑭᑭᓄᐃᑫᒡ ᑲᔦ ᑌᐺᔦᑖᑾᓂᓂ᙮ 27 ᒨᔕᒃ ᑲᔦ ᑕᓇᑲᒥᑭᓯ ᐁᓈᓈᑲᒋᐋᒡ ᐅᑖᐎᓂᕽ ᑳᐊᔮᓂᒡ ᑲᑭᓇ ᑫᑰᓐ ᒋᑌᐱᓭᓂᒡ᙮ 28 ᐅᓃᒑᓂᓴᐞ ᓴ ᐅᐐᑕᒫᑯᐞ ᐁᒥᓄ ᐃᑴᐎᒡ ᐅᓈᐯᒪᓐ ᑲᔦ ᐅᑭᒋ ᐃᓀᓂᒥᑰᓐ, ᐅᐅ ᐁᐃᑯᒡ, 29 ᐹᑏᓄᐗᒃ ᓴ ᓴᓭᑳ ᐐᐎᒫᒃ, ᑮᓐ ᑕᔥ ᒫᐗᒡ ᑭᐹᔑᒋᔥᑲᐙᒃ ᑲᑭᓇ ᐐᐎᒫᒃ᙮ 30 ᒥᓉᑖᑯᓯᐎᓐ ᓴ ᐗᓀᑖᑾᓐ, ᒥᓄᓈᑯᓯᐎᓐ ᑲᔦ ᑳᐐᓐ ᑫᑰᓐ ᐃᓈᐸᑕᓯᓅᓐ᙮ ᐊᐊ ᑕᔥ ᐐᓐ ᐃᑴ ᑳᑯᑖᓀᓂᒫᒡ ᑳᑎᐯᒋᑫᓂᒡ ᑕᑭᒋ ᐃᓀᑖᑯᓯ᙮ 31 ᑲᔥᑭᑕᒫᓱ ᐅᔕ ᒋᑎᐸᐊᒪᐎᑎᐸᓐ, ᑎᐸᐊᒪᐎᒃ ᐃᑕᔥ᙮ ᐃᔑᓈᑾᓂᓂ ᑯ ᐁᑕᓱ ᐯᔑᑯᐙᒡ ᐊᐎᔭᒃ ᒋᑭᑌᓂᒫᐙᐸᓐ ᐃᓂ ᐃᑴᐗᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society