Nikamonan 43 - Ojibwe Kihcimasina'ikan

Inini Eshi'anami'aatc Waahsa Kaa'inaamohkaanaakaniwitc

¹ Oo Kishemanitoo, taka inaacimihshin kekoon ci‑ishi anaamentaakosihsiwaan; nana'ahtamawihshin i'iweni kaa⁠tootawiwaatc iki pemaatisiwaatc kaa⁠kihkenimihsinowihkwaa. Naatamawihshin ci⁠shaapwiihkantawakwaa kaa⁠kayenisiwaatc, nooci kaye kaa⁠ishiwepisiwaatc.

² Kiin iitok ninKishemanitoom kaa⁠nihtaa naacipa'iwaaninaan; wekonen tahsh wenci wepiniyan? Wekonen tahsh wenci poonihsehsinok i'i kaashi kakwaataki'iwaatc kaa⁠shiinkenimiwaatc?

³ Taka piicinisha'amawihshin kiwaahseyaasiwin, kitepwewin kaye ke⁠kihkinowinikoyaan kaashi ayaak kaa⁠kihtentaakwahk kaa⁠tipentaman kiwaciim; mii iitok i'imaa kaye entanentaakosiyan.

⁴ Oo Kishemanitoo miitahsh i'i ci‑ishaayaan kaashi pakitinaahsoohtamaakoyan, kiin iitok kaa⁠miishiyan minwentamowin. Ninka matweyaapiikipicike ninkitohcikanink miikwehc ci‑ina'amohtamawinaan, oo Kishemanitoo ninKishemanitoom!

⁵ Wekonen tahsh wenci maanentamaan nintahcaahkonk? Wekonen kaye wenci maanshihseyaan? Kishemanitoo hsa ninka ahpenimonotawaa keyaapi ci⁠miikwehciwenimak, nimPimaaci'iwem, ninKishemanitoom!