ᑲᑮᑖᐎᑮᔗᐎᓇᓐ 20 - Ojibwe Kihcimasina'ikan

¹ Mii hsa 'i eshihsek shoominaapo e⁠miihkinsomiwemakahk, shinkopiiwaapo kaye e⁠miikaashiwemakahk, awiya tahsh i'imaa wenci kiiwashkwepiitc kaawiin iinsan kakiihtaawentansii.

² Kihciokimaa hsa onishkaatisiwin inentaakwanini taapishkoo mihshipishiw kaashi kohtaanihtaakositc, awenen ihsa ko ke⁠nishki'aatc inentaakwan opimaatisiwin enaniisaanentaakohtootc.

³ Kihtentaakwan ihsa awiya kaa⁠miitaakwenotank kiihkaantiwin, kekiipaatisitc itahsh wiin oka maacihtoon kiihkaantiwin.

⁴ Kehtimishkitc hsa kaawiin piikwahkamikipicikehsii kii‑ishkwaa takwaakininik, miihsh eshi mihci antotamaaketc ahpii kii⁠manishikenk, kekoon e⁠ayaahsik.

⁵ Awiya hsa eshi naanaakatawentank mii 'i eshinaakwaninik taapishkoo nipi kaa‑ayaak waahsa anaamink onta'ipaanink, a'a hsa wiin wekakiihtaawentamowinitc okashkihtoon ci⁠kwaapa'ankipan nipiini.

⁶ Paahtiinowak hsa ehkitowaatc e⁠kihciwenikewaatc, awenen itahsh inaa ke⁠mihkawaahpan tino ke⁠tepweyentaakosinihpan?

⁷ Kweyahkwaatisitc hsa ishi pimaatisi kekoon keshi anaamentaakosihsik, oniicaanihsa' ihsa tani shawentaakosiwa'.