Nikamonan 1 - ᐅᒋᐺ ᑭᒋᒪᓯᓇᐃᑲᓐᐁᔑᔕᐌᑖᑯᓯᒡ ᑳᑾᔭᒀᑎᓯᒡ 1 ᐋᐱᒋ ᓴ ᔕᐌᑖᑯᓯ ᐊᐎᔭ ᑳᔑ ᐱᒧᓭᓯᒃ ᐃᓇᑫ ᑳᐃᑭᑐᓂᒡ ᐊᐎᔭᐞ ᑳᒪᒋᐃᔑᐌᐱᓯᓂᒡ; ᑳᐐᒋᑳᐸᐎᑕᐙᓯᒃ ᑲᔦ ᐁᔑ ᐱᒫᑎᓯᓂᒡ ᐅᒪᒋᑑᑕᒨᐞ; ᑳᐐᑕᐱᒫᓯᒃ ᑲᔦ ᒋᐐᒋ ᑲᑭᑑᒫᐸᓐ ᐃᐃ ᑳᓂᑖ ᐹᐱᓄᑖᑫᓂᒡ᙮ 2 ᑌᑾᒡ ᐃᑕᔥ ᑳᒥᓉᑕᕽ ᐁᓇᐃᑕᕽ ᐁᓈᑯᓂᑫᓂᒡ ᑳᑎᐯᒋᑫᓂᒡ, ᑳᓈᓈᑲᑕᐌᑕᕽ ᑲᔦ ᑫᑲᐯᑮᔑᒃ, ᑫᑲᐯᑎᐱᒃ ᑲᔦ᙮ 3 ᒦᑕᔥ ᐅᐅ ᑫᔑᓈᑯᓯᒡ ᑖᐱᔥᑰ ᒥᑎᒃ ᑳᑭᑎᑳᓱᓂᒡ ᒌᑲᔭᐄ ᑳᔑ ᐱᒥᒋᐗᓂᓂᒃ ᓂᐱ, ᑳᓂᑖᐎᑭᑑᒡ ᔒᐎᒦᒋᒻ ᐊᐲ ᑳᓂᑖ ᓂᑖᐎᑭᓂᓂᒃ; ᐅᑕᓃᐲᔑᒻ ᑲᔦ ᑳᐹᑌᓯᓂᓂᒃ᙮ ᐋᓃᓐ ᓴ ᑯ ᐁᔑᒋᑫᒡ ᑕᔑ ᒥᓄᓭ᙮ 4 ᑳᒪᒋᐃᔑᐌᐱᓯᐙᒡ ᐃᑕᔥ ᐐᓐ ᑳᐐᓐ ᐃᐃ ᐃᔑᓈᑯᓯᓰᐗᒃ᙮ ᒦ ᓴ ᐐᓇᐙ ᐁᔑᓈᑯᓯᐙᒡ ᑖᐱᔥᑰ ᐸᑴᔑᑲᓇᔥᒃ ᑳᒫᒌ ᐌᐹᓯᑭᓐ ᐊᐲ ᑮᑭᓰᔮᓯᒋᑳᑌᑭᓐ ᐸᑴᔑᑲᓂᒥᓇᓐ᙮ 5 ᑳᒪᒋᐃᔑᒋᑫᐙᒡ ᐃᑕᔥ ᐐᓐ ᑳᐐᓐ ᑕᔖᐾᓰᐗᒃ ᐊᐲ ᑎᐹᑯᓂᐌᓂᒡ ᑭᔐᒪᓂᑑᓐ᙮ ᑳᐐᓐ ᑲᔦ ᑕᐸᑭᑎᓈᓰᐗᒃ ᒋᐊᔮᐙᒡ ᐁᔑ ᒫᐗᒋ ᐊᔮᓂᒡ ᑭᔐᒪᓂᑑ ᐅᑾᔭᒀᑎᓰᒥᓂ᙮ 6 ᐅᑾᔭᒀᑎᓰᒃ ᓴ ᐐᓐ ᐅᑭᑭᓄᐎᓂᑯᐙᓐ, ᐅᓈᑕᒫᑯᐙᓐ ᑲᔦ ᑳᑎᐯᒋᑫᓂᒡ᙮ ᐃᑭ ᑕᔥ ᐐᓐ ᑳᒪᒋᐃᔑᐌᐱᓯᐙᒡ ᑕᐃᔖᐗᒃ ᓂᔑᐗᓈᑎᓯᐎᓂᕽ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society