इपिसियो 3 - परमेश्वर को पवित्र वचन

गैरयहूदीहोन मे पौलुस की सेवा

¹ येका लिये मी पौलुस परमेश्वर से प्रार्थना करुस हय,तुम गैरयहूदिहोन, लिये मसीह यीशु को बन्दी हुये.

² अगर तुम ने परमेश्वर को अनुग्रह को प्रबन्ध का बारे मे सुन्यो हइ, जो तुमारा लिये प्रदान कऱ्यो गयो

³ अगर वो भेद, जो मरा पर प्रकाशन का वजेसे प्रकट कऱ्यो गयो, जेको संक्षेप मे वर्णन मी पैयले करी चुक्यो हुये.

⁴ जेखे तुम पडतो समजी सकस हुये की मी मसीह मे व्हा को भेद का बारे मे खा समझ सकस हय,

⁵ जो मानवजात पर अन्य पीडीहोन मे या प्रकार प्रकट नी कऱ्यो गयो थो, जो प्रकार आत्मा अब प्रभु को पवित्र प्रेरितहोन तथा भविष्यव्दक्ताहोन पर पवित्राआत्मा प्रकट कऱ्यो गयो हइ

⁶ मंनजे ह्या की यीशु मसीह भि सुसमाचार का वजेसे गैरयहूदीहोन मसीह यीशु मे मीरास, साझो, ही शरीर को अरु प्रतीज्ञा को हिस्सेदार हइ.

⁷ मी परमेश्वर खे अनुग्रह को उ दान मे ओकी सक्रिया जो ओकि सामर्थ्य को प्रभाव का जसो जो मेखे दियो गयो, उ खुसखबर को सेवक बन्यो.

⁸ मेखे जो पवित्र दुन्या मे छोटा से भी छोटो हय, गैरयहूदिहोन मे मसीह को अगम्य धन को सुसमाचार का लिये यो अनुग्रह प्रदान कऱ्यो गयो

⁹ अरु सब पर ह्या बात सब, सामे कर्‍हयु कि उ भेद को प्रबन्ध को हइ सब को सृजनहार परमेश्वर मे जामानासे मील्यो थो

¹⁰ ताकी अब बय मंडली का वजेसे परमेश्वर को अलग प्रकार को ज्ञान आकाशमण्डल को बडो अरु अधिकारीहोन पर प्रकट कऱ्यो जाये.

¹¹ यो उ सनातन उध्देश्य को जसो हुयो, जो परमेश्वर ने मसीह यीशु हमारो प्रभु मे पुरो कऱ्यो थो,

¹² प्रभु मे हम विश्वास, वजेसे आना का लिये हमखे साहस तथा भरोसो मीलस हुयो हइ

¹³ येका लिये तुमारा से मरी यो प्रार्थना हइ कि तुम उ सतान कारन, जो मी तुमारा लिये रोस हुये खे घुस्सा नी होनु. क्युकी वे तुमारी महिमा हुये.

पौलुस की प्रार्थना

¹⁴ मी यो कारन हइ की मी बाप का सामने टोगर्‍या टेकुस हुये खे

¹⁵ जेमे स्वर्ग अरु पृथ्वी पर हर एक कुल को नाम रख्यो जास हइ

¹⁶ की वो अपनी महिमा ओकी आत्मा से अपनी महीमा को धन का जसो तुमखे यो दान दी कि तुम ओकि आत्मा से अपना अन्दर इन्सान मे सामर्थ्य मीलीखे शक्तिहुय जाव,

¹⁷ कि विश्वास का वजेसे मसीह तुमारो दिल मे वास कर कि प्रेम मे करिखे व्हा पय्या डाली खे,

¹⁸ तुम सब पवित्र मसीह को प्रेमकि लम्बाइ, चौडाइ, उचाइ व गहराइ को भली-भाति समझ सक्यो

¹⁹ अरु मसीह को उ प्रेम को जान सक्यो, जो ज्ञान से परे हइ की परमेश्वर कि सब भरपुरी तुमने स्थापित हुये जाये

²⁰ अब जो असो सामर्थ्यी हइ कि हमारी प्रार्थना अरु समज से कोय जादा काम करी सकस हइ, उ सामर्थ्य का जसो जो हम मे काम करस हइ,

²¹ हमारा मे यो टेम सक्रिय सामर्थ्य का वजेसे मंडली अरु मसीह यीशु मे ओकी महिमा बडी से बडी हमेशा-सर्वदा होस ऱ्हेस. आमीन.