PROVERBS 11 - Navajo Bible

¹ Bóhólníihii éí bee dah nídiidlohí doo ákwii dah di'yiileehii doo yíłdin da, nidi t'áá ákogi át'éego dah dadi'yiileehii éí yaa bił hózhǫ́.

² Ádaa ha'niih haleehgo t'óó baa yáhásįįh, nidi a'ohgo ádaa nitsídaakeesii éí dahóyą́ nidahaleeh.

³ Diné t'áá ákogi ádaat'éii doo binda'adlo'ígíí t'áá éí náás dabí'éésh, nidi diné nináda'dii'aahii binda'adlo' ádabidoołdįįł.

⁴ Ánihwiit'aah beiníłką́ądi jit'ínígíí t'áadoo bee nízhdooléłí da, nidi t'áá ákogi é'ét'éii éí aniné yits'á'iinííł.

⁵ Diné t'áadoo bee bik'íhót'ahíii t'áá ákogi át'éii bee hólónígíí k'éhézdon boolóos dooleeł, nidi diné doo yá'áshóonii t'áá bí bąąhági át'ínígíí atínábidoodlííł.

⁶ Diné t'áá ákogi ádaat'éii t'áá ákogi ádaaníłígíí ch'éébidoo'nił, nidi diné nináda'dii'aahii bibee áchą́hwíídéeni' nídabidoołnééł.

⁷ Diné doo yá'áshóonii bikéé' áhádįįhgo bichoo'į' ádįįh áádóó dabidziilii yee bił chodahoo'ínígíí t'áadoo nádleehí da.

⁸ Diné t'áá ákogi ááníiłii bee bich'į' nahwii'nánígíí bii'dóó habi'diltééh, áádóó bee hach'į' nahwii'náanii éí diné doo yá'áshóoniida bik'i náánéildoh.

⁹ Diné t'óó áhodil'íinii yił kééhat'íinii saad yee atííł'į́, nidi diné t'áá ákogi ááníiłii ił ééhózin hwéididoochił.

¹⁰ Diné t'áá ákogi ááníiłii yá'át'éehgo hináago t'áá kin haal'áá nít'éé' diné bił dahózhǫ́ǫ łeh, áádóó diné doo yá'áshóonii bikéé' áhádįįhgo diné bił dahózhǫ́ǫgo dadilwosh łeh.

¹¹ Diné t'áá ákogi ádaaníiłii ádaaníłígíí bee kin haal'áagi bik'ihojidlíigo náás adildah, nidi diné doo yá'áshóonii yáłti'ígíí yee hahoniłcha'.

¹² T'áá háiida bił kééhojit'íinii ji'į́įgo hódzą́ hwee ádin, nidi diné ak'i'diitįįhii éí t'óó déesxéél.

¹³ Diné aseezį́ nidzinii nidanil'inii yaa nahalnih, nidi diné ba'ahódlíii éí nidanil'inii t'áá neinił'ingo áyósin.

¹⁴ T'áadoo nidaneestą́ą'ii éí nida'iisííh, nidi kót'éego daaníinii t'óó ahayóí hólǫ́ǫgi hasih haz'ą́.

¹⁵ Dé'éyóní nilíinii bá dziizį'ii bikée'di bąąh háni' doo, nidi ąąh háá'á jijoołxáii éí doo bee hohodiit'i' da doo.

¹⁶ Asdzání jooba'ii bee ił ídlíinii shóyoołt'eeh áádóó t'áá na'níle'dii naagháii jit'íinii shóyoołt'eeh.

¹⁷ Diné aa a'ááh nízinii bii' sizíinii bá yá'át'éehii hát'į́, nidi diné doo yits'íidii éí t'áá bí bits'íís yich'į' nahwiiłná.

¹⁸ Diné doo yá'áshóonii néíyííłbįįhii bina'alo', nidi t'áá ákogi ájooníiłgo éí t'áá aaníí ha'doodił.

¹⁹ Diné ts'ídá t'áá ákogi ááníiłii hináa doo, nidi doo yá'áshóonii hájít'íinii éí hodiyoołhéé ł.

²⁰ Diné nidahagizii éí Bóhólníihii doo hółdin da, nidi t'áá ákogi ádaat'éego dahináanii éí yaa bił hózhǫ́.

²¹ T'áádóo nídí da'ahijiiltsoodgo diné doo yá'ádajíshóonii ts'ídá atídahodi'doolnííł doo baa dáázhdidookah da, nidi t'áá ákogi ááníiłii ba'áłchíní béédahididoochił.

²² Asdzání ayóó ázhnóolninii doo áhojilyą́ą́góó éí óola názbąsii bisóodi bíchį́į́h bighání'áhígíí nahojílin.

²³ Diné t'áá ákogi át'éii éí yá'át'éehii t'éí yinízin, nidi diné doo yá'áshóonii éí bá nihodoot'ááł nayólí.

²⁴ Diné ła' bił hadlee' ł eh, áádóó i'niit'įįh, áádóó náánáła' diné t'áadoo le'é aidooléłígíí t'óó bił nihoołtsxóoh łeh, nidi t'óó yówehda té'é'į́ bi'niiłhééh.

²⁵ Diné bił hadlee'ii éí bik'ináhozhdoodliił, áádóó tó aa jiikaahii t'áá hó ałdó' tó haa dookááł.

²⁶ Diné ła' tł'oh naadą́ą́' bił t'ą́ą́' dziztíinii diné dahódziih doo, nidi tł'oh naadą́ą́' baa nahaniihii éí bik'ihojidlíi doo.

²⁷ Diné ts'ídá haleedí bee yá'át'éehii hájít'íinii éí ach'oha'ní hájít'į́, nidi doo yá'áshóonii hájít'íinii éí hwee doo yá'áshóonii hak'i hwiidooleeł.

²⁸ Diné éí biyódí ya'ólíigo ch'ééh ádoot'įįł, nidi diné t'áá ákogi ájít'íinii éí t'iis bit'ąą' dínéesánígíí nahojílin.

²⁹ Diné ła' haghan haz'ą́ągi saad hojíłǫ́ǫgo éí t'áadoo bee nídizhdooléłí da, áádóó diné doo hóyáanii éí diné hóyą́ągo nitsíkeesii yá naal'a' doo.

³⁰ Diné t'áá ákogi ááníiłii bineest'ą' éí iiná tsin sikaadii át'é áádóó diné bii' naazíinii nijiiłnéego éí hojíyą́.

³¹ Shoo, diné t'áá ákogi ádaaníiłii nahasdzáán bikáa'gi nályééh bich'į' ninádahidoolyééł; diné doo yá'ádaashóonii índa ádił nida'jiisíihii t' ah yówehgo atídahodi'doolnííł.