Thaburi 9 - IBUKU RĨRĨA ITHERU RĨA NGAI

¹ NĨ NGATHO ngũcokeria Jehova na ngoro yakwa yothe; ngũgana maũndũ mothe ma magegania marĩa wĩkĩte.

² Nĩ gũkena ngũkena nĩ ũndũ waku, njanjamũke o gũcanjamũka: ngũgooca rĩĩtwa rĩaku na rũĩmbo, Wee-wĩ-Igũrũ-Mũno;

³ Nĩ amu thũ ciakwa nĩ njoku na thutha, igatindirũka igathirĩrĩkĩra mbere ya ũthiũ waku.

⁴ Nĩ gũkorũo nĩũtiirĩrĩire kĩhooto gĩakwa, cira wakwa ũgakĩnduĩra; nĩũraikarĩire gĩtĩ gĩa ũthamaki ũratuanĩra na ũthingu.

⁵ Ndũrĩrĩ nĩũcirũithĩtie, andũ acio aaganu ũgakĩmanina; ũtharĩtie rĩĩtwa rĩao nginya mĩndĩ na mĩndĩ.

⁶ Thũ-rĩ, ũhoro wacio nĩ mũkinyu gĩturi, igakira ihooru rĩa tene na tene: mĩciĩ nayo, ĩo ũhang’ũrũranĩtie, o gwata ũririkano wayo nĩ mũthiru.

⁷ No rĩ’, Jehova egũtũũra aikarĩire gĩtĩ kĩa ũnene o nginya tene na tene: aigĩte gĩtĩ gĩake athamakanagĩre.

⁸ Nake arĩciragĩra mabũrũri na ũthingu, atuithanagie irĩndĩ o ũrĩa kwerekereire.

⁹ Jehova-rĩ, harĩ mũndũ mũhinyĩrĩrie, arĩtuĩkaga rĩangĩro rĩakĩtwo iraya na igũrũ, rĩangĩro rĩake o igũrũ, rĩa kũũrĩra hingo cia mĩnyamaro.

¹⁰ Nao arĩa moĩ rĩĩtwa rĩaku nĩwe marĩĩhokaga, tondũ wee Jehova-rĩ, ndũrĩ watiganĩria arĩa makũrongoretie.

¹¹ Inĩrai Jehova mũmũkumie, o we ũcio ũtũũraga Zayuni; umbũrĩrai irĩndĩ mawĩko make.

¹² Amu acio, we mũrĩhĩria-thakame no amaririkanaga; mũkayo wa arĩa athĩnĩki-rĩ, ndangĩriganĩrũo nĩguo.

¹³ Nginyĩria wega waku, Jehova; rora thĩna ũrĩa nyonagio nĩ andũ arĩa ma’thũire, o wee ũnyambatagia ũkanduta o mũromo-inĩ wa gĩkuũ,

¹⁴ Nĩ getha ngĩmemerekie ũkumio waku wothe: ihingo-inĩ cia mwarĩ wa Zayuni-rĩ, nĩkuo ngũcanjamũkĩra nĩ ũndũ wa ũhonokio waku.

¹⁵ Ndũrĩrĩ-rĩ, nĩihorokeire irima-inĩ o rĩrĩa irenjete; o ene nĩ anyite magũrũ nĩ wabu o ĩo marembete ya gũtegana.

¹⁶ Jehova nĩakĩĩmenyithanĩtie, kũhingia nĩahingĩtie ituĩro: ũrĩa mwaganu nĩ mũgwatie nĩ wĩra wa moko make mwene.

¹⁷ Andũ arĩa aaganu-rĩ, nĩ gũcoka magacoka kwa ngoma, ĩĩ-ni, ndũrĩrĩ ciothe iria iriganagĩrũo nĩ Ngai.

¹⁸ Amu mũndũ ũrĩa mwagi ndangĩtũũra o ariganĩire hingo ciothe; gĩeterero kĩa arĩa athĩnĩki gĩtigatũũra o kĩhukĩte nginya tene.

¹⁹ Arahũka, Jehova ndũgakĩreke andũ matuĩke nĩo me na hinya: ndũrĩrĩ nĩicirithio, ituĩrũo maitho-inĩ maku.

²⁰ Ciguoithie, Jehova; ndũrĩrĩ ciĩmenye atĩ no andũ.