Nikamonan 23 - Ojibwe Kihcimasina'ikan

KaaTipenciketc Ehtinowitc Kaakanawimaanahcaanihshiwetc

Mii 'oweni Peshik Tepit Onikamon

¹ KaaTipenciketc ohsha ninkanawi maanahcaanihshiwem. Kaawiin hsa kekoon ninoontehsehsii.

² Wiin iitok kaa⁠ishiwihshitc keshi papimihshinowak kaashi minwashkohsiiwakaanik. Wiin kaye kaa⁠ishiwihshitc kaashi koshkwaawaataakamininik nipiini.

³ Wiin kaye kaa⁠oshki mashkawisii'itc. Wiin kaye kaashi kihkinowihshitc kwayahk miihkanaank kaa⁠inamoninik weweni keshi pimi ayaawak aaniihsh ishi kihkentaakwanini owiinsowin eh⁠tepweyentaakositc.

⁴ Mihsawaa ishi pimohseyaan kaashi pahsi'ayaak maawac kaashi kashkiitipihkahk, kaawiin ninka kohtansiin macikekoon, Tepencikeyan, kiin aaniihsh kaa⁠wiiciiwiyan. Kipakamaakanaahtik, kisahka'onaahk kaye e⁠naatamaakoyaan.

⁵ Kikwayaancihsitamawihsh kaye toohpowinaahkonk ci⁠tashi wiihsiniyaan, ci⁠waapamiwaatc kaa⁠shiinkenimiwaatc. Minaako'onipimite kaye eh⁠siikinaman nihtikwaanink, e⁠naakohtooyan e⁠kihtenimiyan. Niminihkwaakan kaye wiinke kitaamipatoon.

⁶ Tepwe hsa 'i kaashi minohcike'iweyan, kaashi saaki'iweyan kaye ninka wiiciiwikonan entahso kiishik minihk ke⁠pimaatisiyaan; miihsh kaye kiwaahkaa'ikanink ci⁠nehpici ishitaayaan.