कुलुस्सियो 4 - परमेश्वर को पवित्र वचन1 हे स्वामीहोन खे अपनो सेवक का सात न्यान अरु ठिक ठीक व्यवहार कर,यो समझी खे कि स्वर्ग मे तुमारो भी एक स्वामी हइ. कुच व्यवहारकी सला 2 प्रार्थना मे लग्यो र्हेव, अरु धन्यवाद, सात ओ मे जागा र्हेव. 3 अरु सात ही सात हमारा लिये प्रार्थना सुनन को असो दरवाजो खोली दे, कि परमेश्वर हम मसीह को वु भेद को वर्णन करी सकस जेको कारन मी कैदी मे हय, 4 अरु ओखे असो प्रगट करु, जसो मेखे करणो अच्छो हइ. 5 अवसर खे किमती समजीखे बाहेरवाला, सात दिमाकआला से व्यवहार कर. 6 तुमारो वचन सदा अनुग्रह सहीत अरु सलोनो हय कि तुम हर इन्सान खे अच्छी रीति से उत्तर देनो अय जाह्ये. आखरी अभिवादन 7 प्रिय भैइ अरु विश्वासयोग्य सेवक, तुखिकुस, जो प्रभु मे मरो सहकर्मी हइ, मरी सब बात तुमखे बतय दिव. 8 ओखे मे ने येका लिये तुमारा पास भेज्यो हइ कि तुमखे हमारी बात मालुम हुय जाह्ये अरु व्हा तुमारा दिल खे शांती दे. 9 उनका सात मे ने उनेसिमुस खे भी भेज्यो हइ जो विश्वासयोग्य अरु प्रिय भैइ अरु तुम ही मेसे हइ. या तुमखे ह्या की सब बात बतय दिह्ये. 10 अरिस्तर्खुस, जो मरा सात जेल मे हइ, अरु मरकुस जो बरनबास को भैइलगास हइ जेका बारे मे तुमने आज्ञा मीली थी कि अगर व्हा तुमारा पास आया, ते ओकासे अच्छा से व्यवहार करणु , 11 अरु यीशु जो यूस्तुस बोल्यो जास हइ, तुमखे नमस्कार बोल्योस हइ. खतना कर्यो हुयो दुन्या मे से फक्कत यो य परमेश्वर का राज्य का लिये मरो सहकर्मी अरु शांती को करण र्हीयो हइ. 12 इपफ्रास, जो तुम परमेश्वर मे से हइ अरु मसीह यीशु को सेवक हइ, 13 मी ओको गवइ हइ कि व्हा तुमारा लिये अरु लौदिकिया अरु हियारापुलिस आलो, लिये बडो काम करतो र्हेस हइ. 14 प्रिय डाॅकटर लुका, अरु देमास खे तुमारो नमस्कार. 15 लौदिकिया का भैइखे, अरु नुम्फा अरु उनका घर की मंडली खे नमस्कार बोलनू. 16 जब यो बेटो तुम्हारा ह्या पडी लियो जाह्येका अरु व्हा चिट्ठी जो लौदिकिया से आह्ये ओखे तुम भी पडनू 17 अरु अरखिप्पुस से बोलनू कि जो सेवा प्रभु मे तुमखे सौपिदी गय हइ, ओखे सावधानी का सात पुरो करणू. 18 मेखे पौलुस को अपना हात से लिख्यो हुयो नमस्कार. मरी हतकडी खे याद रखनु. तुमारा पर अनुग्रह होतो र्हे. |
The New Testament in Gowlan Language ©The Word for the World International and Gawlan Translation Samiti, Telkhar, Maharashtra, India, 2024.