Uswe 15 - Fanawbuid tagsibaliwas Fakayabian

Ngay Talun at Nafon sas Uda at Kasugfunanan

¹ Tuy Uda at kasugfunanan at nagbilug fag ngay talun, at nafud laman sat ngay kalongan: siginan at lod fag afud talun Edum sas fasiunan fag alvngvdan baliwa, sas fatuan Sin fag talun at yud e taw.

² At fatuan tagsis alvngvdan gfasigad siginans fasiunan fag alvngvdan Dagat at Mabulan,

³ ay gtaglayun sibaliwas Agipan fag Dalan at alvngvdan, ay gtaglayun sas talun Sin ay sas fasiunan fag alvngvdan baliwa Kades-Barnea, ay gdalan sas Kesrun tagundaud sas Adar ay kabaraud sas Karka.

⁴ Ay nangadasug sas Asmun, gtaglayun sas fagfamiluganan mamam sis fatuan Egiptu ay gtaglayun sas Dagat Mediteranyu. Kanya Uda at fatuan daga sas fasiunan fag alvngvdan baliwa.

⁵ Ay at fatuan sas fakamenitan baliwa, Dagat at Mabulan sitsigons Liskung Urdan at fagduksunan mamam. Ay at fatuan sas wala fag alvngvdan gfasigad siginan mamam at fagduksunan,

⁶ gundaud sas Bet-Ugla, tagsas wala fag alvngvdan Bet-Araba anggan sas Buan at gang. (Buan, Rubin at baguama.)

⁷ Sanya ginan, at fatuan gtaglayun sas datag Akur anggan sas Debir, ay kabaraud sas fawalan fag alvngvdan tagsas Gilgal tagsalubang sas dalan tagundaud sas Adumim sabaliwas fasiunan fag alvngvdan liskung. Ay gfataglayun sas bulbug En-Semes ay gduksun sas En-Rugel.

⁸ Sanya ginan, gtaglayun sas datag Ben-Inum yakmay andasug sas fasiunan fag alvngvdan si sangay taw Ebus at furuan daul fag buksul. (At ngayan katsi, Erusalem.) Sanya ginan, gundaud sas tungud buksul sas fakayabian baliwa datag Ben-Inum yakmay andasug sas taba datag Refaim at fawalan fag alvngvdan.

⁹ Ay sanya ginan, gtaglayun sas bulbug Neftua, ay gduksun sa sangay furuan ayu daul munakbang sis buksul Efrun, ay gturunan sas Baala (kanya Kiryat-Earim),

¹⁰ kabaraud sabaliwas fakayabian Baala tagsas Buksul Seir. Sanya ginan, gtaglayun sas fawalan fag alvngvdan baliwas lod buksul Earim (at ngayan yangay te, Kesalun), gfataglayun sas Bet-Semes ay gdalan sas Timna.

¹¹ Sanya ginan, gtaglayun sas fawalan fag alvngvdan baliwa, tagsis lod buksul Ekrun ay kabaraud sabaliwa Sikerun, ay nadalan sas buksul Baala yakmay andasug sas Abneel. At fatuan, Dagat Mediteranyu.

¹² At fatuan sas fakayabian baliwa ang tua Dagat Mediteranyu. Katanya Uda at kasugfunanan at ngay fatuan daga.

At Nafon sas Kaleb fag Talun

¹³ Yawi nasugu sas Uswe te, “Foni sik afud talun siginans Uda at kasugfunanan sas Kaleb, Efune at baguama.” Kanya fag talun Kiryat-Arba, kanya wan Kebrun. (Arba, Anak at mama)

¹⁴ Kaleb naiyan yangay sanya ginan fag talun Anak at kasugfunanan fag tulu: Sesay, Akiman, ay Talmay.

¹⁵ Siginans Kebrun, kanya fagayu nafawayan yangay ngay tagbanwan sis furuan Debir (ebi at ngayan, Kiryat-Sefer.)

¹⁶ Ay Kaleb nalong te, “Nusnga sinu tua ban at mafaago Kiryat-Sefer, gfon kban ku baguina Aksa laman at bubay.”

¹⁷ Ay Utniel, Kenas at baguama, Kaleb at arian, at nafaago kanya fag furuan. Nu katanya, Kaleb nafon sas Utniel at baguina Aksa laman at bubay.

¹⁸ Ay nu ndadwa wan, Aksa nalong sat mangama te, “Nanlong au sa ku mama te, fabiai yap at nafagbilug sa angku fag daga.” Ay sanya ginan, kanya nalao sas Kaleb, ay nu ndasug wan, kanya natustus siginan at sakayan asnu, ay Kaleb nainto anya te, “Nataw am fakaylatun?”

¹⁹ Ay Aksa nabalus te, “Get kma sa emu sik famonun fag daga ke ngay bulbug aroro am nafon angku fag daga sis Negeb we bulbug.” Nu katanya, Kaleb nafon sa anya ngay bulbug sas buksul ay sas datag.

Talun Uda at ngay Furuan

²⁰ Tuy Uda at kasugfunanan at nagbilug fag ngay furuan ay nafud sat ngay kalongan:

²¹ Ngay furuan ayu daul sas fasiunan fag alvngvdan baliwa, sas fatuan Negeb munakbang sis Edum at taba: Kabseel, Eder, Agur,

²² Kina, Dimuna, Adada,

²³ Kedes, Kasur, Itnan,

²⁴ Sif, Telem, Bealut,

²⁵ Kasur-Kadata, Keriut-Kesrun (kanya Kasur),

²⁶ Amam, Sema, Mulada,

²⁷ Kasar-Gada, Kesmun, Bet-Pelet,

²⁸ Kasar-Sual, Beerseba, Bisiutya,

²⁹ Baala, Iyim, Esem,

³⁰ Eltulad, Kesil, Kurma,

³¹ Siklag, Madmana, Sansana,

³² Lebaut, Silkim, Ayin ay Rimun. Nu fagayu wan, duak safulu e siamk furuan, kataip wan ngay furuan ayu sirut sit ligung.

³³ Ay tagsas fakayabian baliwa fag ngay buksul: Estaul, Sura, Asna,

³⁴ Sanua, En-Ganim, Tapuak, Inam,

³⁵ Armut, Adulam, Suku, Aseka,

³⁶ Saaraim, Aditaim, Gedera: labi ufatk furuan, kataip wan ngay furuan ayu sirut sit ligung.

³⁷ Ay Senan, Kadasa, Migdal-Gad,

³⁸ Dilyan, Mispa, Ukteel,

³⁹ Lakis, Buskat, Eglun,

⁴⁰ Kabun, Lakmas, Kitlis,

⁴¹ Gederut, Bet-Dagun, Naama, ay Makeda: ay fagayu labi unumk furuan, kataip wan ngay furuan ayu sirut sat ligung.

⁴² Ay kataip yangay Libna, Eter, Asan,

⁴³ Ifta, Asna, Nesib,

⁴⁴ Keyla, Aksib, ay Maresa: ay fagayu siamk furuan, kataip wan ngay furuan ayu sirut sit ligung.

⁴⁵ At ligung Ekrun ay at ngay furuan ayu sirut ay talay fag furuan,

⁴⁶ ay fagayu furuan ay at ngay furuan ayu sirut munakbang sis Asdud siginans Ekrun gtaglayun sas Dagat Mediteranyu.

⁴⁷ Asdud ay Gasa, kataip ngay furuan ayu daul ay furuan ayu sirut sitsigons fagfamiluganan mamam sis talun Igiptu, ay sas tigyangan Dagat Mediteranyu.

⁴⁸ Ngay furuan ayu daul sas buksul: Samir, Atir, Suku,

⁴⁹ Dana, Kiryat-Sana (kanya Debir),

⁵⁰ Anab, Estemua, Anim,

⁵¹ Gusen, Kulun, ay Gilu: labi sadik furuan, kataip wan ngay furuan ayu sirut sit ligung.

⁵² Arab, Duma, Esan,

⁵³ Anim, Bet-Tapuak, Afeka,

⁵⁴ Kumta, Kiryat-Arba (kanya Kebrun) ay Sikur: labi sadik furuan, kataip wan ngay furuan ayu sirut sit ligung.

⁵⁵ Maun, Karmel, Sif, Uta,

⁵⁶ Esreel, Ukdeam, Sanua,

⁵⁷ Kain, Gibya ay Timna: safuluk furuan, kataip wan at ngay furuan ayu sirut sit ligung.

⁵⁸ Kalkul, Bet-Sur ay Gedur,

⁵⁹ Maarat, Bet-Anut ay Eltekun: ay fagayu unumk furuan, kataip wan at ngay furuan ayu sirut sat ligung.

⁶⁰ Kiryat-Baal (kanya Kiryat-Earim) ay Raba: duak furuan, kataip wan ngay furuan ayu sirut sit ligung.

⁶¹ Ngay furuan sis talun at yud e taw: Bet-Araba, Midin, Sekaka,

⁶² Nibsan, Furuan Barara ay En-Gedi: unumk furuan, kataip wan ngay furuan ayu sirut sit ligung.

⁶³ Dewa katanya, Uda at kasugfunanan wa naiyan ngay taw Ebus tagbanwan sis Erusalem. Ay dasug katsi kanya fagayu magamut ngay taw Uda.