Filimoni 1 - Nyakyusa Ngonde New Testament (Ulwitikano Ulupya)

Amasyu ga bwandilo

¹ Pauli umpinyigwa gwa Kristi Yesu, na Timoti ugwamyitu,

² kwa Filemoni unganigwa kangi umbombanisi mwinitu, na Apia ilimbu gwitu, na Arkipo unsikali mwinitu, na kukipanga

³ iki kili nnyumba yako: Ilipyana liyege nanumwe, nulutengano ulufuma kwa Kyala Tata na kuNtwa Yesu Kristi.

Ulugano nulwitiko lwa Filemoni

⁴ Bwila itolo nikugwa ulupi kwa Kyala gwangu, bo nikuku-

⁵ kumbuka munyiputo syangu, papo nikupilika isya lugano lwako, nisya lwitiko ulu uli nalo kuNtwa Yesu na kubikemo

⁶ bosa, ukuti ubulilanisi bwa lwitiko lwako bubombege imbombo, nkusimanya inunu syosa isi tuli nasyo, isi silabile kwa

⁷ Kristi. Namanga ulugano lwako lumbelile ukusekela fiyo kangi lusubisye, buno indumbula sya bikemo sihobwike panongwa yako, gwe gwamyitu.

Isya kuntuma mbuyo bwa utumwa uyu abopile

⁸ Ko kuno napapo natigi ngibege itolo mwa Kristi ukukulagila

⁹ isi sikulondigwa, loli panongwa ya lugano, po nikukindilila itolo ukukupyelesya, ne Pauli ne nkangale itolo, ne lilino nipelile

¹⁰ ukuya mpinyigwa gwa Kristi Yesu. Nikupyelesya kumyako panongwa ya mwanangu Onesimo, uyu numpapile mbu-

¹¹ pinyigwa bwangu, uyu iyolo ali gwa itolo kumyako, loli lilino

¹² abagile kumyako na kumyangu; yo uyu nungomolile kumyako,

¹³ ko kuya yo ndumbula yangu. Une nalondaga ukuti njege nagwe, ambombelege mbuyo bwako mbupinyigwa bwangu

¹⁴ bwa mwIbangeli, loli ngigana ukubomba simo kisitakwitika ugwe, ukuti nangafwanaga nikukufimbilisya inunu isi kumbo-

¹⁵ mbela, loli siyege sya kwigana gwimwene. Namanga pamo syo sisyo syalimpelile ukwepukapo pamyako kukabalilo

¹⁶ akanandi itolo, ukuti uyege nagwe bwila itolo; ukufuma lilino alekile ukuya ntumwa, loli akindilepo na pantumwa, ipelile gwamyitu unganigwa; akindilile kumyangu, loli

¹⁷ ikupelaga poki ukuya gwamyinu mumbili na muNtwa! Linga umbwene ukuya ne ndilanisi gwako naloli, po umwambililege

¹⁸ ukuti yo yuyune. Loli linga onangile simo kumyako, pamo

¹⁹ ikumeleligwa fimo, fyo umbalilege yuyune; yo une Pauli nikusimba nikiboko kyangu yuyune, ukuti nisakukuhombaga yuyune; syo ndikusiyoba isya kuti nanungwe uli ninongwa

²⁰ iya kwihomba yuyugwe kumyangu. Ena gwamyitu, nikulonda ngabilege fimo kumyako muNtwa; uyihobolege indumbu-

²¹ la yangu mwa Kristi. Apa nikukusimbila kalata uyu po nikukusubila ukupilika kwako, bo menye ukuti kwisaku-

²² bomba ukukinda pali isi njobile. Pamwanya pali isi, undendekekesyege ubugono; namanga nikusubila ukuti inyiputo syinu sisakumbelelaga ukuya gwinu.

Isya kumalikisya

²³ Ikukuponia Epafra umpinyigwa mwa Kristi Yesu;

²⁴ bikukuponia bope ba-Marko, Aristarki, Dema, na Luka, ababombanisi binangu.

²⁵ Ilipyana lya Ntwa Yesu Kristi lyo liyege nimbepo syinu.