ᑲᑮᑖᐎᑮᔗᐎᓇᓐ 24 - Ojibwe Kihcimasina'ikan

Keyaapi Kakiihtaawikiishwewinan Ehtashintekin

³ Kakiihtaawentamowinink hsa onci oshihcikaatewan taawinan, nihsitohtamowinink tahsh onci kiishihcikaatewan;

⁴ aanti hsa piko eyaak kihkentamaawin, mii hsa 'iwe pahkehcikanan wenci mamooshkinekin kekoonan kaa‑akintekin, kaye wenishihshinkin.

⁵ Inini hsa kekiihtaawentank mashkawentaakosi; inini kaye kehkentamaawinitc aanciihke tani mashkawentaakosi.

⁶ Mii hsa 'i eshinaakwahk ci⁠kakiihtaawi kakanoonitinaaniwankipan cipwaa anta miikaasonaaniwank, kii⁠paahtiinowaatc hsa kaa⁠kanooshiwewaatc mii 'imaa wenciik shaakoocihtwaawin.

¹⁷ Keko wawiyatisi inentanken kaa⁠shiinkenimihk kiih⁠pwaanawihciketc; ahpii kiih⁠pisokehshink, keko ciihkentanken kite'ink,

¹⁸ komaa tahsh iko kaaTipenciketc kika waapamik ci⁠minwaapamihsinohk itahsh, meshkwac itahsh ci⁠pooninawe'ikohpan ini kaa⁠shiinkenimimihk.

¹⁹ Keko wiin onci mikoshkaatentanken iki maci'ishiwepisiwaatc, keko kaye ayaahshenimaahken.