Thaburi 4 - IBUKU RĨRĨA ITHERU RĨA NGAI

¹ NYAMŨKĨRIA ndakaya, wee Ngai wa ũthingu wakwa; nĩwe wana’he mĩaramano ndagĩa hatĩka-inĩ: nginyĩria wega waku, ihoya rĩakwa ũkĩrĩigue.

² Inyuĩ ariũ a andũ-rĩ, nĩ hĩndĩ ĩigana atĩa riri wakwa ũgũtũũra ũnyararagwo, mũkendaga ũhoro wa tũhũ, na mũkarongoragia maheni?

³ No rĩ’, menyai atĩ ũrĩa mũigua-Ngai, we Jehova nĩamwĩamũrĩire: Jehova no arĩiguaga ndamũkaĩra.

⁴ Gĩani na guoya, mũtigage kwĩhia; teretagai o mũndũ na ngoro yake arĩ ũrĩrĩ, mũgĩĩkiragĩre.

⁵ Rutai magongona mũrutĩre o ũrĩa wa ũthingu, mũkĩĩhoke o Jehova arĩ we.

⁶ Nĩ aingĩ maroria atĩrĩ, Nũ ũngĩtuonania na maũndũ mega? Jehova, wee-rĩ, gĩtũtiirĩre ũtheri wa gĩthiithi gĩaku.

⁷ Wee nĩũnjĩkĩrĩte gĩkeno ngoro-inĩ yakwa gĩkĩrĩte kĩao rĩrĩa ngano yao na ndibei ciamaingĩhĩra.

⁸ Ngũgĩĩkomera ndĩ na thayũ, njũke o ngĩona toro, tondũ wee, Jehova, nĩwe ũndũũragia mwamũ, ngaikara o ndĩĩgangarĩte.