Yuda 1 - Nouveau Testament et Psaumes en Ndandi Version 1962

¹ Yuda, omugombe wa Yesu Kristo, omugala wabo Yako bo, kwabo bakabirikirawa, abanze omwisi woMungu Tata, na bakateyibawa busana na Yesu Kristo:

² Eriganyira nobuholo nolwanzo bikanyibawe kwinywe.

Erilzuira erikirirya

³ Abanze, nyiri nomuhwa eribasakira busana nerilama eryo tusangire, monalangira rinyitolere eribasakira eribagonga-gonga mulwe nomuhwa busana neriikirirya eryahabawa babuyirire engendo nguma nyisa.

⁴ Kusangwa hari bandi babiriingira bubi-sobiso abahulawa kera eritswerwa lubi olu, abandu batekenga Mungu abakahengemaya olukogo lwo Mungu wetu omwisingira nerigana Yesu Kristo, oMukulu noMukama wetu iye musa.

Abahererya babi

⁵ Lino ngasonda eribibukya, nomo mwabya mwabiriminyi sibwa ndeke erimbere, ngoko Mukama, oyo walamaya abandu erilwa omo kihugo kyeMisiri, enyuma mwaherya abatikiriraya.

⁶ Na balaika abatategaya obukulu bwabo nikwa mobasigania emyanya yabo abiribikabo omo mahulula werikota omo mwiri mya wenyahinda erihika okwitswera ryekiro kinene;

⁷ ngoko Sodoma na Gomora, nemiyi ihererenye naho, nayo moyayiha okwisingira nerikwama esyongumbu esitatolere, bikabya ekimi nyikalo busana nerisuyirwa nomuliro werikota.

⁸ Nikwa omo musindo oyo abandu aba omwilota ryabo bakatsandaya omu biri, bakapona ehamuli, kandi bakatsuma abolukengerwa.

⁹ Nikwa omugulu Mikaeli, omulaika mukulu, alwa na Satani, iniakakuba buhaka busana nomubiri wa Musa, mwatalenga erimubwira omwitswera ryeritsuma, nikwa mwabuga ati, Mukama akukunge.

¹⁰ Nikwa abandu aba bakatsuma ebyosi batasi, kandi bakaheribawa nemyatsi eyo basi omo mubiri ngesyonyama sitawite amenge.

¹¹ Obulige kubo! Kusangwa bakalendera omo nzira ya Kaina, bakayigusa omwitala rya Balama busana nendundi, kandi bakahera omo bwanise bwa Kora.

¹² Aba ni bitingu omwirya ryenyu ryolwanzo omugulu bakarya haguma nenyu abalisya abakayugutaya butsira eri ubaha; ebitu bite mo magetsi, ebikatwalawa nerihunga; emiti ite kobiguma komugulu wabyo, iholire kabiri, yabirikulangwa nemirihi;

¹³ ebisunda ebitekubibawa byengetsi, abakagusa erihulo ryesisoni syabo; ni ngununu esikatambayira esyabiri bikirwa obwiragulu bwomwirimya busana na kera na kera.

¹⁴ Enoka owakarinda eritsuka uku Adamu mwaminyerera busana naba ati, Langira, oMukama mwasa na mirondo mingi maelfu maelfu yababuyirire buwe,

¹⁵ eritswera abosi olubanza Lubi, nerisinga abosi abatekenga oMungu busana nemibiri yabo yosi eyeritindakenga Mungu eyo bakola omo nzira yeritinda kenga Mungu, na busana nemyatsi ikalakalire yabakolanabi abatekenga Mungu erimunegulira.

¹⁶ Aba ni batongi, aba tetsemera kindu, bakakwama esyongumbu syabo, aberiyihamya nolukanda, abakahalamba bandu busana neribana kubo endundi.

Eriyihimba omwikirirya

¹⁷ Nikwa inywe abanze, mwibuke ebyabugawa kera naba kwenda boMukama wetu Yesu Kristo;

¹⁸ mobababwira bati, Oko mugulu wenyuma hasyabya abasekererya, abakakwama esyongumbu syabo syobutakenga Mungu.

¹⁹ Aba bobakaleta erigabana, abesyongumbu, abate neKirimu.

²⁰ Nikwa inywe, abanze, muyihimbe okwikirirya ryenyu ribuyirire kutsibu; musabe omwisi weKirimu Kibuyirire;

²¹ Muyitegaye omo lwanzo lwoMungu; mulinde eriganyira ryoMukama wetu Yesu Kristo oko ngebe yerikota.

²² Uhane abandi abakatikatika;

²³ ulamaye abandi, eribakulabo omo muliro; uganyire abandi neriubaha, eripona olukimba olwabiribya neriku ryomubiri.

²⁴ Lino kwoyu katoka eribateya okwiyihinda neribahira embere syolukengerwa luwe butsira bulema neritsema ringi,

²⁵ oko Mungu muguma musa, oMulamya wetu busana na Yesu Kristo Mukama wetu, habye olukengerwa, nobukengwa, neritabala, nobutoki, emuliro wemigulu yosi, na lino na kera na kera. Bibye bitya.