Nikamonan 23 - ᐅᒋᐺ ᑭᒋᒪᓯᓇᐃᑲᓐᑳᑎᐯᒋᑫᒡ ᐁᑎᓄᐎᒡ ᑳᑲᓇᐎᒫᓇᒑᓂᔑᐌᒡ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᑳᑎᐯᒋᑫᒡ ᐅᔕ ᓂᑲᓇᐎ ᒫᓇᒑᓂᔑᐌᒻ᙮ ᑳᐐᓐ ᓴ ᑫᑰᓐ ᓂᓅᑌᓭᓰ᙮ 2 ᐐᓐ ᐄᑐᒃ ᑳᐃᔑᐎᔑᒡ ᑫᔑ ᐸᐱᒥᔑᓄᐗᒃ ᑳᔑ ᒥᓋᔥᑯᓰᐗᑳᓂᒃ᙮ ᐐᓐ ᑲᔦ ᑳᐃᔑᐎᔑᒡ ᑳᔑ ᑯᔥᒀᐙᑖᑲᒥᓂᓂᒃ ᓂᐲᓂ᙮ 3 ᐐᓐ ᑲᔦ ᑳᐅᔥᑭ ᒪᔥᑲᐎᓰᐃᒡ᙮ ᐐᓐ ᑲᔦ ᑳᔑ ᑭᑭᓄᐎᔑᒡ ᑾᔭᒃ ᒦᑲᓈᕽ ᑳᐃᓇᒧᓂᓂᒃ ᐌᐌᓂ ᑫᔑ ᐱᒥ ᐊᔮᐗᒃ ᐋᓃᔥ ᐃᔑ ᑭᑫᑖᑾᓂᓂ ᐅᐐᓱᐎᓐ ᐁᑌᐺᔦᑖᑯᓯᒡ᙮ 4 ᒥᓴᐙ ᐃᔑ ᐱᒧᓭᔮᓐ ᑳᔑ ᐸᓯᐊᔮᒃ ᒫᐗᒡ ᑳᔑ ᑲᔥᑮᑎᐱᑲᒃ, ᑳᐐᓐ ᓂᑲ ᑯᑕᓰᓐ ᒪᒋᑫᑰᓐ, ᑌᐯᒋᑫᔭᓐ, ᑮᓐ ᐋᓃᔥ ᑳᐐᒌᐎᔭᓐ᙮ ᑭᐸᑲᒫᑲᓈᑎᒃ, ᑭᓴᑲᐅᓈᒃ ᑲᔦ ᐁᓈᑕᒫᑯᔮᓐ᙮ 5 ᑭᑾᔮᒋᓯᑕᒪᐎᔥ ᑲᔦ ᑑᐳᐎᓈᑯᕽ ᒋᑕᔑ ᐐᓯᓂᔮᓐ, ᒋᐙᐸᒥᐙᒡ ᑳᔒᑫᓂᒥᐙᒡ᙮ ᒥᓈᑯᐅᓂᐱᒥᑌ ᑲᔦ ᐁᓰᑭᓇᒪᓐ ᓂᑎᒀᓂᕽ, ᐁᓈᑯᑑᔭᓐ ᐁᑭᑌᓂᒥᔭᓐ᙮ ᓂᒥᓂᒀᑲᓐ ᑲᔦ ᐐᑫ ᑭᑖᒥᐸᑑᓐ᙮ 6 ᑌᐺ ᓴ ᐃ ᑳᔑ ᒥᓄᒋᑫᐃᐌᔭᓐ, ᑳᔑ ᓵᑭᐃᐌᔭᓐ ᑲᔦ ᓂᑲ ᐐᒌᐎᑯᓇᓐ ᐁᑕᓱ ᑮᔑᒃ ᒥᓂᒃ ᑫᐱᒫᑎᓯᔮᓐ; ᒦᔥ ᑲᔦ ᑭᐙᑳᐃᑲᓂᕽ ᒋᓀᐱᒋ ᐃᔑᑖᔮᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society