ᑳᑭᑫᑖᓱᒡ 12 - Ojibwe Kihcimasina'ikan

¹ Maamihkawinotawihk tahsh kaakii oshi'inek mekwaa e⁠oshkaatisiyek. Aaniihsh ninkotink ta⁠ocihci kiishikan, ta⁠ocihcihse kaye o'o ci‑ihkitoyek, “Etatawe kaawiin niwiinaahpakentansii o'o kaa⁠pimaatisiyaan!”

Ishkwaac Ehkitonaaniwank

⁹ A'a hsa kaa⁠kihkentaahsotc eh⁠kakiihtaawentank, kaawiin kiih⁠poonihcikehsii e⁠kihkino'amawaatc pemaatisinitc kaakiih kihkentank. Okiih kakwe kihkentaanan kakiihtaawikiishwewinan, weweni kaye ekii anta kihkentank taka ci⁠tepwewaninikin.

¹⁰ Miihsh kaye kaakiih kakwe aapacihtootc minokiishwewinan. Ini hsa ihkitowinan kaakii oshipii'ank kwayahkohsininiwan, tepwemakaniniwan kaye.

¹¹ Kaa⁠kihkentaahsotc kaa⁠ihkitotc hsa mii 'i enentaakwaninikin taapishkoo mihtik kaa⁠ciipo kaahshaanik okanawi maanahcaanihshiwe kaa‑aapacihtootc kii⁠maamiinonaatc omaanahcaanihshima'. Kii⁠maawacihcikaatekin hsa ini kakiihtaawikiishwewinan, mii hsa 'i enentaakwahkin taapishkoo saka'ikanan kaa‑aayiici kiincita'ikaatekin; miiwan iitok ini kahkina kaa⁠miininank Kishemanitoo, kaa⁠peshikotc Okanawi maanahcaanihshiwe.

¹² Ninkosihs, keyaapi hsa peshikwayek kitishi ayaankwaamimin. Kaawiin hsa wiihkaa ta⁠poonihsehsinoon kaa⁠oshipii'ikaatekin masina'ikanan. Onci ayehkosinaaniwan ohsha wiinke kiih⁠kakwe kihkentaahsonk.

¹³ O'o hsa tahsh kahkina kekoonan kaa'ininakook, keyaapi hsa peshik ehta kekoon niwii'ihkit: kohtaanenimihk Kishemanitoo, kanawentamowaahk kaye otinaahkonikewinan. Mii iitok i'i ehta eshi pakitinamaakoowisitc awiya cikii ishihcikehpan.

¹⁴ Kishemanitoo ohsha wii ishi tipaahkoniwe kahkina kekoon entahso ishihcikewintc, kaa⁠kiimoocihcikewintc kaye, komaa wenishihshinonikwen, komaa kaye mecinaakwanonikwen.