तीतुस 3 - परमेश्वर को पवित्र वचन

मसीही को चाल चलन

¹ दुन्या खे याद दिलय खे वे शासक अरु अधिकारीहोन का अधीन र्हिये अरु ओकी आज्ञा को पालन कर्ये अरु हर एक अच्छो काम का लिये तैयार र्हिये.

² उनखे बता कोय का बारे मे बुरो नी बोलनु, पन शांतीप्रिय अरु दोस्त से र्‍हेनु. अरु सब का साथ मूसा कोमलता व्यवहार रखनु.

³ क्युकि हम भी पैयले नीर्बुध्दि, अरु आज्ञा नी मानन आला का अरु गलत था अरु कुछ प्रकार की अभिलाषाहोन अरु सुखविलास का चाहत मे था, अरु बैर भाव, अरु डाह करणा मे जिवन बिता था अरु घृणित थो, अरु एक दुसरा घृणा करतो थो.

⁴ पर जब हमारो उद्धारकर्ता परमेश्वर कि भलाइ अरु प्रेम प्रगट हुयो

⁵ ते ओने हमारो उध्दार कऱ्यो. अरु यो अच्छा न्याय होन का वजेसे नी, जो हम ने खुद कऱ्यो पन ओकी दया से हम खे बचायो पवित्र आत्मा का वजेसे जो हम खे नवो जन्म देस हइ अरु धौइ खे हम नवो जिवन देस हइ.

⁶ परमेश्वर ने हम पर पवित्र आत्मा को उद्धारकर्ता यीशु मसीह का वजेसे हम पर भरपुरी से उडनो हइ.

⁷ अपना अनुग्रह का वजेसे ओका साथ धर्मी ठैरायो हइ ताकी हम जेकी आस उत्तरधिकारी खे पई सक्ये.

⁸ सच बोल्या गयो हइ, अरु मी चौउस हइ कि तु या बातहोन का बारे मे द्दढता से बोल्ये येका लिये कि जेने परमेश्वर पर विश्वास कर्यो हइ वे अच्छा-अच्छा काम होन मे लग्या र्हेन को ध्यान रखस. या बात अच्छी अरु हर इन्सान का लिये लाभदायक हइ.

⁹ पर मूर्खता, विवादहोन, अरु वंशावलिहोन, अरु विरोध अरु झगडाहोन से जे व्यवस्था का बारे मे हुय खे बच्यो र्हिये. क्युकि वे नीष्फल अरु बेकार हइ,

¹⁰ जो फुट डालस हइ ओखे कम से कम दो बार चेतावनी दे, अरु फिर ओका साथ अरु जादा कुछ मत करणु.

¹¹ क्युकि तुम जानस हइ कि असा दुन्या भ्रष्ट हुइ चुक्या हइ अरु उनको पाप उ गलत होन को प्रमाण देस हइ.

आखरी संदेश

¹² जब मी तरा पास अरतिमास या तुखिकुस खे भेज्ये ते मरा पास नीकुपुलीस नगर मे आन कि कोशिश करणु, क्युकि मेने उ ठंड का टेम को ठानी लियो हइ,

¹³ जेनास वकील अरु अपुल्लोस कि कोशिश करीखे आगे उच्चो अरु देख कि उनखे कोय चिज की घटी नी हुये

¹⁴ हमारा दुन्या भी अच्छो काम करणो सिखन खे हुनु ताकी जो जरुरत हइ ओकी पूर्ति हुइ सक्ये अरु बेकार को जिवन नी जीये.

¹⁵ मरा सब साथिहोन खे तोखे नमस्कार जो विश्वास करस हम से प्रेम रखस हइ, उनखे नमस्कार तुम सब पर परमेश्वर अनुग्रह होतो र्हिये