Nikamonan 43 - ᐅᒋᐺ ᑭᒋᒪᓯᓇᐃᑲᓐᐃᓂᓂ ᐁᔑᐊᓇᒥᐋᒡ ᐙᓴ ᑳᐃᓈᒧᑳᓈᑲᓂᐎᒡ 1 ᐆ ᑭᔐᒪᓂᑑ, ᑕᑲ ᐃᓈᒋᒥᔑᓐ ᑫᑰᓐ ᒋᐃᔑ ᐊᓈᒣᑖᑯᓯᓯᐙᓐ; ᓇᓇᐊᑕᒪᐎᔑᓐ ᐃᐃᐌᓂ ᑳᑑᑕᐎᐙᒡ ᐃᑭ ᐯᒫᑎᓯᐙᒡ ᑳᑭᑫᓂᒥᓯᓄᐎᒀ᙮ ᓈᑕᒪᐎᔑᓐ ᒋᔖᐾᑲᑕᐗᒀ ᑳᑲᔦᓂᓯᐙᒡ, ᓅᒋ ᑲᔦ ᑳᐃᔑᐌᐱᓯᐙᒡ᙮ 2 ᑮᓐ ᐄᑐᒃ ᓂᑭᔐᒪᓂᑑᒻ ᑳᓂᑖ ᓈᒋᐸᐃᐙᓂᓈᓐ; ᐌᑯᓀᓐ ᑕᔥ ᐌᒋ ᐌᐱᓂᔭᓐ? ᐌᑯᓀᓐ ᑕᔥ ᐌᒋ ᐴᓂᓭᓯᓄᒃ ᐃᐃ ᑳᔑ ᑲᒀᑕᑭᐃᐙᒡ ᑳᔒᑫᓂᒥᐙᒡ? 3 ᑕᑲ ᐲᒋᓂᔕᐊᒪᐎᔑᓐ ᑭᐙᓭᔮᓯᐎᓐ, ᑭᑌᐺᐎᓐ ᑲᔦ ᑫᑭᑭᓄᐎᓂᑯᔮᓐ ᑳᔑ ᐊᔮᒃ ᑳᑭᑌᑖᑾᒃ ᑳᑎᐯᑕᒪᓐ ᑭᐗᒌᒻ; ᒦ ᐄᑐᒃ ᐃᐃᒫ ᑲᔦ ᐁᑕᓀᑖᑯᓯᔭᓐ᙮ 4 ᐆ ᑭᔐᒪᓂᑑ ᒦᑕᔥ ᐃᐃ ᒋᐃᔖᔮᓐ ᑳᔑ ᐸᑭᑎᓈᓲᑕᒫᑯᔭᓐ, ᑮᓐ ᐄᑐᒃ ᑳᒦᔑᔭᓐ ᒥᓉᑕᒧᐎᓐ᙮ ᓂᑲ ᒪᑗᔮᐲᑭᐱᒋᑫ ᓂᑭᑐᒋᑲᓂᕽ ᒦᑴᒡ ᒋᐃᓇᐊᒧᑕᒪᐎᓈᓐ, ᐆ ᑭᔐᒪᓂᑑ ᓂᑭᔐᒪᓂᑑᒻ! 5 ᐌᑯᓀᓐ ᑕᔥ ᐌᒋ ᒫᓀᑕᒫᓐ ᓂᑕᒑᑯᕽ? ᐌᑯᓀᓐ ᑲᔦ ᐌᒋ ᒫᔑᓭᔮᓐ? ᑭᔐᒪᓂᑑ ᓴ ᓂᑲ ᐊᐯᓂᒧᓄᑕᐙ ᑫᔮᐱ ᒋᒦᑴᒋᐌᓂᒪᒃ, ᓂᒻᐱᒫᒋᐃᐌᒻ, ᓂᑭᔐᒪᓂᑑᒻ! |
Ojibwe Shorter Bible (Syllabic Script) © 2008 Canadian Bible Society
Canadian Bible Society