Thaburi 3 - IBUKU RĨRĨA ITHERU RĨA NGAI

¹ Ĩ JEHOVA, kaĩ arĩa mara’hatĩka nĩmaingĩhĩte-ĩ! andũ nĩ aingĩ mũno, acio maranjũkĩrĩra.

² Kũingĩha nĩ arĩa mekuuga ũhoro wa ngoro yakwa atĩrĩ, Ndarĩ ũhonokio angĩona harĩ Ngai.

³ No rĩrĩ, wee, Jehova, nĩwe ngo ya kũnjikara mĩena yothe; nowe riri wakwa, nowe mũtũũgĩria wa mũtwe wakwa.

⁴ Ngayagĩra Jehova na mũgambo, nake akanyamũkĩria e kĩrĩma kĩrĩa gĩake kĩamũre.

⁵ Niĩ-rĩ, nĩndĩrekomeire na ndĩrona toro; ndakĩroka kũhindũka; thima nĩ Jehova ũndiiragĩrĩra.

⁶ Andũ, o na mangĩrĩ ngiri ikũmi, ndingĩmetigĩra, acio maikaire meĩ’hotoreire mĩena-inĩ yothe.

⁷ Arahũka, Jehova Ngai wakwa, ’honokia: thũ ciakwa ciothe nĩũcigũthĩte thĩa, magego ma andũ arĩa aaganu ũkamathendũranga.

⁸ Ũhonokio no wa Jehova: kĩrathimo gĩaku kĩrotũũra na kĩrĩndĩ gĩaku.