Nikamonan 148 - ᐅᒋᐺ ᑭᒋᒪᓯᓇᐃᑲᓐᑲᑭᓇ ᑫᑰᓐ ᐁᔮᒃ ᑲᔦ ᐊᐎᔭᒃ ᑮᑲᓅᓈᐗᒃ ᒋᒦᑴᒋᐌᓂᒫᐙᒡ ᑳᑎᐯᒋᑫᓂᒡ 1 ᓇᓈᑯᒥᒃ ᑳᑎᐯᒋᑫᒡ! ᑮᔑᑯᕽ ᐃᓇᑫ ᐅᒋ ᓇᓈᑯᒥᒃ, ᑮᓇᐙ ᐌᑎ ᑳᐃᔑ ᐃᔥᐯᑖᑾᒃ ᐁᐊᔮᔦᒃ, ᓇᓈᑯᒥᒃ! 2 ᑮᓇᐙ ᑲᑭᓇ ᐅᑌᒐᓬᐃᒪᐞ ᓇᓈᑯᒥᒃ, ᑮᓇᐙ ᑲᑭᓇ ᑳᐹᑏᓄᔦᒃ ᑮᔑᑯᐎ ᔑᒫᑲᓂᔕᒃ᙮ 3 ᑮᓐ ᑮᓯᔅ, ᑎᐱᑭᑮᓯᔅ ᑲᔦ, ᓇᓈᑯᒥᒃ ᑌᐯᒋᑫᒡ ᑫᑮᓇᐙ ᐗᓇᑯᔕᒃ ᑳᐙᓴᑯᓀᔦᒃ ᓇᓈᑯᒥᒃ ᑳᑎᐯᒋᑫᒡ! 4 ᐃᐃ ᓴ ᐃᔥᐱᑮᔑᒃ, ᓂᐲᓂ ᑲᔦ ᐁᔮᓂᒃ ᐌᑎ ᐋᑸᑕᐎ ᐃᔥᐱᒥᕽ ᐅᑲ ᓇᓈᑯᒥᑯᓐ ᑳᑎᐯᒋᑫᒡ᙮ 5 ᑕᑲ ᒦᐗᓐ ᐅᓄ ᑫᒦᑴᒋᐌᑕᒥᓂᒡ ᑳᑎᐯᒋᑫᒡ ᐅᐐᓱᐎᓐ! ᐐᓐ ᐄᑐᒃ ᑳᑮ ᐊᓅᑮᒡ, ᒦᔥ ᑳᐃᔑ ᐅᔑᐃᒥᓐᒡ᙮ 6 ᐅᑮ ᓀᐱᒋ ᐅᓇᓵᐞ ᓴ ᑫᔑ ᐊᔭᐱᓂᒡ; ᑳᑮ ᐃᓈᑯᓂᑫᒡ ᑳᐐᓐ ᐐᑳ ᑕᐴᓂᓭᓯᓂᓂ᙮ 7 ᐊᑮᕽ ᓴ ᐅᒋ ᓇᓈᑯᒥᒃ ᑳᑎᐯᒋᑫᒡ᙮ ᑕᑲ ᑲᔦ ᑭᒋ ᐊᔭᐋᐎᔕᐞ ᐁᔮᓂᒡ ᐊᓈᒦᑎᒻ, ᑲᑭᓇ ᑲᔦ ᑳᑭᔥᑲᔭᐙᓂᒃ ᐅᑲ ᓇᓈᑯᒥᑯᓐ᙮ 8 ᑳᐙᐙᑌᓭᓂᒃ, ᒥᑾᒥᓈᓇᓐ, ᑰᓇᓐ, ᐗᑸᓐ ᑲᔦ, ᑭᒋ ᓅᑎᓐ ᑲᔦ ᑳᐃᔑᒋᑫᒪᑲᓂᓂᑭᓐ ᐁᑭᑐᒡ, 9 ᑭᒋ ᐗᒌᓐ, ᑲᑭᓇ ᑲᔦ ᐯᑾᑎᓈᓂᑭᓐ, ᑲᑭᓇ ᒥᑎᑰᐞ ᓀᑖᐎᑭᑑᓂᒡ ᒦᒋᒻ, ᑮᔥᑳᑎᑰᐞ ᑲᔦ, 10 ᐱᑾᒋ ᐊᔭᐋᐎᔕᐞ, ᑲᑭᓇ ᑲᔦ ᐱᔑᑭᐗᐞ, ᑲᑭᓇ ᑲᔦ ᑫᑰᓐ ᑳᐱᒨᑌᒪᑲᓂᓂᒃ ᐅᐅᒫ ᐊᑮᕽ, ᑳᐱᒥᓭᓂᒡ ᑲᔦ ᐱᓀᔒᔕᐞ᙮ 11 ᑳᑭᒋᐅᑭᒫᐎᓂᒡ ᑲᔦ ᐊᑮᕽ, ᑲᑭᓇ ᓴ ᑯ ᐯᒫᑎᓯᓂᒡ; ᐌᑭᒫᐌᑖᑯᓯᓂᒡ ᑲᔦ, ᑲᑭᓇ ᑲᔦ ᐅᑎᐹᑯᓂᑫᐞ ᐅᐅᒫ ᐊᑮᕽ; 12 ᐅᔥᑭᓃᑭᐗᐞ, ᐅᔥᑭᓃᑭᑴᐗᐞ ᑲᔦ, ᐊᑭᐌᓯᐗᐞ, ᐊᐱᓅᒌᔕᐞ ᑲᔦ᙮ 13 ᑕᑲ ᒦᐗᐞ ᐅᐅ ᑫᒦᑴᒋᐌᑕᒥᓂᒡ ᑳᑎᐯᒋᑫᒡ ᐅᐐᓱᐎᓐ, ᐋᓃᔥ ᐐᓐ ᐁᑕ ᐅᐐᓱᐎᓐ ᐃᔥᐯᑖᑯᒋᑳᑌᓂ᙮ ᐅᑭᒋ ᐃᓀᑖᑯᓯᐎᓐ ᓇᐗᒡ ᐁᐃᔥᐯᑖᑾᓂᓂᒃ ᐊᐲᒡ ᐐᓐ ᐊᑮᓂ, ᑮᔑᒃ ᑲᔦ᙮ 14 ᐐᓐ ᐄᑐᒃ ᐅᑮ ᐅᑎᓇᒪᐙᐞ ᐅᐱᒫᑎᓰᒪᐞ ᑫᑭᒋ ᐅᑑᑭᒫᒥᓂᒡ, ᒋᒦᑴᒋᐌᓂᒥᑯᒡ ᑲᑭᓇ ᑌᐱᓇᐌᐎᓯᒡ ᐯᒫᑎᓯᓂᒡ, ᐃᔅᕒᐃᔭᓬᐊᐞ Israel ᑳᔕᐌᓂᒫᒡ ᐅᑌᐃᕽ᙮ ᑕᑲ ᑕᓇᓈᑯᒫ ᑳᑎᐯᒋᑫᒡ! |
Ojibwe Shorter Bible (Syllabic Script) © 2008 Canadian Bible Society
Canadian Bible Society