Uswe 12 - Fanawbuid tagsibaliwas Fakayabian

At Nababawan fag ngay Fun tagsis Urdan at Fakamenitan

¹ Ngay taw Israel nagbilug ngay furuan sas fakamenitan Liskung Urdan, siginans Liskung Arnun anggan sas Buksul Ermun, sitsigons fakamenitan datag Urdan. Kanya fag ngay talun at ngay fun:

² Sikun, taw Amur at fun tagbanwan sis Kesbun. At fagfunanun sik wabilug talun Gilyad, siginans Aruer sas tigyangan Liskung Arnun ay siginan swabilug sanya fag liskung sitsigons Abuk fag liskung, sanya yangay taw Amun at fatuan daga.

³ Ay at fagagbilugun yangay datag Urdan sfakamenitan baliwa, siginans Lino Galilea ay sas Bet-Esimut, sas fakamenitan baliwa Dagat at Mabulan ay sas fasiunan fag alvngvdan sitsigons fun buksul Pisga.

⁴ At fadua, fun Ug, talun Basan at fun. Kanya at sadi at kinsawad, ay sik taw Refa. At fagfunanun fag furuan Astarut ay Edrei.

⁵ At fagagbilugun, Buksul Ermun, Saleka, ay fagdaul talun Basan sitsigons taw Gesur ay Maaka at fatuan talun, ay sik wabilug talun Gilyad, sitsigons fatuan Kesbun, fun Sikun at fagagbilugun.

⁶ Muisis, Yawi at fagsuguan, ay ngay taw Israel nababo kanya fagayu. Muisis nafagbilug kanya fag ngay talun sas Rubin ay sas Gad fag kasugfunanan, ay sas Manase fag wabilug kasugfunanan.

At Nababawan fag ngay Fun tagsis Urdan at Fakayabian

⁷ Uswe ay ngay taw Israel nagbilug yangay ngay talun sis Urdan at fakayabian, siginans Baal-Gad sas datag Lebanun sitsigons buksul Alak gundaud sas Seir. Ay Uswe nafagbilug kanya fag ngay talun sa sangay taw Israel. Kanya nafud kafag ngay furuan sas galay at kasugfunanan.

⁸ Kanya fag ngay talun sat buid baliwa, ngay buksul sas fakayabian datag Urdan, ngay talun yud e taw sas dayu ay sas Negeb. Kanya fag ngay talun taw Ket, taw Amur, taw Kanaan, taw Peres, taw Kib, ay ngay taw Ebus at fagbanwanan ebi ataw. Kayu tuy Uswe ay ngay taw Israel at nababo fag ngay furuan at ngay fun:

⁹ Eriku at fun, Ai at fun, (munakbang sis Betel)

¹⁰ Erusalem at fun, Kebrun at fun,

¹¹ Armut at fun, Lakis at fun,

¹² Eglun at fun, Geser at fun,

¹³ Debir at fun, Geder at fun,

¹⁴ Kurma at fun, Arad at fun,

¹⁵ Libna at fun, Adulam at fun,

¹⁶ Makeda at fun, Betel at fun,

¹⁷ Tapuak at fun, Kefer at fun,

¹⁸ Afek at fun, Lasarun at fun,

¹⁹ Madun at fun, Kasur at fun,

²⁰ Simrun-Merun at fun, Aksaf at fun,

²¹ Taanak at fun, Megidu at fun,

²² Kedes at fun, Ukneam at fun (sis Karmel),

²³ Dur at fun (sis Nafat-Dur), Guyim at fun (sis Gilgal),

²⁴ ay Tirsa at fun. Nu fagayu wan, tuluk safulu e sadik fun.