Nikamonan 8 - Ojibwe Kihcimasina'ikan

Kishemanitoo Kehci'inentaakositc Okii'ishi'aan Pemaatisinitc Kaye Cikihci'inentaakosinitc

Mii 'oweni Peshik Tepit Onikamon

¹ Oo Tepencikeyan, kaa⁠Tipenimiyaank, eshi kihciokimaawentaakosiyan hsa misiwe naakwan o'omaa ahkiink, kikihci inentaakosiwin kaye nawac ishpentaakwan ahpiihc wiin ehpiihtaak i'i kihcikiishik!

² Mii hsa 'i ena'amowaatc apinoonciishak, apinoonciishenhsak kaye. Kiin iitok kitooshihtamaas ke⁠onci shaakooci'ihsinohkwaa kaa⁠shiinkenimihkwaa, waa⁠onci kipihtinatwaa iki kaa⁠kakwe nakaashkawihkwaa ci⁠shaakooci'atwaa.

³ Kii⁠waapantamaan tahsh kiishik kininciink kaa⁠onci oshihtooyan, e⁠waapamak kaye tipihkikiisihs, wanankohshak kaye kaakii ishi ayakoonatwaa,

⁴ kekoon ina pemaatisitc inentaakosi ci⁠naanaakatawenimatipan; aaniin itahsh enentaakositc awiya pemaatisitc ci⁠naanaakaci'atipan?

⁵ Acina hsa ehta kikiih tapahsentaakosi'aa aaniin kaa‑ahpiihtentaakosinitc encala' (angels), kikiih pihtaanohkwaane'aa hsa ci⁠kikishkank kihci inentaakosiwin, kihtentaakosiwin kaye.

⁶ Kikii inakimaa kaye kahkina kekoonini ci⁠tipentank kaakii oshihtaawatc, kikii ishi onakimaa kaye kahkina kekoonini ci⁠tipentank ci⁠tahtahkohkaatank.

⁷ Kikii oshi'imaa' ci⁠tipenimaatc kahkina maanahcaanihsha', pishihkiwa', aya'aawihsha' kaye pikwacaya'ii kaa‑ayaanitc,

⁸ pinehshiinsha' kaye pepaamihsenitc ishpimink, kiikooya' kaye kihcikamiink eyaanitc, i'i kaye kahkina eyaanitc anaamiintim kihcikamiink.

⁹ Oo Tepencikeyan, kaa⁠Tipenimiyaank, eshi kihciokimaawentaakosiyan hsa naakwan misiwe o'omaa ahkiink.