Nikamonan 15 - ᐅᒋᐺ ᑭᒋᒪᓯᓇᐃᑲᓐᑭᔐᒪᓂᑑ ᑳᐊᑕᐌᑕᕽ ᐁᑕᔑᑌᓂᒃ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᐆ ᑌᐯᒋᑫᔭᓐ, ᐊᐌᓀᓐ ᑕᔥ ᑫᐊᔮᐸᓐ ᑭᑭᒋ ᐊᓇᒥᐁᐎᑲᒥᑯᕽ? ᐊᐌᓀᓐ ᐃᑕᔥ ᑲᔦ ᑫᐃᔑᑖᐸᓐ ᑭᒋ ᐗᒌᕽ ᑳᑭᑌᑖᑯᓯᐗᒡ? 2 ᒦ ᐃ ᐄᑐᒃ ᐊᐊ ᑳᔑ ᐱᒧᓭᒡ ᑳᔑ ᐊᑕᐌᑕᒥᓂᒡ ᑭᔐᒪᓂᑑᓐ, ᑾᔭᒃ ᑲᔦ ᑳᓂᑖ ᐃᔑᒋᑫᒡ; ᐅᑌᐃᕽ ᑲᔦ ᑳᓂᑖ ᐅᒋ ᑌᐺᒡ᙮ 3 ᐊᐎᔭ ᑳᓂᑖ ᒪᒋᑕᔑᒥᐌᓯᒃ, ᑳᒫᔑ ᑑᑕᐙᓯᒃ ᑲᔦ ᐅᐐᒋ ᐱᒫᑎᓰᓐ, ᑳᐸᐹᒫᒋᒫᓯᒃ ᑲᔦ ᐐᒋ ᐱᒫᑎᓰᓐ ᒥᓯᐌ᙮ 4 ᑳᐋᓇᐌᓂᒫᒡ ᑲᔦ ᐃᓂ ᑳᐋᓇᐌᓂᒥᑯᓂᒡ ᑭᔐᒪᓂᑑᓐ; ᑳᑮᑌᓂᒫᒡ ᑕᔥ ᐐᓐ ᐃᓂ ᑳᓇᐃᑕᐙᓂᒡ ᑭᔐᒪᓂᑑᓐ᙮ ᒨᔕᒃ ᑲᔦ ᑳᐃᔑᒋᑫᒡ ᑳᔑ ᐊᔓᑕᒫᑫᒡ, ᒥᓴᐙ ᑯ ᐅᒋ ᐗᓯᑖᐎᓭᒡ᙮ 5 ᑮᒪᓯᓇᐃᑫ ᒦᑭᐌᒡ ᑲᔦ ᔔᓂᔮᓐ ᑳᐐᓐ ᐅᓇᑲᑭᒫᓰᓐ, ᑳᐐᓐ ᑲᔦ ᐅᑑᑖᐱᓈᓰᓐ ᐋᓇ ᐐᑎᐸᐊᒪᐎᓐᒡ ᓅᒋᑯ ᒋᐃᓈᒋᒫᒡ ᐊᐎᔭᓐ ᑫᑰᓐ ᑳᐃᔑ ᐊᓈᒣᑖᑯᓯᓯᓂᒃ᙮ ᐊᐌᓀᓐ ᓴ ᑯ ᐅᓄ ᑫᐃᔑᒋᑫᒡ ᑳᐐᓐ ᐐᑳ ᑕᐗᑲᐎᓈᓰ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society