Nikamonan 67 - ᐅᒋᐺ ᑭᒋᒪᓯᓇᐃᑲᓐᒦᑴᒋᐌᑕᒨᐎᓂᑲᒧᓐ 1 ᑭᔐᒪᓂᑑ, ᑕᑲ ᑰᐹᑌᓂᒥᔑᓈᒻ, ᔕᐌᓂᒥᔑᓈᒻ, ᒥᓍᐸᒥᔑᓈᒻ ᑲᔦ᙮ 2 ᒦᑕᔥ ᒥᓯᐌ ᐅᐅᒫ ᐊᑮᕽ ᒋᑭᑫᒋᑳᑌᒃ ᑭᑎᔑᑣᐎᓐ, ᑲᑭᓇ ᓴ ᒋᑭᑫᑕᒧᐙᒡ ᐁᔑ ᐱᒫᒋᐃᐌᐗᒡ᙮ 3 ᐆ ᑭᔐᒪᓂᑑ, ᑕᑲ ᐯᒫᑎᓯᐙᒡ ᒦᑴᒡ ᑭᑲᐃᑰᒃ; ᑲᑭᓇ ᓴ ᐱᑯ ᐯᒫᑎᓯᐙᒡ ᑭᑲ ᒦᑴᒋᐌᓂᒥᑰᒃ! 4 ᑕᑲ ᓴ ᑳᐯᐸᑳᓉᐙᓇᑭᓯᐙᒡ ᐯᒫᑎᓯᐙᒡ ᑕᒥᓉᑕᒧᒃ ᒋᐃᓇᐊᒧᐙᒡ ᑲᔦ ᓂᑲᒧᓇᓐ ᑳᒌᑭᑖᑾᓂᓂᑭᓐ; ᐋᓃᔥ ᑮᓐ ᐌᐌᓂ ᑭᑎᓈᑯᓈᒃ ᐯᒫᑎᓯᐙᒡ, ᐯᔑᑾᓐ ᐁᑑᑕᐗᑣ, ᐁᑭᑭᓄᐎᓇᑣ ᑲᔦ ᑳᐯᐸᑳᓉᐙᓇᑭᓯᐙᒡ ᐯᒫᑎᓯᐙᒡ ᐅᐅᒫ ᐊᑮᕽ᙮ 5 ᐆ ᑭᔐᒪᓂᑑ, ᑕᑲ ᐯᒫᑎᓯᐙᒡ ᒦᑴᒡ ᑭᑲᐃᑰᒃ; ᑲᑭᓇ ᓴ ᑯ ᐯᒫᑎᓯᐙᒡ ᑭᑲ ᒦᑴᒋᐌᓂᒥᑰᒃ᙮ 6 ᐅᐅᒫ ᓴ ᐊᑮᕽ ᑕᓂᑖᐎᑭᓅᓐ ᑫᒪᓂᔑᑳᑌᑭᓐ; ᑭᔐᒪᓂᑑ, ᑳᐅᑭᔐᒪᓂᑑᒥᔭᕽ ᑭᔕᐌᓂᒥᑯᓈᓐ᙮ 7 ᑭᔐᒪᓂᑑ ᓴ ᑭᑲ ᔕᐌᓂᒥᑯᓈᓐ, ᑕᑲ ᑲᑭᓇ ᐯᒫᑎᓯᐙᒡ ᒥᓯᐌ ᑳᐊᔮᐙᒡ ᐊᑮᕽ ᐅᑲ ᑯᑖᓀᓂᒫᐙᓐ! |
Ojibwe Shorter Bible (Syllabic Script) © 2008 Canadian Bible Society
Canadian Bible Society