ᑑᑕᕒᐋᓇᒦ 32 - ᐅᒋᐺ ᑭᒋᒪᓯᓇᐃᑲᓐ1 ᑮᔑᒃ, ᑕᑲ ᐱᓯᑕᐎᔑᓐ ᐁᐐ ᑮᑭᑐᔮᓐ, ᑕᑲ ᑲᔦ ᐊᑭ ᐋᓃᓐ ᑳᐐ ᐃᑭᑐᐗᒃ᙮ 2 ᓂᑭᑭᓄᐊᒫᑫᐎᓇᓐ ᓴ ᑕᐃᓀᑖᑾᓅᓐ ᑖᐱᔥᑰ ᑳᑭᒥᐗᕽ, ᓂᑎᑭᑐᐎᓇᓐ ᑖᐱᔥᑰ ᑳᔕᑭᐊᔮᒃ, ᑖᐱᔥᑰ ᑳᐸᐹᒥ ᐲᓴᐊᕽ ᐙᐱᑾᓃᑳᕽ, ᑖᐱᔥᑰ ᑳᓂᔑᑳᒋ ᑭᒥᐗᕽ ᐅᔥᑭ ᑭᑎᑳᓂᕽ᙮ 3 ᓂᑲ ᒦᑴᒋᐌᑕᒧᐙᓐ ᓴ ᑳᑎᐯᒋᑫᒡ ᐅᐐᓱᐎᓐ, ᐅᐱᒫᑎᓰᒪᐞ ᐅᑲ ᑕᔑᑕᒥᓂ ᐁᔑ ᑭᒋ ᐃᓀᑖᑯᓯᒡ᙮ ᒨᓯᔅ ᑮᐐᑕᒫᑫᒡ ᐋᔕ ᑫᑳ ᒋᐃᔥᒀᐱᒫᑎᓯᒡ 45 ᐊᐲ ᑕᔥ ᒨᓯᔅ Moses ᑳᐃᔥᒀ ᐐᑕᒪᐙᒡ ᐃᐃ ᑲᑭᓇ ᐃᔅᕒᐃᔭᓬᐊᐞ Israel ᑭᔐᒪᓂᑑᓐ ᑳᑮ ᐃᑭᑐᓂᒡ, 46 ᒦᑕᔥ ᐅᐅ ᑳᐃᓈᒡ, ᐅᑖᐱᓇᒧᒃ ᑕᔥ ᐅᓄ ᑲᑭᓇ ᐃᑭᑐᐎᓇᓐ ᑭᑌᐃᐙᕽ ᑳᔑ ᐊᔮᒀᒥᒥᓇᑰᒃ ᓅᑯᒻ ᑳᑮᔑᑲᒃ᙮ ᐐᑕᒪᐎᑾᒃ ᐃᑕᔥ ᑲᔦ ᑭᓃᒑᓂᓯᐙᒃ ᐊᔮᒀᒻ ᒋᐃᔑᒋᑫᐙᒡ, ᒋᑑᑕᒧᐙᒡ ᐅᐅ ᑲᑭᓇ ᑳᐃᑭᑑᒪᑲᓂᓂᒃ ᐅᓇᔓᐌᐎᓐ᙮ 47 ᑳᐐᓐ ᓴ ᐊᓂᔕ ᑭᑎᑰᓰᒻ ᐃᐃ ᑳᐃᑰᔦᒃ, ᒦ ᐅᔕ ᐃᐃᒫ ᐌᒌᒃ ᑭᐱᒫᑎᓯᐎᓂᐙ! ᓇᐃᑕᒧᒃ ᐃᑕᔥ ᑭᓉᔥ ᒋᑕᔑ ᐱᒫᑎᓯᔦᒃ ᐌᑎ ᐊᑮᕽ ᑳᐐ ᐃᔑ ᐲᑎᑫᔥᑳᔦᒃ᙮ ᐊᑳᒥᕽ ᐄᑐᒃ ᒞᕒᑕᓐ Jordan ᓰᐱᕽ ᐃᔑᐊᔮ ᐊᑭ ᑳᐐ ᑎᐱᓇᐌᐎᓯᔦᒃ, ᐅᑮ ᐃᓈᐞ᙮ 48 ᑳᑎᐯᒋᑫᓂᒡ ᐃᑕᔥ ᒨᓯᔅ ᐅᑮᐃᑰᓐ ᐃᐃ ᐊᐲ ᐯᔑᑾᓐ ᐁᑮᔑᑲᓂᓂᒃ, 49 ᐌᑎ ᑕᔥ ᒨᐗᑉ ᐊᑮᕽ ᐃᔖᓐ ᐁᔑᐊᔮᑭᓐ ᑭᒋ ᐗᒌᓐ ᐊᐸᕒᐃᒻ Abarim ᐁᔑᓂᑳᑌᑭᓐ᙮ ᑴᑲᔭᐄ ᓇᑫ ᑳᔑ ᐊᔮᒃ ᐃᐃ ᑭᒋ ᐆᑌᓇ ᒉᕒᐊᑯ Jericho᙮ ᐊᒀᒪᒋᐌᑲᓐ ᑕᔥ ᐃᐃ ᑭᒋ ᐗᒋᐤ ᓃᐳ Nebo ᑳᐃᒋᑳᑌᒃ ᒋᐙᐸᑕᒪᓐ ᐃᐃ ᐊᑭ ᑫᓇᓐ Canaan ᑳᐐ ᒦᓇᒀ ᐯᒫᑎᓯᐙᒡ ᐃᔅᕒᐃᔭᓬᐊᒃ ᒋᑎᐱᓇᐌᐎᓯᐙᒡ᙮ 50 ᐃᐃᒫ ᑫᔑ ᐊᒀᒪᒋᐌᔭᓐ ᑭᒋ ᐗᒌᕽ, ᒦ ᓴ ᐃᐃᒫ ᑫᔑ ᐃᔥᒀ ᐱᒫᑎᓯᔭᓐ, ᒋᐐᒌᐗᑣ ᐃᑭ ᑳᐱᒫᑎᓯᓯᒀ ᑖᐱᔥᑰ ᑮᒋᑭᐌᓯ ᐁᕒᐊᓐ Aaron ᑳᑮ ᐃᔑ ᐃᔥᒀ ᐱᒫᑎᓯᒡ ᐌᑎ ᑭᒋ ᐗᒌᕽ ᐅᕒ Hor ᐁᒋᑳᑌᓂᒃ᙮ 51 ᐋᓃᔥ ᑳᐐᓐ ᐌᐌᓂ ᑭᑮ ᑌᐺᔦᓂᒥᓰᒻ ᒣᑴᔭᐄ ᑳᑮ ᐃᔑᐊᔮᐙᒡ ᐯᒫᑎᓯᐙᒡ ᐃᔅᕒᐃᔭᓬᐊᒃ ᐌᑎ ᓂᐱ ᑳᐃᔑᐊᔮᒃ ᒣᕒᐃᐸ ᒌᑲᔭᐄ ᑫᑌᔥ ᐆᑌᓈᕽ, ᐱᑾᑕᑲᒥᒃ ᓯᓐ Zin ᑳᐃᔑᓂᑳᑌᒃ᙮ ᑳᐐᓐ ᐄᑐᒃ ᑲᔦ ᑭᑮ ᑭᑌᓂᒥᓰᒻ ᐁᓈᓴᒦᐙᒡ ᐯᒫᑎᓯᐙᒡ ᐃᔅᕒᐃᔭᓬᐊᒃ᙮ 52 ᐙᓴ ᑕᔥ ᑭᑲ ᐅᒋ ᑌᐹᐸᑖᓐ ᐃᐃ ᐊᑭ; ᑳᐐᓐ ᑕᔥ ᑭᑲ ᐃᔖᓰ ᐌᑎ ᒋᑮ ᐲᑎᑫᔥᑳᔭᐸᓐ ᐃᐃ ᐊᑮᓂ ᑳᐐ ᒦᓇᒀ ᐯᒫᑎᓯᐙᒡ ᐃᔅᕒᐃᔭᓬᐊᒃ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society