2 ᑭᒋᐅᑭᒫᒃ 14 - ᐅᒋᐺ ᑭᒋᒪᓯᓇᐃᑲᓐᐊᒪᓵᔭ ᑮᑭᒋᐅᑭᒫᐎᒡ ᒎᑕ ᐊᑮᕽ 1 ᓃᔓᐱᐴᓐ ᓴ ᐁᑭᒋᐅᑭᒫᐎᓂᒡ ᒋᐆᐋᔕᓐ Jehoash ᐌᑌᑌᓂᒡ ᒌᐅᐋᐊᓴᓐ Jehoahaz ᐃᔅᕒᐃᔭᓬ ᐊᑮᕽ, ᒦ ᓴ ᐃ ᐊᐲ ᐊᒪᓵᔭ Amaziah ᐌᑌᑌᒡ ᒎᐊᔕᓐ Joash ᑳᑮ ᑭᒋᐅᑭᒫᐎᒡ ᒎᑕ Judah ᐊᑮᕽ᙮ 2 ᓃᔥᑕᓇᔑᓈᓇᓐ 25 ᓴ ᑮᑕᓱᐱᐴᓉ ᑮᒫᒌ ᑭᒋᐅᑭᒫᐎᒡ᙮ ᓃᔥᑕᓇᔑᔖᑲᓱ 29 ᐱᐴᓐ ᓴ ᑮᑭᒋᐅᑭᒫᐎ ᐃᐃᒫ ᒉᕒᐆᓴᓬᐊᒥᕽ Jerusalem᙮ ᐅᒫᒫᓐ ᓴ ᒌᐅᐊᑕᓐ Jehoaddin ᑮᐃᔑᓂᑳᓱᐗᓐ ᒉᕒᐆᓴᓬᐊᒥᕽ ᐁᑮ ᐅᒌᓂᒡ᙮ 3 ᑾᔭᒃ ᓴ ᑮᐃᔑᒋᑫ ᐁᓈᓴᒦᓂᒡ ᑳᑎᐯᒋᑫᓂᒡ, ᑳᐐᓐ ᒪᔮ ᒋᑮ ᐃᔑᒋᑫᒡ ᑌᐱᑑᓐ ᐅᑫᑌᔭᐋᒪᓐ ᑳᑮ ᐃᔑᒋᑫᓂᒡ᙮ ᑮᐃᔑᒋᑫ ᓴ ᐐᓐ ᑲᑭᓇ ᑳᑮ ᐃᔑᒋᑫᓂᒡ ᐅᑌᑌᓐ ᒎᐊᔕᓐ᙮ 4 ᔑᑾ ᑕᔥ ᑳᐐᓐ ᐅᑮ ᐲᑯᐱᑑᓰᓇᓐ ᐁᔑ ᓂᑖ ᑕᔑ ᐸᑭᑎᓈᓱᐎᓐᒡ ᐁᔑ ᐊᔨᔥᐸᑎᓈᓂᒃ᙮ ᐯᒫᑎᓯᓂᒡ ᓴ ᑫᔮᐱ ᐃᐃᒫ ᑮᐃᔑ ᐸᑭᑎᓈᓱᐗᐞ, ᑮᒥᓈᓯᑫᐗᐞ ᑲᔦ᙮ 5 ᐊᐲ ᑕᔥ ᑳᐊᔩᒋᑭᒫᐎᒡ ᐃᐃᒫ ᐅᑑᑭᒫᐗᐱᐎᓂᕽ, ᒦ ᓴ ᑳᐃᔑ ᓂᓵᒡ ᐃᐃ ᐋᓂᑫᐎᑭᒫᐞ ᑳᑮ ᐊᓅᑮᓂᒡ ᒋᓂᓯᒥᓐᒡ ᐅᑌᑌᓐ ᑳᑮ ᑭᒋᐅᑭᒫᐎᓂᐸᓐ᙮ 6 ᑳᐐᓐ ᐃᑕᔥ ᐐᓐ ᐅᑮ ᓂᓵᓰᐞ ᐃᐃ ᐅᑯᓯᓯᓂ ᐋᓂᑫᐎᑭᒫᐞ, ᐁᑮ ᐃᔑᒋᑫᒡ ᐁᔑᐲᐃᑳᑌᓂᒃ ᐃᐃ ᒪᓯᓇᐃᑲᓐ ᐁᔑ ᐅᔑᐲᐃᑳᑌᓂᒃ ᒨᓯᔅ Moses ᐅᑑᓇᔓᐌᐎᓐ, ᑳᑎᐯᒋᑫᒡ ᑳᑮ ᐃᔑ ᐃᑭᑐᑯᐸᓀᓐ, ᐅᑌᑌᒫᒃ ᓴ ᑳᐐᓐ ᑕᐅᒋ ᓂᓵᓰᐗᒃ ᐁᔑ ᒪᒫᔒᓂᒡ ᐅᓃᒑᓂᓯᐙᐞ, ᐊᐱᓅᒌᔕᒃ ᑲᔦ ᑳᐐᓐ ᑕᐅᒋ ᓂᓵᓰᐗᒃ ᐁᔑ ᒪᒫᔒᓂᒡ ᐅᑌᑌᐙᐞ; ᐁᑕᓱ ᐯᔑᑯᒡ ᓴ ᑯ ᐊᐎᔭ ᐁᔑ ᒪᒫᔒᒡ ᑕᐅᒋ ᓂᓵ᙮ 7 ᐅᑮ ᓂᓵᐞ ᐃᑕᔥ ᑲᔦ ᒥᑖᒌᕽ ᒥᑖᔂᒃ 10,000 ᔑᒫᑲᓂᔕᐞ ᐄᑕᒻ Edom ᐊᑮᕽ ᐌᒌᓂᒡ ᐌᑎ ᔒᐎᑖᑲᓂ ᐸᓴᑎᓈᕽ ᐁᒋᑳᑌᓂᒃ᙮ ᐅᑮ ᑳᒋᒋᑑᓐ ᓴ ᑲᔦ ᑭᒋ ᐆᑌᓇ ᓰᓬᐊ Sela ᐁᒋᑳᑌᓂᒃ ᐁᒦᑳᓱᒡ᙮ ᒑᒃᑏᐁᓬ Joktheel ᓴ ᐅᑮ ᐃᔑᓂᑳᑖᓐ, ᒦᔥ ᑫᔮᐱ ᓅᑯᒻ ᑳᑮᔑᑲᓂᓂᒃ ᐁᔑᓂᑳᑌᓂᒃ᙮ 8 ᐊᒪᓵᔭ ᑕᔥ ᐅᑮ ᐃᔑᓂᔕᐙᐞ ᐅᐐᑕᒫᑫᐞ ᐅᐅ ᒋᐊᐎᐃᓈᓂᒡ ᒋᐆᐋᔕᓐ ᐌᑌᑌᓂᒡ ᒌᐅᐋᐊᓴᓐ ᐌᑌᑌᓂᒡ ᒌᐆᐗᓐ ᑫᒋᐅᑭᒫᐎᓂᒡ ᐃᔅᕒᐃᔭᓬ ᐊᑮᕽ, ᑕᑲ ᐊᐯ ᐱᒦᑳᔑᔑᓐ! 9 ᐅᐅ ᑕᔥ ᒋᐆᐋᔕᓐ ᐅᑮ ᐱᔑ ᓇᑴᑖᑰᓐ, ᑳᐎᒥᓇᑲᔒ ᐁᔮᒡ ᓬᐁᐸᓇᓐ Lebanon ᐊᑮᕽ ᐄᓴᓐ ᐅᑮᐃᓈᓐ ᑮᔥᑳᑎᑰᓐ ᐁᔮᓂᒡ ᓬᐁᐸᓇᓐ ᐊᑮᕽ, ᑕᑲ ᒦᓐᔥ ᓂᑯᓯᔅ ᑭᑖᓂᓴᓐ ᒋᐐᑎᑫᑎᐙᒡ᙮ ᒦᑕᔥ ᐄᓴᓐ ᐊᔭᐋᐎᔥ ᑮᐱᒥ ᐊᔮ ᐃᐃᒫ ᓬᐁᐸᓇᓐ ᐊᑮᕽ ᐁᑮ ᔑᑯᔥᑲᐙᒡ ᑳᐎᒥᓇᑲᔒᐞ᙮ 10 ᑌᐺ ᓴ ᑭᑮ ᔖᑰᒋᐋᒃ ᐄᑕᒻ ᐊᑮᕽ ᐌᒌᐙᒡ, ᓅᑯᒻ ᐃᑕᔥ ᑭᑲᑮᐹᑌᑕᒻ! ᐃᓇᔥᑫ ᑭᒋ ᐃᓀᑕᓐ ᐃᐃ ᑳᑮ ᔖᑰᒋᑣᔭᓐ, ᑭᑖᐎᓂᕽ ᓴ ᐊᔭᐱᓐ ᑫᑯ ᐃᑯᒋ ᐅᒋ ᐃᔖᑫᓐ! ᐌᑯᓀᓐ ᐃᑕᔥ ᐗᐅᒋ ᒫᔑ ᐐᒌᐎᔭᓐ, ᒦᐞ ᐄᑐᒃ ᐃᐃ ᑫᓂᔑᐗᓈᒋᐃᑯᔭᓐ, ᐃᑭ ᑲᔦ ᒎᑕ ᐊᑮᕽ ᐁᔮᐙᒡ, ᐅᑮᐃᑰᓐ᙮ 11 ᐊᒪᓵᔭ ᑕᔥ ᑳᐐᓐ ᑮᐱᓯᑕᓰ, ᒦᔥ ᒋᐆᐋᔕᓐ ᑫᒋᐅᑭᒫᐎᓂᒡ ᐃᔅᕒᐃᔭᓬ ᐊᑮᕽ ᑳᑮ ᒦᑳᓂᑯᒡ᙮ ᐌᑎ ᑕᔥ ᐆᑌᓈᕽ ᐯᑦ ᔒᒣᔥ Beth Shemesh ᒎᑕ ᐊᑮᕽ ᑮᑕᔒᑯᑖᑎᐗᒃ᙮ 12 ᒎᑕ ᐊᑮᕽ ᓴ ᐌᒌᐙᒡ ᐅᑮ ᔖᑰᒋᐃᑯᐙᐞ ᐃᐃ ᐃᔅᕒᐃᔭᓬ ᐊᑮᕽ ᐌᒌᓂᒡ᙮ 13 ᒦᑕᔥ ᒌᐅᐋᐊᔅ ᐃᔅᕒᐃᔭᓬᐃ ᑭᒋᐅᑭᒫ ᑳᑮ ᑳᒋᑎᓈᒡ ᐊᒪᓵᔭᐗᓐ ᒎᑕᐎ ᑭᒋᐅᑭᒫᓐ ᐌᑎ ᐯᑦ ᔒᒣᔥ ᐁᒋᑳᑌᓂᒃ᙮ ᑮᐃᔖ ᑲᔦ ᐌᑎ ᒉᕒᐆᓴᓬᐊᒥᕽ ᐁᑮ ᐲᑯᐱᑑᒡ ᐁᔑ ᐙᑳᔮᐱᑭᓂᑳᑌᓂᒃ ᐃᐃᒫ ᐁᑮ ᐅᒋ ᒫᒋᑖᒡ ᐃᔥᒀᑌᕽ ᐄᐸᕒᐃᔭᒻ ᐁᒋᑳᑌᓂᒃ ᐲᓂᔥ ᐌᑎ ᑮᑫᔨᔥᒀᑌᕽ ᐁᒋᑳᑌᓂᒃ᙮ ᓂᑯᑣᔂᒃ ᑕᓱᒥᓯᑦ 600 ᐁᑮ ᐲᑯᐱᑑᒡ᙮ 14 ᑲᑭᓇ ᓴ ᐅᓵᐎ ᔔᓂᔮ ᐙᐱᑰᓐ, ᐙᐹᐱᑯ ᔔᓂᔮ ᐙᐱᑰᓐ ᑲᔦ ᐅᑮ ᒫᒌᓈᓐ, ᑕᑯ ᑲᔦ ᑲᑭᓇ ᑫᑰᓐ ᐁᑌᓂᑭᓐ ᑳᑎᐯᒋᑫᓂᒡ ᐅᑕᓇᒥᐁᐎᑲᒥᑯᓃᕽ᙮ ᐅᑮ ᒫᒌᑑᓇᓐ ᑲᔦ ᐁᔑ ᐌᓅᑕᓂᓂᒃ ᐃᐃ ᑭᒋ ᐅᑭᒫᐎᑲᒥᒃ᙮ ᐅᑮ ᒫᒌᓈᐞ ᐊᐎᔭᐞ ᑳᑕᑯᓈᒡ ᑮᐊᓂ ᑮᐌᒡ ᐌᑎ ᓴᒣᕒᐃᔭ ᐆᑌᓈᕽ᙮ 15 ᑲᑭᓇ ᑕᔥ ᑳᑮ ᐊᔨᑎᒡ ᒋᐆᐋᔥ ᑮᑭᒋᐅᑭᒫᐎᒡ, ᐋᓃᓐ ᑲᔦ ᑳᐃᔑᒋᑫᒡ, ᐋᓃᓐ ᑲᔦ ᑳᐊᔨᔒᒡ ᑮᒦᑳᓈᒡ ᐊᒪᓵᔭᐗᓐ ᐃᐃᒫ ᐃᔑ ᐅᔑᐲᐃᑳᑌᓂᐗᓐ ᐃᐃᒫ ᒪᓯᓇᐃᑲᓂᕽ ᐁᔑ ᐅᔑᐲᐃᑳᓱᓂᒡ ᐃᔅᕒᐃᔭᓬᐃ ᑭᒋᐅᑭᒫᐞ ᑳᑮ ᐱ ᐊᔨᔑᒋᑫᓂᒡ᙮ 16 ᐁᑮ ᐃᔥᒀ ᐱᒫᑎᓯᒡ ᐃᑕᔥ ᐃᐃᒫ ᑮᐃᔑ ᓇᐃᓈ ᐁᔑ ᓇᐃᓂᒥᓐᒡ ᐃᔅᕒᐃᔭᓬᐃ ᑭᒋᐅᑭᒫᐞ ᓴᒣᕒᐃᔭ ᐆᑌᓈᕽ᙮ ᐅᑯᓯᓴᓐ ᓴ ᒉᕒᐆᐴᐊᒻ Jeroboam ᐁᔑᓂᑳᓱᓂᒡ ᑮᑭᒋᐅᑭᒫᐎᐗᓐ ᐁᑮ ᓈᐱᔥᑳᑯᒡ᙮ ᐊᒪᓵᔭ ᑫᒋᐅᑭᒫᐎᒡ ᒎᑕ ᐊᑮᕽ ᑮᐃᔥᒀᐱᒫᑎᓯᒡ 17 ᐊᒪᓵᔭ ᐃᑕᔥ ᐌᑌᑌᒡ ᒎᐊᔕᓐ, ᒎᑕ ᐊᑮᕽ ᑳᑮ ᑕᔑ ᑭᒋᐅᑭᒫᐎᒡ ᒥᑖᔑᓈᓄᐱᐴᓐ ᑮᐱᒫᑎᓯ ᑮᐃᔥᒀ ᐱᒫᑎᓯᓂᒡ ᒋᐆᐋᔕᓐ ᐃᔅᕒᐃᔭᓬᐃ ᑭᒋᐅᑭᒫᓐ᙮ 18 ᑲᑭᓇ ᓴ ᐊᒪᓵᔭ ᑳᑮ ᐃᔑᒋᑫᒡ ᐃᐃᒫ ᐃᔑ ᐅᔑᐲᐃᑳᑌᓂᐗᓐ ᐁᔑ ᐅᔑᐲᐃᑳᓱᓂᒡ ᐃᐃᒫ ᒪᓯᓇᐃᑲᓂᕽ ᒎᑕᐎ ᑭᒋᐅᑭᒫᐞ ᑳᑮ ᐱ ᐊᔨᔑᒋᑫᓂᒡ᙮ 19 ᑮᑮᒨᒋ ᐃᓀᑕᒧᓈᓂᐗᓂᓂ ᑕᔥ ᐁᐐ ᓂᓯᓐᒡ ᐊᒪᓵᔭ ᐃᐃᒫ ᒉᕒᐆᓴᓬᐊᒥᕽ᙮ ᐌᑎ ᑕᔥ ᐆᑌᓈᕽ ᓬᐁᑭᔥ Lachish ᐁᒋᑳᑌᓂᒃ ᑮᐊᐸᐃᐌ, ᑮᐃᔑᓂᔕᐅᒫᐗᐞ ᓴ ᑕᔥ ᐃᓂᓂᐗᐞ ᒋᐱᒥᓂᔕᐅᑯᒡ᙮ ᒦᐗᐞ ᓴ ᐃ ᑳᓂᓯᑯᒡ᙮ 20 ᐅᐐᔭᐤ ᐃᑕᔥ ᒥᑕᑎᒨᕽ ᑮᐃᔑ ᐊᒋᑳᑌᓂ ᐁᑮ ᐲᒋᑳᑌᓂᒃ ᐃᐃᒫ ᒉᕒᐆᓴᓬᐊᒥᕽ᙮ ᒦᑕᔥ ᐃᐃᒫ ᑳᐃᔑ ᓇᐃᓂᓐᒡ ᐁᔑ ᓇᐃᓂᒥᓐᒡ ᑯᑕᒃ ᑭᒋᐅᑭᒫᐞ, ᑌᐱᑦ ᐅᑑᑌᓈᒻ ᐁᒋᑳᑌᓂᒃ᙮ 21 ᑲᑭᓇ ᓴ ᑕᔥ ᐯᒫᑎᓯᐙᒡ ᐁᔮᐙᒡ ᒎᑕ ᐊᑮᕽ ᐅᑮ ᐅᓇᑭᒫᐙᓐ ᐋᓴᕒᐋᔭ Azariah ᐁᔑᓂᑳᓱᓂᒡ ᒋᑭᒋᐅᑭᒫᐎᓂᒡ, ᒋᓈᐱᔥᑲᐙᓂᒡ ᐅᑌᑌᓂ ᐊᒪᓵᔭ ᑳᑮᐃᓂᒥᓐᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society