ᑲᑮᑖᐎᑮᔗᐎᓇᓐ 28 - Ojibwe Kihcimasina'ikan

⁹ Awiya hsa ko ninkoci kaa⁠inihkwenitc ci⁠noontansik enahtenik onahshowewin, eshi anami'aatc hsa ta⁠inentaakwanini eh⁠kakwaanihsakentaakwaninik.

¹⁰ Awiya hsa ke⁠waniwinaatc kweyahkwaatisinitc ci‑ishi ishaanitc maci miihkanaank, wiin hsa piko ta⁠piincihse owaanihkaanink, a'a tahsh kekoon eshi anaamentaakosihsik oka tepinaan wenishihshininik ke⁠tipinawewisitc.

¹¹ Kaa⁠wenootisitc hsa inenintiso eh⁠kakiihtaawentank, ini tahsh ketimaakisinitc onihsitawinamini aaniin eshi'ayaatc.

¹² Ahpii hsa kweyahkwaatisiwaatc kii⁠shaakoocihtoowaatc, wiinke hsa kihci inentamonaaniwanini, ahpii tahsh wiin maci'ininiwak kii⁠ani mashkawentaakosiwaatc, mii hsa 'i awiya' eshi kaasonitc.

¹³ Awenen hsa ko awiya kaa⁠kaatootc omaci'ishihcikewinan kaawiin ta⁠minohsehsii, a'a tahsh wiin ke⁠tipaatotank, ke⁠wepinank kaye oka mihkaan ci⁠koohpaatenimintc.