Nikamonan 13 - Ojibwe Kihcimasina'ikan

Keshi'anami'aank Awiya Ciwiici'intipan

Mii 'oweni Peshik Tepit Onikamon

¹ Oo Tepencikeyan, aaniin itahsh minihk ke⁠waniihkenotawiyan? Nehpic ina? Aaniin hsa minihk waah⁠kaasoohtawiyan?

² Aaniin hsa minihk o'o keshi kakwaatakentamaan, entahso kiishik eh⁠kakwaatakentamaan ninte'ink? Aaniin hsa minihk ke⁠shaakooci'itc kaa⁠shiinkenimitc?

³ Oo Tepencikeyan ninKishemanitoom, inashke kanawaapamihshin, nahkwehtawihshin kaye! Kiiwe mashkawisii'ihshin, keko pakitinihshihken ci⁠nipoyaan;

⁴ maakisha hsa kaa⁠shiinkenimitc ta⁠ihkito, “Mii hsa 'i kiih⁠shaakooci'ak.” Keko tahsh pakitinaahken kaa⁠shiinkenimiwaatc ci⁠ciihkentamowaatc ahpii pankihshinaan.

⁵ Niin itahsh wiin ninkii ahpenimonotaan kisaaki'iwewin kaa⁠noontehsehsinok, ninte'ink kaye nintishi minwentam ci⁠pimaaci'iyan.

⁶ Ninka nikamoohtawaa hsa kaaTipenciketc, wiin aaniihsh nimpi kihci minotootaak.