Thaburi 7 - IBUKU RĨRĨA ITHERU RĨA NGAI

¹ Ĩ JEHOVA, Ngai wakwa, wee nĩwe ndahĩire: ’honokia harĩ aya othe mathingatanĩte na niĩ, ũkĩndeithũre;

² Ũrĩa we ndakae gũtamburura muoyo wakwa ta ngatia, agĩtembũrangaga hatarĩ na wa gũtunyũkithia.

³ Jehova, Ngai wakwa, korũo nĩndekire ũguo; korũo moko makwa nĩmekĩte wogogi;

⁴ Korũo nĩ’thukĩire mũndũ ũũru, ũrĩa tũraiguaine nake; (ĩ anga ũrĩa wetuĩte mũmuku wakwa tũhũ ndiamũtharire ũgwati-inĩ?)

⁵ Korũo nĩguo-rĩ, thũ nĩĩthingatane na ngoro yakwa, na ĩmĩkinyĩrĩre; ĩĩ-ni, o na nĩĩkĩrangĩrĩrie muoyo wakwa tĩri-inĩ, ĩkurumanie riri wakwa rũkũngũ-inĩ.

⁶ Arahũka, Jehova, na marakara maku; ĩambararie ũrigĩrĩrie matũkũya ma acio me muku na niĩ; ramũka nĩ ũndũ wakwa: wee nĩũraarĩirie gĩathĩ gĩa gũtua cira.

⁷ Kĩũngano kĩa ndũrĩrĩ nĩgĩgũthiũrũrũkĩrie, nawe ũcoke igũrũ ũrĩ o igũrũ rĩacio.

⁸ Nĩ Jehova ũciragĩra irĩndĩ agaituĩra: tua ũhoro wakwa, Jehova, kũringana na ũthingu wakwa o na ũthungĩru wakwa wa ngoro.

⁹ Ũũru wa arĩa aaganu ta nĩũkinye gĩturi, nawe ũkĩrũmie ũrĩa mũthingu: amu nĩ Ngai ũrĩa mũthingu ũgeragia andũ ngoro o na higo.

¹⁰ Harĩ Ngai noho ngo yakwa ĩrĩ, o harĩ ũcio ũhonokagia arĩa erekereru ngoro.

¹¹ Ngai-rĩ, nĩ mũtui cira na kĩhooto, ĩĩ-ni, we nĩ Mũrungu ũrakaraga mũthenya o mũthenya.

¹² Mũndũ aaga kũgarũrũka, no amũnorere rũhiũ: ũta wake nĩaũtungĩte, na akaũgeta.

¹³ Indo cia kũmũũraga, nĩcio amũthagathagĩire; mĩguĩ-rĩ, amĩakanĩtie mwaki.

¹⁴ Mũndũ nĩ ũcio! kũrũmwo nĩararũmwo nĩguo aciare waganu; nda ĩrĩa agĩĩte nayo nĩ ya kĩũnũhu, na gũciara areciarĩra o ũrongo.

¹⁵ Enjete irima, akarĩrikia, agacoka akagũa thĩinĩ wa mũtaro o ũcio eenjeire.

¹⁶ Ũũnũhu wake nĩũkamũcokerera o kĩongo-inĩ gĩake, ũtoi ũcio wake-rĩ, ũkĩmũgũĩre o mũtwe wake mwene.

¹⁷ Nĩngũcokeria Jehova ngatho ta ũrĩa ũthingu wake wagĩrĩirũo, rĩĩtwa rĩa Jehova Ũrĩa-wĩ-Igũrũ-Mũno, ndĩkĩrĩgooce na rũĩmbo.