1 Maũndũ ma Matukũ ma Tene 3 - IBUKU RĨRĨA ITHERU RĨA NGAI

¹ Na rĩrĩ, aya nĩo ariũ a Daudi, arĩa aaciarĩirũo arĩ Hebironi; irigithathi nĩ Amunoni, mũrũ wa Ahinoamu, Mũjezireeli, na wa kerĩ, nĩ Danieli mũrũ wa Abigaili, Mũkarimeli,

² na wa gatatũ, nĩ Abisalomu, mũrũ wa Maaka, mwarĩ wa Talimai mũthamaki wa Geshuru, na wa kana nĩ Adonija, mũrũ wa Hagithu,

³ na wa gatano, nĩ Shefatia wa Abitali, na wa gatandatũ, nĩ Ithireamu, ũrĩa aaciarĩirũo nĩ Egila, mũka.

⁴ Nĩ atandatũ aaciarĩirũo arĩ Hebironi, nakuo kũu aathamakire mĩaka mũgwanja na mĩeri ĩtandatũ; nakuo Jerusalemu agĩthamaka mĩaka mĩrongo ĩtatũ na ĩtatũ.

⁵ Nao aya nĩo aaciarĩirũo arĩ kũu Jerusalemu: nĩ Shimea, na Shobabu, na Nathani, na Suleimani; acio ana-rĩ, nĩ a Bathi-shua, mwarĩ wa Amieli;

⁶ ningĩ agĩciarĩrũo Ibihari, na Elishama, na Elifeleti,

⁷ na Noga, na Nefegu, na Jafia,

⁸ na Elishama, na Eliada, na Elifeleti, andũ kenda.

⁹ Acio othe maarĩ ariũ a Daudi, thengia ariũ a thuriya ciake; nake Tamaru nĩwe mwarĩ wa ithe wao.

¹⁰ Nake mũrũ wa Suleimani nĩ Rehoboamu, nake Abija nĩ mũrũwe wa ũcio, nake Asa nĩ mũrũwe wa ũcio, nake Jehoshafatu nĩ mũrũwe wa ũcio,

¹¹ nake Joramu nĩ mũrũwe wa ũcio, nake Ahazia nĩ mũrũwe wa ũcio, nake Joashu nĩ mũrũwe wa ũcio,

¹² nake Amazia nĩ mũrũwe wa ũcio, nake Azaria nĩ mũrũwe wa ũcio, nake Jothamu nĩ mũrũwe wa ũcio,

¹³ nake Ahazu nĩ mũrũwe wa ũcio, nake Hezekia nĩ mũrũwe wa ũcio, nake Manase nĩ mũrũwe wa ũcio,

¹⁴ nake Amoni nĩ mũrũwe wa ũcio, o nake Josia nĩ mũrũwe wa ũcio.

¹⁵ Nao ariũ a Josia, nĩ aya: nĩ Johanani wa irigithathi, na wa kerĩ nĩ Jehoiakimu, na wa gatatũ nĩ Zedekia, na wa kana nĩ Shalumu.

¹⁶ Nao ariũ a Jehoiakimu nĩ Jekonia mũrũwe, na Zedekia mũrũwe wa ũcio.

¹⁷ Nao ariũ a Jekonia, ũrĩa wagwatirũo mũgwate, nĩ aya: nĩ Shealitieli mũrũwe,

¹⁸ na Malikiramu, na Pedaia, na Shenazaru, na Jekamia, na Hoshama, na Nedabia.

¹⁹ Nao ariũ a Pedaia, nĩ Zerubabeli, na Shimei; nao ariũ a Zerubabeli, nĩ Meshulamu, na Hanania; nake Shelomithu nĩwe mwarĩ wa ithe wao;

²⁰ na ariũ angĩ atano, nao nĩ Hashuba, na Oheli, na Berekia, na Hasadia, na Jushabu-hesedi.

²¹ Nao ariũ a Hanania, nĩ Pelatia, na Jeshaia; ningĩ nĩkwarĩ ariũ a Refaia, na a Arinani, na a Obadia, na a Shekania.

²² Nao ariũ a Shekania nĩ Shemaia; nao ariũ a Shemaia, nĩ Hatushi, na Igali, na Baria, na Nearia, na Shafati; nĩ atandatũ.

²³ Nao ariũ a Nearia, nĩ Elioenai, na Hizikia, na Azirikamu; nĩ atatũ.

²⁴ Nao ariũ a Elioenai, nĩ Hodavia, na Eliashibu, na Pelaia, na Akubu, na Johanani, na Delaia, na Anani; nĩ mũgwanja.