Esara 5 - ᐅᒋᐺ ᑭᒋᒪᓯᓇᐃᑲᓐᑕᑏᓈᐃ ᑳᐃᔑᐲᐊᒪᐙᒡ ᑕᕒᐋᔭᓴᓐ 1 ᒦᑕᔥ ᐃᐃᐌ ᐊᐲ ᑳᑮ ᒫᒌ ᑲᑭᑐᐙᒡ ᐃᑭᐌᓂᐗᒃ ᓃᔑᓐ ᑳᑲᓅᑕᒪᐙᐙᒡ ᑭᔐᒪᓂᑑᓐ ᑳᐃᔑᓂᑳᓱᐙᒡ ᐋᑫᐋᐃ Haggai ᔑᑾ ᓭᑲᕒᐋᔭ Zechariah ᐅᑌᑌᓐ ᐃᑑ Iddo ᑳᑮ ᐃᔑᓂᑳᓱᓂᒡ᙮ ᑭᔐᒪᓂᑑᓐ ᐅᐐᓱᐎᓂᓃᕽ ᐅᑮ ᐃᔑ ᑲᑲᓅᓈᐙᐞ ᒎᐗᐞ ᐃᐃᒫ ᑳᑮ ᐃᔑᑖᓂᒡ ᒎᑕ ᐊᑮᕽ ᐃᐃᒫ ᑲᔦ ᒉᕒᐆᓴᓬᐊᒻ Jerusalem ᐆᑌᓇᕽ᙮ 2 ᑮᓅᑕᒧᐙᒡ ᓯᕒᐊᐸᐸᓬ Zerubbabel ᔑᑾ ᒑᔓᐙ Joshua ᑳᑮ ᐅᑌᑌᒡ ᒑᓴᑖᑰᓐ Jozadak ᑳᑮ ᐃᔑ ᐐᑕᒪᐎᑣ ᒦ ᐃ ᒦᓇ ᑳᑮ ᒫᒌ ᐊᓄᑳᑕᒧᐙᒡ ᑭᒋ ᐊᓇᒥᐁᐎᑲᒥᒃ ᒋᑲᑴ ᑮᔑᑑᐙᒡ᙮ ᐃᑭᐌᓂᐗᒃ ᓃᔑᓐ 2 ᑳᑲᓅᑕᒪᐙᐙᒡ ᑭᔐᒪᓂᑑᓐ ᑮᐐᒋᐃᐌᐗᒃ ᑲᔦ᙮ 3 ᑫᑕᑕᐌᓐ ᐃᑯ ᑕᑏᓈᐃ Tattenai ᐌᑭᒫᑲᑕᕽ ᐁᔑ ᓂᑳᐲᐊᓄᐗᕽ ᐃᔫᐸᕒᐁᑏᔅ Euphrates, ᐊᐊ ᑲᔦ ᔒᑕᕒ ᐳᓰᓈᐃ Shethar-Bozenai, ᐃᐃ ᑲᔦ ᐐᒋᑭᒫᒥᐗᐞ ᑮᐱ ᑕᑯᔑᓄᒃ ᐃᐃᒫ ᒉᕒᐆᓴᓬᐊᒥᕽ᙮ ᐅᑮ ᑲᑴᒋᒫᐙᓐ ᒎᐗᐞ, ᐊᐌᓀᓐ ᑳᐃᓂᓀᒃ ᒋᑮᐌᓈᐹᐱᑭᓇᒣᒃ ᑭᒋ ᐊᓇᒥᐁᐎᑲᒥᒃ ᑲᔦ ᒋᓈᐸᑑᔦᒃ ᐃᓂ ᑳᐋᐸᑕᑭᓐ, ᐅᑮᐃᓈᐙᓐ᙮ ᐅᑮ ᐅᔑᐲᐊᒪᐙᐙᓐ ᑲᔦ ᑭᒋ ᐅᑭᒫᓐ ᑕᕒᐋᔭᓴᓐ Darius ᐁᑲᑴᒋᒫᐙᒡ ᒋᑲᑴ ᑭᑫᑕᒥᓂᒡ ᐋᓃᓐ ᒪᔮ ᑭᒋᐅᑭᒫ ᓵᐃᕒᐊᔅ Cyrus ᑳᑮ ᐃᓈᑯᓂᑫᑯᐸᓀᓐ ᐋᓃᓐ ᑫᑑᒋᑳᑌᓂᒃ ᑭᒋ ᐊᓇᒥᐁᐎᑲᒥᒃ ᒉᕒᐆᓴᓬᐊᒥᕽ Jerusalem᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society