Nikamonan 46 - ᐅᒋᐺ ᑭᒋᒪᓯᓇᐃᑲᓐᑭᔐᒪᓂᑑ ᐁᐐᒌᐎᓇᕽ 1 ᑭᔐᒪᓂᑑ ᑳᓈᒋᐸᐃᐙᓇᕽ, ᐐᓐ ᐄᑐᒃ ᑳᒦᓂᓇᕽ ᑫᐅᒋ ᓲᑭᓯᐗᕽ, ᒨᔕᒃ ᐁᑮᔒᒡ ᐁᐎ ᐐᒋᐃᐌᒡ ᐊᐲ ᒫᔑᓭᓈᓂᐗᓂᓂᒃ! 2 ᑳᐐᓐ ᑕᔥ ᑭᑲ ᓭᑭᓯᓰᒥᓐ ᒥᓴᐙ ᑯ ᐊᑭ ᐗᑲᐎᓭᒃ, ᒥᓴᐙ ᑯ ᑲᔦ ᑭᒋ ᐗᒌᓐ ᐃᔑ ᔔᔥᑯᓭᑭᓐ ᓈᐗᑳᒻ ᑳᔑ ᑮᔥᑲᔭᐙᓂᒃ ᑭᒋᑲᒦᕽ; 3 ᒥᓴᐙ ᑯ ᑲᔦ ᑭᒋᑲᒦᓐ ᑭᒋ ᐃᓉᐌᔮᑲᒫᔥᑳᑭᓐ, ᑭᒋ ᐙᐙᓵᔥᑳᑭᓐ ᑲᔦ, ᒥᓴᐙ ᑯ ᑲᔦ ᑭᒋ ᐗᒌᓐ ᑭᒋ ᐅᓐᒑᓂᒥᓭᑭᓐ! 4 ᐊᔮ ᓴ ᓰᐱ ᐯᒥᒋᐗᕽ ᑳᐅᒋ ᒥᓉᑖᑾᒃ ᐃᐃ ᑭᔐᒪᓂᑑ ᑳᑭᑌᑖᑾᓂᓂᒃ ᐅᑭᒋ ᐆᑌᓈᒻ᙮ ᒦ ᐄᑐᒃ ᐃᐃᒫ ᐁᔑᑖᒡ ᐐᓐ ᒫᐗᒡ ᑳᐃᔥᐯᑖᑯᓯᒡ! 5 ᑭᔐᒪᓂᑑ ᓴ ᐃᐃᒫ ᐊᔮ ᐲᒋ ᑭᒋ ᐆᑌᓈᕽ; ᑳᐐᓐ ᑕᔥ ᐐᑳ ᑕᓂᔑᐗᓈᒋᒋᑳᑌᓯᓂᓂ; ᑭᔐᒪᓂᑑ ᓴ ᐐᐸ ᑭᑭᔐᑉ ᐅᑲ ᓈᑕᒪᐙᑖᓐ᙮ 6 ᑳᐯᐸᑳᓉᐙᓇᑭᓯᐙᒡ ᐯᒫᑎᓯᐙᒡ ᓴ ᑭᒋ ᓅᑖᑯᓯᔮᓂᒥᓯᐗᒃ; ᐅᑭᒫᐎᐎᓇᓐ ᑲᔦ ᐊᓂ ᓂᔑᐗᓈᒋᒋᑳᑌᐗᓐ; ᑭᔐᒪᓂᑑ ᓴ ᑮᑮᑭᑐᒡ ᒦ ᐃ ᐁᔑ ᓂᑭᑌᒃ ᐊᑭ᙮ 7 ᑳᑎᐯᒋᑫᒡ ᑳᒫᐗᒋ ᒪᔥᑲᐎᓰᒡ ᐅᔕ ᑭᐐᒌᐎᑯᓈᓐ; ᒉᑲᑉ Jacob ᐅᑭᔐᒪᓂᑑᒪᓐ ᐄᑐᒃ ᑳᓈᒋᐸᐃᐙᓇᕽ! 8 ᐃᓇᔥᑫ ᐊᐯᔪᒃ, ᐙᐸᑕᒧᐙᒃ ᐋᓃᓐ ᑳᑎᐯᒋᑫᒡ ᑳᐱ ᐃᔑᒋᑫᒡ, ᐋᓃᓐ ᑲᔦ ᑳᐃᔑ ᓂᔑᐗᓈᒋᒋᑫᒡ ᐅᐅᒫ ᐊᑮᕽ᙮ 9 ᐅᑭᐱᑎᓈᓇᓐ ᑲᔦ ᑲᑭᓇ ᑳᒦᑳᑎᓈᓂᐗᓂᓂᑭᓐ ᒥᓯᐌ ᐅᐅᒫ ᐊᑮᕽ; ᐅᐴᑯᓈᐞ ᒥᑎᒀᐲᐞ, ᒌᐳᐌᐱᓂᑲᓇᓐ ᑲᔦ ᐅᓂᔑᐗᓈᒋᑑᓇᓐ, ᓇᑳᐃᑲᓇᓐ ᑲᔦ ᐅᑕᒀᑭᓵᓇᓐ᙮ 10 ᒦᑕᔥ ᐁᑭᑐᒡ, ᑯᔥᒀᐙᒋᐊᔮᒃ, ᑭᑫᑕᒧᒃ ᓃᓐ ᐁᑭᔐᒪᓂᑑᐎᔮᓐ᙮ ᓃᓐ ᓂᑎᔥᐯᑖᑯᔅ ᒣᑴᔭᐄ ᑳᔑ ᐊᔮᐙᒡ ᑳᐹᐸᑳᓉᐙᓇᑭᓯᐙᒡ ᐯᒫᑎᓯᐙᒡ, ᓃᓐ ᑲᔦ ᓂᑎᔥᐯᑖᑯᔅ ᒥᓯᐌ ᐊᑮᕽ᙮ 11 ᑳᑎᐯᒋᑫᒡ ᑳᒫᐗᒋ ᒪᔥᑲᐎᓰᒡ ᐅᔕ ᑭᐐᒌᐎᑯᓈᓐ; ᒉᑲᑉ ᐅᑭᔐᒪᓂᑑᒪᓐ ᐄᑐᒃ ᑳᓈᒋᐸᐃᐙᓇᕽ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society