ᑲᑮᑖᐎᑮᔗᐎᓇᓐ 20 - ᐅᒋᐺ ᑭᒋᒪᓯᓇᐃᑲᓐ1 ᒦ ᓴ ᐃ ᐁᔑᓭᒃ ᔔᒥᓈᐳ ᐁᒦᑭᓱᒥᐌᒪᑲᒃ, ᔑᑯᐲᐙᐳ ᑲᔦ ᐁᒦᑳᔑᐌᒪᑲᒃ, ᐊᐎᔭ ᑕᔥ ᐃᐃᒫ ᐌᒋ ᑮᐗᔥᑴᐲᒡ ᑳᐐᓐ ᐄᓴᓐ ᑲᑮᑖᐌᑕᓰ᙮ 2 ᑭᒋᐅᑭᒫ ᓴ ᐅᓂᔥᑳᑎᓯᐎᓐ ᐃᓀᑖᑾᓂᓂ ᑖᐱᔥᑰ ᒥᔑᐱᔑᐤ ᑳᔑ ᑯᑖᓂᑖᑯᓯᒡ, ᐊᐌᓀᓐ ᐃᓴ ᑯ ᑫᓂᔥᑭᐋᒡ ᐃᓀᑖᑾᓐ ᐅᐱᒫᑎᓯᐎᓐ ᐁᓇᓃᓵᓀᑖᑯᑑᒡ᙮ 3 ᑭᑌᑖᑾᓐ ᐃᓴ ᐊᐎᔭ ᑳᒦᑖᑴᓄᑕᕽ ᑮᑳᑎᐎᓐ, ᑫᑮᐹᑎᓯᒡ ᐃᑕᔥ ᐐᓐ ᐅᑲ ᒫᒋᑑᓐ ᑮᑳᑎᐎᓐ᙮ 4 ᑫᑎᒥᔥᑭᒡ ᓴ ᑳᐐᓐ ᐲᑾᑲᒥᑭᐱᒋᑫᓰ ᑮᐃᔥᒀ ᑕᒀᑭᓂᓂᒃ, ᒦᔥ ᐁᔑ ᒥᒋ ᐊᑐᑕᒫᑫᒡ ᐊᐲ ᑮᒪᓂᔑᑫᕽ, ᑫᑰᓐ ᐁᐊᔮᓯᒃ᙮ 5 ᐊᐎᔭ ᓴ ᐁᔑ ᓈᓈᑲᑕᐌᑕᕽ ᒦ ᐃ ᐁᔑᓈᑾᓂᓂᒃ ᑖᐱᔥᑰ ᓂᐱ ᑳᐊᔮᒃ ᐙᓴ ᐊᓈᒥᕽ ᐅᑕᐃᐹᓂᕽ, ᐊᐊ ᓴ ᐐᓐ ᐌᑲᑮᑖᐌᑕᒧᐎᓂᒡ ᐅᑲᔥᑭᑑᓐ ᒋᒀᐸᐊᑭᐸᓐ ᓂᐲᓂ᙮ 6 ᐹᑏᓄᐗᒃ ᓴ ᐁᑭᑐᐙᒡ ᐁᑭᒋᐌᓂᑫᐙᒡ, ᐊᐌᓀᓐ ᐃᑕᔥ ᐃᓈ ᑫᒥᑲᐙᐸᓐ ᑎᓄ ᑫᑌᐺᔦᑖᑯᓯᓂᐸᓐ? 7 ᑴᔭᒀᑎᓯᒡ ᓴ ᐃᔑ ᐱᒫᑎᓯ ᑫᑰᓐ ᑫᔑ ᐊᓈᒣᑖᑯᓯᓯᒃ, ᐅᓃᒑᓂᓴᐞ ᐃᓴ ᑕᓂ ᔕᐌᑖᑯᓯᐗᐞ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society