MATIO 1 - Ghomala New Testament

Ŋkhənyə Yeso

¹ Ŋwa'nyə nə ŋkhənyə Yeso Kristo mú David, mú Abraham.

² Abraham lə tsə́ Isak, Isak tsə́ Yakop, Yakop tsə́ Yuda pu a mfɑ pyə́,

³ Yuda pu Tamar tsə́ Farɛs ba Zora, Farɛs tsə́ Esrom, Esrom tsə́ Aram,

⁴ Aram tsə́ Aminadab, Aminadab tsə́ Nasoŋ, Nasoŋ tsə́ Salmoŋ,

⁵ Salmoŋ pu Rahab tsə́ Boos, Boos pu Rut tsə́ Obɛb, Obɛb tsə́ Yese,

⁶ Yese tsə fo David, David pu jwi Uria tsə́ Salomoŋ,

⁷ Salomoŋ tsə́ Roboam, Roboam tsə́ Abia, Abia tsə Asaf,

⁸ Asaf tsə Yosafat, Yosafat tsə́ Yɔram, Yɔram tsə Osia,

⁹ Osia tsə Yɔatam, Yɔatam tsə́ Akaz, Akaz tsə Ezekias,

¹⁰ Ezekias tsə́ Manase, Manase tsə́ Amoŋ, Amoŋ tsə́ Yozia,

¹¹ Yozia tsə́ Yekonia pu a mfɑ pyə, nə cwə yə pu lə lɑ pɑ Israɛl gɔ m Babilon a.

¹² Pɑ Israɛl lə fɑ̌ Babilon, Yekonia tsə Salatiɛl, Salatiɛl tsə́ Zorobabɛl,

¹³ Zorobabɛl tsə́ Abiud, Abiud tsə́ Eliakim, Eliakim tsə Azɔr,

¹⁴ Azɔr tsə́ Sadɔk, Sadɔk tsə́ Akim, Akim tsə́ Eliud,

¹⁵ Eliud tsə́ Eleazar, Eleazar tsə́ Matan, Matan tsə́ Yakop,

¹⁶ Yakop tsə́ Yosɛp dhə́ Maria, ma Yeso yə pu ŋkhe e gɑ Kristo a.

¹⁷ Guŋ Ŋkhənyə Yeso tə fɑ nə Abraham gɔ ŋkhəm nə David bɑ m zhəŋ shwɔppfʉə m gham; biŋ fɑ nə David gɔ ŋkhəm nə cwə Babilon bɑ m zhəŋ shwɔppfʉə m gham, fɑ nə cwə Babilon gɔ ŋkhəm nə Kristo bɑ mzhəŋ shwɔppfʉə mgham.

Nə́ tsə́ Yeso Kristo

¹⁸ Pɑ yu' pa' pu lə tsə Yeso a. Yosɛp lə ko nə map e Maria. Da' gɑ́ pu e lə yɑtə wuŋ dɔmdyə, gʉ' Zhwenyə Dɔlɔ̌ ghə e pɑ tsʉ̌m.

¹⁹ Yosɛp, dhə e yə e lə bɑ́ mo dəŋdəŋ, la' e pɑwə shəŋ nə lɑ sǒ ŋkhu Maria sɔsɔ̌ á, lə nyəŋ nə təm nə e pɑ́ m jʉmjʉ̀m.

²⁰ E lə sɛ nə ghə po'o, da'gɑ́ aŋgəle Cyəpɔ sɔ' bi e m nthʉm jʉ̀m gɔm bi e gɑ: Yosɛp mu David, kɑ pwɔk nə lɑ Maria jwi o la' o, nə pa' tsʉ̌m é fɑ m nə Zhwenyə Dɔlɔ̌ a.

²¹ E nəŋ gɔ sɔ' tsə́ mú mbɛ, o ke é gɑ́ Yeso, nə pa' yʉ́ nə gɔ sɔ' vɔ́k pɔ pyə nə mhɔ máp a.

²² Guŋ mnwə bɔ lə nthəm po'o gɑ guŋ ywə yə Cyəpɔ lə cyə m nə gɔm ghɔm Si gɔm á a pəmtə gɑ:

²³ Gò tə wuŋ jyə m bɛ gɔ sɔ' pɑ́ tsʉ́m, tsə mú mbɛ, pú ke tsó tsyə́ gɑ Emanuɛl, a pɑ nthutə' gɑ: Si bɑ cəcɑ̌ pɑ.

²⁴ Yosɛp lə yǎm gə ywə yə aŋgəle Cyəpɔ lə ghɔm bi a: E lə lɑ Maria jwi é dyə é,

²⁵ da' gɑ e lə zhyə e, tə e la' dzə mú mbɛ tə e cwətso tsyə gɑ Yeso.