Nikamonan 8 - ᐅᒋᐺ ᑭᒋᒪᓯᓇᐃᑲᓐᑭᔐᒪᓂᑑ ᑫᒋᐃᓀᑖᑯᓯᒡ ᐅᑮᐃᔑᐋᓐ ᐯᒫᑎᓯᓂᒡ ᑲᔦ ᒋᑭᒋᐃᓀᑖᑯᓯᓂᒡ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᐆ ᑌᐯᒋᑫᔭᓐ, ᑳᑎᐯᓂᒥᔮᕽ, ᐁᔑ ᑭᒋᐅᑭᒫᐌᑖᑯᓯᔭᓐ ᓴ ᒥᓯᐌ ᓈᑾᓐ ᐅᐅᒫ ᐊᑮᕽ, ᑭᑭᒋ ᐃᓀᑖᑯᓯᐎᓐ ᑲᔦ ᓇᐗᒡ ᐃᔥᐯᑖᑾᓐ ᐊᐲᒡ ᐐᓐ ᐁᐲᑖᒃ ᐃᐃ ᑭᒋᑮᔑᒃ! 2 ᒦ ᓴ ᐃ ᐁᓇᐊᒧᐙᒡ ᐊᐱᓅᒌᔕᒃ, ᐊᐱᓅᒌᔐᓴᒃ ᑲᔦ᙮ ᑮᓐ ᐄᑐᒃ ᑭᑑᔑᑕᒫᔅ ᑫᐅᒋ ᔖᑰᒋᐃᓯᓄᒀ ᑳᔒᑫᓂᒥᒀ, ᐙᐅᒋ ᑭᐱᑎᓇᑣ ᐃᑭ ᑳᑲᑴ ᓇᑳᔥᑲᐎᒀ ᒋᔖᑰᒋᐊᑣ᙮ 3 ᑮᐙᐸᑕᒫᓐ ᑕᔥ ᑮᔑᒃ ᑭᓂᒌᕽ ᑳᐅᒋ ᐅᔑᑑᔭᓐ, ᐁᐙᐸᒪᒃ ᑲᔦ ᑎᐱᑭᑮᓯᔅ, ᐗᓇᑯᔕᒃ ᑲᔦ ᑳᑮ ᐃᔑ ᐊᔭᑰᓇᑣ, 4 ᑫᑰᓐ ᐃᓇ ᐯᒫᑎᓯᒡ ᐃᓀᑖᑯᓯ ᒋᓈᓈᑲᑕᐌᓂᒪᑎᐸᓐ; ᐋᓃᓐ ᐃᑕᔥ ᐁᓀᑖᑯᓯᒡ ᐊᐎᔭ ᐯᒫᑎᓯᒡ ᒋᓈᓈᑲᒋᐊᑎᐸᓐ? 5 ᐊᒋᓇ ᓴ ᐁᑕ ᑭᑮ ᑕᐸᓭᑖᑯᓯᐋ ᐋᓃᓐ ᑳᐊᐲᑌᑖᑯᓯᓂᒡ ᐁᒐᓬᐊᐞ angels, ᑭᑮ ᐱᑖᓄᒀᓀᐋ ᓴ ᒋᑭᑭᔥᑲᕽ ᑭᒋ ᐃᓀᑖᑯᓯᐎᓐ, ᑭᑌᑖᑯᓯᐎᓐ ᑲᔦ᙮ 6 ᑭᑮ ᐃᓇᑭᒫ ᑲᔦ ᑲᑭᓇ ᑫᑰᓂᓂ ᒋᑎᐯᑕᕽ ᑳᑮ ᐅᔑᑖᐗᒡ, ᑭᑮ ᐃᔑ ᐅᓇᑭᒫ ᑲᔦ ᑲᑭᓇ ᑫᑰᓂᓂ ᒋᑎᐯᑕᕽ ᒋᑕᑕᑯᑳᑕᕽ᙮ 7 ᑭᑮ ᐅᔑᐃᒫᐞ ᒋᑎᐯᓂᒫᒡ ᑲᑭᓇ ᒫᓇᒑᓂᔕᐞ, ᐱᔑᑭᐗᐞ, ᐊᔭᐋᐎᔕᐞ ᑲᔦ ᐱᑾᒐᔭᐄ ᑳᐊᔮᓂᒡ, 8 ᐱᓀᔒᔕᐞ ᑲᔦ ᐯᐹᒥᓭᓂᒡ ᐃᔥᐱᒥᕽ, ᑮᑰᔭᐞ ᑲᔦ ᑭᒋᑲᒦᕽ ᐁᔮᓂᒡ, ᐃᐃ ᑲᔦ ᑲᑭᓇ ᐁᔮᓂᒡ ᐊᓈᒦᑎᒻ ᑭᒋᑲᒦᕽ᙮ 9 ᐆ ᑌᐯᒋᑫᔭᓐ, ᑳᑎᐯᓂᒥᔮᕽ, ᐁᔑ ᑭᒋᐅᑭᒫᐌᑖᑯᓯᔭᓐ ᓴ ᓈᑾᓐ ᒥᓯᐌ ᐅᐅᒫ ᐊᑮᕽ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society