ᑳᑭᑫᑖᓱᒡ 12 - ᐅᒋᐺ ᑭᒋᒪᓯᓇᐃᑲᓐ1 ᒫᒥᑲᐎᓄᑕᐎᒃ ᑕᔥ ᑳᑮ ᐅᔑᐃᓀᒃ ᒣᒀ ᐁᐅᔥᑳᑎᓯᔦᒃ᙮ ᐋᓃᔥ ᓂᑯᑎᕽ ᑕᐅᒋᒋ ᑮᔑᑲᓐ, ᑕᐅᒋᒋᓭ ᑲᔦ ᐅᐅ ᒋᐃᑭᑐᔦᒃ, ᐁᑕᑕᐌ ᑳᐐᓐ ᓂᐐᓈᐸᑫᑕᓰ ᐅᐅ ᑳᐱᒫᑎᓯᔮᓐ! ᐃᔥᒀᒡ ᐁᑭᑐᓈᓂᐗᕽ 9 ᐊᐊ ᓴ ᑳᑭᑫᑖᓱᒡ ᐁᑲᑮᑖᐌᑕᕽ, ᑳᐐᓐ ᑮᐴᓂᒋᑫᓰ ᐁᑭᑭᓄᐊᒪᐙᒡ ᐯᒫᑎᓯᓂᒡ ᑳᑮ ᑭᑫᑕᕽ᙮ ᐅᑮ ᑲᑴ ᑭᑫᑖᓇᓐ ᑲᑮᑖᐎᑮᔗᐎᓇᓐ, ᐌᐌᓂ ᑲᔦ ᐁᑮ ᐊᑕ ᑭᑫᑕᕽ ᑕᑲ ᒋᑌᐺᐗᓂᓂᑭᓐ᙮ 10 ᒦᔥ ᑲᔦ ᑳᑮ ᑲᑴ ᐋᐸᒋᑑᒡ ᒥᓄᑮᔗᐎᓇᓐ᙮ ᐃᓂ ᓴ ᐃᑭᑐᐎᓇᓐ ᑳᑮ ᐅᔑᐲᐊᕽ ᑾᔭᑯᓯᓂᓂᐗᓐ, ᑌᐺᒪᑲᓂᓂᐗᓐ ᑲᔦ᙮ 11 ᑳᑭᑫᑖᓱᒡ ᑳᐃᑭᑐᒡ ᓴ ᒦ ᐃ ᐁᓀᑖᑾᓂᓂᑭᓐ ᑖᐱᔥᑰ ᒥᑎᒃ ᑳᒌᐳ ᑳᔖᓂᒃ ᐅᑲᓇᐎ ᒫᓇᒑᓂᔑᐌ ᑳᐋᐸᒋᑑᒡ ᑮᒫᒦᓄᓈᒡ ᐅᒫᓇᒑᓂᔑᒪᐞ᙮ ᑮᒫᐗᒋᒋᑳᑌᑭᓐ ᓴ ᐃᓂ ᑲᑮᑖᐎᑮᔗᐎᓇᓐ, ᒦ ᓴ ᐃ ᐁᓀᑖᑾᑭᓐ ᑖᐱᔥᑰ ᓴᑲᐃᑲᓇᓐ ᑳᐋᔩᒋ ᑮᒋᑕᐃᑳᑌᑭᓐ; ᒦᐗᓐ ᐄᑐᒃ ᐃᓂ ᑲᑭᓇ ᑳᒦᓂᓇᕽ ᑭᔐᒪᓂᑑ, ᑳᐯᔑᑯᒡ ᐅᑲᓇᐎ ᒫᓇᒑᓂᔑᐌ᙮ 12 ᓂᑯᓯᔅ, ᑫᔮᐱ ᓴ ᐯᔑᑾᔦᒃ ᑭᑎᔑ ᐊᔮᒀᒥᒥᓐ᙮ ᑳᐐᓐ ᓴ ᐐᑳ ᑕᐴᓂᓭᓯᓅᓐ ᑳᐅᔑᐲᐃᑳᑌᑭᓐ ᒪᓯᓇᐃᑲᓇᓐ᙮ ᐅᒋ ᐊᔦᑯᓯᓈᓂᐗᓐ ᐅᔕ ᐐᑫ ᑮᑲᑴ ᑭᑫᑖᓱᕽ᙮ 13 ᐅᐅ ᓴ ᑕᔥ ᑲᑭᓇ ᑫᑰᓇᓐ ᑳᐃᓂᓇᑰᒃ, ᑫᔮᐱ ᓴ ᐯᔑᒃ ᐁᑕ ᑫᑰᓐ ᓂᐐᐃᑭᑦ: ᑯᑖᓀᓂᒥᒃ ᑭᔐᒪᓂᑑ, ᑲᓇᐌᑕᒧᐙᒃ ᑲᔦ ᐅᑎᓈᑯᓂᑫᐎᓇᓐ᙮ ᒦ ᐄᑐᒃ ᐃᐃ ᐁᑕ ᐁᔑ ᐸᑭᑎᓇᒫᑰᐎᓯᒡ ᐊᐎᔭ ᒋᑮ ᐃᔑᒋᑫᐸᓐ᙮ 14 ᑭᔐᒪᓂᑑ ᐅᔕ ᐐ ᐃᔑ ᑎᐹᑯᓂᐌ ᑲᑭᓇ ᑫᑰᓐ ᐁᑕᓱ ᐃᔑᒋᑫᐎᓐᒡ, ᑳᑮᒨᒋᒋᑫᐎᓐᒡ ᑲᔦ, ᑯᒫ ᐌᓂᔑᔑᓄᓂᑴᓐ, ᑯᒫ ᑲᔦ ᒣᒋᓈᑾᓄᓂᑴᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society