BaFilipi 1 - Nyakyusa Ngonde New Testament (Ulwitikano Ulupya)

Uluponio

¹ Pauli na Timoti, abatumwa ba Kristi Yesu, kubikemo bosa mwa Kristi Yesu aba bali mu-Filipi pamopeme na

² babishop nababombeli. Ilipyana liyege nanumwe nulutengano ulu lukufuma kwa Kyala Tata, na kuNtwa Yesu Kristi.

Pauli ikubagwila ulupi

³ Nikugwa ulupi kwa Kyala gwangu apa nikubakumbuka;

⁴ bwila apa nikubiputila mwesa, po tukwiputa nulusekelo,

⁵ panongwa ya bulilanisi bwinu mwIbangeli, ukufuma pisiku

⁶ lya kwanda, ukufika na kulilino kuno. Nikusubila ukuti, uyu alyandile imbombo inunu mmyinu, yo isakusimalisyaga

⁷ ukwakufika pisiku lya Kristi Yesu. Namanga syo nunu itolo kumyangu ukubinogonela umwe sisisi, papo umwe muli mundumbula yangu, buno mbupinyigwa bwangu, na nkulinokesya nukulisisimikisya ilIbangeli, mwesa muli balilanisi

⁸ bangu mwipyana lilili. Namanga Kyala yo nketi gwangu, muno nikubasyukilwa umwe nkibabilisi kya Yesu Kristi.

⁹ Isi syo nikwiputa ukuti, ulugano lwinu lukindililege itolo

¹⁰ ukulefuka, mbumanyi na ukusyagania syosa; ukuti musisalege inunu, ko kuti muyege belu abasitakalema pisiku lya Kristi,

¹¹ bo mwiswile niseke sya bugolofu, isi sikwisila mwa Yesu Kristi, isya kumwimikila nukuntukifya Kyala.

Ukupinyigwa kwake kulibesye ilIbangeli

¹² Loli mwe oamyitu, nikulonda ukuti mumanye ukuti, syosa isi sinyagile une, syo sikindilepo ukulibasya ilIbangeli.

¹³ Bunobuno ukupinyigwa kwangu panongwa ya Kristi, kubonike itolo pabwelu mosa nnyumba sya bulindililakisu, na

¹⁴ kubangi bosa itolo, kangi bingi itolo abamyitu muNtwa balwagile ulusubilo mbupinyigwa bwangu, bakindilile itolo ukuya bakifu ukulifumusya ilisyu lya Kyala kisitalutende.

¹⁵ Bamo, bo naloli bikumfumusya Kristi panongwa ya bufi nukulwana, abangi loli, bo bikumfumusya ninyinogono

¹⁶ inunu; aba bo bikumfumukisya ndugano, bamenye ukuti

¹⁷ mbikigwe ukuya gwa kulilwila ilIbangeli, loli abatasi bala, bikumfumusya Kristi ndukani, momma mundumbula inyelu, bikwinogona ukongelapo ubukamandanigwa bwa mbupi-

¹⁸ nyigwa bwangu. Syo sya fiki lelo? Loli muli syosa itolo, nalinga mo mbusyobi, nalinga mo mbwanaloli Kristi ikufumusigwa, muli sisisi mo nikusekela.

Ukufwa ko kukoba

¹⁹ Ena nikusekelaga, namanga menye une ukuti sisisi sisakwipelaga ukuya bupoki bwangu panongwa ya nyiputo syinu,

²⁰ na kubutuli bwa Mbepo gwa Yesu Kristi, bo apa nikusyukwa fiyo, nikusubila ukuti ndisakukosigwamo isoni, loli mbukifu bosa itolo, bo apa Kristi ikwimikigwa bwila, nalilino isakwimikigwaga mumbili gwangu, nalinga mo mbumi nalinga mo

²¹ mbufwe. Namanga ubumi bwangu une yo Kristi, ukufwa ko

²² kukaba. Loli linga ukuya mumi mumbili kumyangu syo

²³ seke sya mbombo, po kundolile itolo ukwisalila. Syo ngamandanigwe nasyo syo ibili sisisi, nikunyonywa ukubuka ukwa-

²⁴ kuya na Kristi, namanga ko kukindilile fiyo itolo ubununu; loli

²⁵ ukuya mumbili kukulondigwa fiyo panongwa yinu. Apa ndi nulusubilo lululu, menye ukuti nisakuyako, nisakuyaga palikimo nanumwe bwila, ukuti mukulege nukusekela ndwitiko,

²⁶ ko kuti mukindililege itolo ukwitukifya mmyangu mwa Kristi

²⁷ Yesu, panongwa ya kuti nisakuyaga mmyinu kangi. Loli ulwendo lwinu lubagisaniege nIbangeli lya Kristi, ukuti bo nisile kukubaketa, napa linga ngayapo, mbilikege isya kuti mwimile itolo mwa Mbepo yumo, mukulwila palikimo nindumbula

²⁸ yimoyene ndwitiko lwa Ibangeli, nukuti abalugu binu batikubogofya muli simo, sisisi kyo kimanyilo kya bupyutigwa bwabo,

²⁹ loli kumyinu bo bupoki ubu bukufuma kwa Kyala. Namanga panongwa ya Kristi mukapegwa kwene ku kumwitika, loli na

³⁰ ku kukubilwa panongwa yake; bo muli nubwite bubo mwabubwene mmyangu, ubu nalilino mupilike ukuti ngali ndi nabo.