ᑲᑮᑖᐎᑮᔗᐎᓇᓐ 27 - Ojibwe Kihcimasina'ikan

¹ Keko onci kakihcimohken waapank onci, kaawiin iitok kikihkentansiin aaniin ke⁠ishihsekwen i'i keni kiishikahk.

² Taka pehkaanisitc awiya kika'ik e⁠kihci inentaakosiwatc, piiwitek kaye, keko kiin i'i itisohken.

³ Ahsin hsa kosikwani, mihtaawank kaye, eshi mamaashiitc itahsh a'a kekiipaatisitc nawac kosikwentaakwanini.

⁴ Ahkokitaasowin hsa kaawiin manaacihcikemakahsinoon, nishkaatisiwin kaye nihshiwanaacihcikemakan, ontentamowin itahsh nawac aahkwentaakwan.

⁵ Nawac ohsha onishihshin awiya ci⁠kishii kanoonintipan mohsheya'ii, ahpiihc wiin awiya ci‑inentankipan awiyan iinsan eh⁠saaki'ikohsik.

⁶ Tepweyentaakosi kaa⁠saaki'iwetc mihsawaa ko kii⁠wiihsakaahpinashiwetc, amanciko tahsh wiin inentaakwanini kii⁠ociinketc kaa⁠shiinkenimiwetc.