1 ᑭᒋᐅᑭᒫᒃ 6 - Ojibwe Kihcimasina'ikan

Swaalaman Kii'oshihtootc Kihci anami'ewikamik

¹ Niiwaahk nihshwaahsimitana (480) tahsopipoon tahsh kii‑ishihseni o'o ahpii pemaatisiwaatc Isriyalak (Israel) kaakii nakatamowaahpan i'i Iicipahkiini (Egypt). Niiwipipoon hsa tahsh aasha Swaalaman (Solomon) kii⁠kihciokimaawi i'imaa Isriyalahkiink kii⁠pimakinsonitc niishokiisihsoon Sip (Ziv) eshinihkaasonitc. Mii hsa 'i ahpii Swaalaman kaa⁠maaciihkank i'i kihci anami'ewikamikoni.

² I'iweni tahsh kihci waahkaa'ikanini Swaalaman kaakii oshihtamawaatc kaaTipencikenitc, shaankahsimitana (90) tahso misit kii⁠ahkwaani. Nihsimitana (30) tahso misit tahsh kii‑inikohkwateyaani, niimitanashinaanomisit (45) itahsh kii⁠ahpiihtaani.

¹¹ Miitahsh o'o Swaalaman kaa'ikotc kaaTipencikenitc,

¹² “O'owe tahsh waahkaa'ikan kaa⁠oshihtooyan; kiishpin hsa tahsh ishi pimohseyan nintishihtwaawinink, kanawentaman kaye nintihkitowinan, tootaman kaye nintishihcikewinan, kanawentaman kaye kahkina nintinaahkonikewinan ci⁠tootamampan; mii hsa tahsh i'i ci‑ishihcikehtamawinaan kaakii ahshotamawakipan kitetepan Tepit (David).

¹³ Miitahsh i'imaa ke⁠tanentaakosiyaan mekweya'ii kaashi ayaawaatc Isriyalak, kaawiin tahsh ninka wepinaahsiik nimpimaatisiimak Isriyalak.”

¹⁴ Miitahsh Swaalaman kaa⁠ishi kiishihtootc i'iweni kihci anami'ewikamik.