1 ᑭᒋᐅᑭᒫᒃ 6 - ᐅᒋᐺ ᑭᒋᒪᓯᓇᐃᑲᓐᔂᓬᐊᒪᓐ ᑮᐅᔑᑑᒡ ᑭᒋ ᐊᓇᒥᐁᐎᑲᒥᒃ 1 ᓃᐙᒃ ᓂᔣᓯᒥᑕᓇ 480 ᑕᓱᐱᐴᓐ ᑕᔥ ᑮᐃᔑᓭᓂ ᐅᐅ ᐊᐲ ᐯᒫᑎᓯᐙᒡ ᐃᔅᕒᐃᔭᓬᐊᒃ Israel ᑳᑮ ᓇᑲᑕᒧᐙᐸᓐ ᐃᐃ ᐄᒋᐸᑮᓂ Egypt᙮ ᓃᐎᐱᐴᓐ ᓴ ᑕᔥ ᐋᔕ ᔂᓬᐊᒪᓐ Solomon ᑮᑭᒋᐅᑭᒫᐎ ᐃᐃᒫ ᐃᔅᕒᐃᔭᓬᐊᑮᕽ ᑮᐱᒪᑭᓱᓂᒡ ᓃᔓᑮᓯᓲᓐ ᓯᑉ Ziv ᐁᔑᓂᑳᓱᓂᒡ᙮ ᒦ ᓴ ᐃ ᐊᐲ ᔂᓬᐊᒪᓐ ᑳᒫᒌᑲᕽ ᐃᐃ ᑭᒋ ᐊᓇᒥᐁᐎᑲᒥᑯᓂ᙮ 2 ᐃᐃᐌᓂ ᑕᔥ ᑭᒋ ᐙᑳᐃᑲᓂᓂ ᔂᓬᐊᒪᓐ ᑳᑮ ᐅᔑᑕᒪᐙᒡ ᑳᑎᐯᒋᑫᓂᒡ, ᔖᑲᓯᒥᑕᓇ 90 ᑕᓱ ᒥᓯᑦ ᑮᐊᒀᓂ᙮ ᓂᓯᒥᑕᓇ 30 ᑕᓱ ᒥᓯᑦ ᑕᔥ ᑮᐃᓂᑯᑾᑌᔮᓂ, ᓃᒥᑕᓇᔑᓈᓄᒥᓯᑦ 45 ᐃᑕᔥ ᑮᐊᐲᑖᓂ᙮ 11 ᒦᑕᔥ ᐅᐅ ᔂᓬᐊᒪᓐ ᑳᐃᑯᒡ ᑳᑎᐯᒋᑫᓂᒡ, 12 ᐅᐅᐌ ᑕᔥ ᐙᑳᐃᑲᓐ ᑳᐅᔑᑑᔭᓐ; ᑮᔥᐱᓐ ᓴ ᑕᔥ ᐃᔑ ᐱᒧᓭᔭᓐ ᓂᑎᔑᑣᐎᓂᕽ, ᑲᓇᐌᑕᒪᓐ ᑲᔦ ᓂᑎᑭᑐᐎᓇᓐ, ᑑᑕᒪᓐ ᑲᔦ ᓂᑎᔑᒋᑫᐎᓇᓐ, ᑲᓇᐌᑕᒪᓐ ᑲᔦ ᑲᑭᓇ ᓂᑎᓈᑯᓂᑫᐎᓇᓐ ᒋᑑᑕᒪᐸᓐ; ᒦ ᓴ ᑕᔥ ᐃᐃ ᒋᐃᔑᒋᑫᑕᒪᐎᓈᓐ ᑳᑮ ᐊᔓᑕᒪᐗᑭᐸᓐ ᑭᑌᑌᐸᓐ ᑌᐱᑦ David᙮ 13 ᒦᑕᔥ ᐃᐃᒫ ᑫᑕᓀᑖᑯᓯᔮᓐ ᒣᑴᔭᐄ ᑳᔑ ᐊᔮᐙᒡ ᐃᔅᕒᐃᔭᓬᐊᒃ, ᑳᐐᓐ ᑕᔥ ᓂᑲ ᐌᐱᓈᓰᒃ ᓂᐱᒫᑎᓰᒪᒃ ᐃᔅᕒᐃᔭᓬᐊᒃ᙮ 14 ᒦᑕᔥ ᔂᓬᐊᒪᓐ ᑳᐃᔑ ᑮᔑᑑᒡ ᐃᐃᐌᓂ ᑭᒋ ᐊᓇᒥᐁᐎᑲᒥᒃ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society