Nikamonan 67 - Ojibwe Kihcimasina'ikan

Miikwehciwentamoowinikamon

¹ Kishemanitoo, taka koohpaatenimihshinaam, shawenimihshinaam, minwaapamihshinaam kaye.

² Miitahsh misiwe o'omaa ahkiink ci⁠kihkencikaatek kitishihtwaawin, kahkina hsa ci⁠kihkentamowaatc eshi pimaaci'iwewatc.

³ Oo Kishemanitoo, taka pemaatisiwaatc miikwehc kika'ikook; kahkina hsa piko pemaatisiwaatc kika miikwehciwenimikook!

⁴ Taka hsa kaa⁠pepahkaanwewaanakisiwaatc pemaatisiwaatc ta⁠minwentamok ci‑ina'amowaatc kaye nikamonan kaa⁠ciihkihtaakwaninikin; aaniihsh kiin weweni kitinaahkonaak pemaatisiwaatc, peshikwan eh⁠tootawatwaa, e⁠kihkinowinatwaa kaye kaa⁠pepahkaanwewaanakisiwaatc pemaatisiwaatc o'omaa ahkiink.

⁵ Oo Kishemanitoo, taka pemaatisiwaatc miikwehc kika'ikook; kahkina hsa ko pemaatisiwaatc kika miikwehciwenimikook.

⁶ O'omaa hsa ahkiink ta⁠nihtaawikinoon ke⁠manishikaatekin; Kishemanitoo, kaa⁠oKishemanitoomiyank kishawenimikonaan.

⁷ Kishemanitoo hsa kika shawenimikonaan, taka kahkina pemaatisiwaatc misiwe kaa‑ayaawaatc ahkiink oka kohtaanenimaawaan!