གསུང་མགུར 6 - New Tibetan Bible བོད་འགྱུར་གསར་མ།

གསུང་མགུར་དྲུག༌པ། དཀའ་སྡུག་ཁྲོད་དུ་སྐྱབས་གསོལ་བའི་སྨོན་ལམ།

¹ ༼གཞས་གདངས་བརྒྱད་པའི་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར་སྒྲ་སྙན་སྤེལ༌མ།༽ ཀྱེ་ཀྱེ་ཡ་ཝཱེ་ཁྱེད་ཀྱིས་ང་རང༌ལ། །ཐུགས་ཁྲོ་དང་བཅས་བཀའ་བཀྱོན་མི་མཛད༌རོགས། །ཁྲོ་གཏུམ་ནང་དུ་ཉེས་ཆད་མི་གཅོད༌རོགས།།

² ང་རང་རྒུད་པས་སྙིང་རྗེས་གཟིགས་སུ༌གསོལ། །རུས་པར་ན་ཟུག་ལངས་པས་གསོ་བར༌མཛོད།།

³ ཀྱེ་ཀྱེ་ཡ་ཝཱེ་ངའི་སེམས་ཤིན་ཏུ༌འཁྲུགས། །ནམ་ཞིག་ཁྱེད་ཀྱིས་ང་རང་བསྐྱབ་མཛད༌དམ།།

⁴ ཁྱེད་ཕྱིར་འཁོར་ནས་ང་རང་སྐྱོབ་པར༌མཛོད། །ཉིད་ཀྱི་བྱམས་བརྩེའི་དབང་གིས་སྐྱོབ་པར༌མཛོད།།

⁵ འདས་པོས་ཁྱེད་ཉིད་མི་དྲན་གཤིན་ཡུལ༌དུ། །ཁྱེད་ལ་གཏང་རག་འབུལ་མཁན་སུ་ཡོད༌དམ།།

⁶ ང་ནི་འཁུན་སྒྲ་ཕྱུང་ནས་ཐང་ཆད༌ཅིང༌། །ཞག་མ་རེ་རེར་མཆི་མ་བཞུར་ནས༌ནི། །མལ་ཁྲི་གཡེངས་ཤིང་མལ་སྟན་སྦངས༌པ་འོ།།

⁷ སྐྱོ་གདུང་དབང་གིས་ང་ཡི་མིག་ཟུང༌བསྒྲིབས། །དགྲ་བོ་ཀུན་པོའི་རྐྱེན་གྱིས་མིག་དབང༌ཉམས།།

⁸ ཡ་ཝཱེས་ང་ཡི་འོ་དོད་གསན་ཟིན༌པས། །སྡིག་སྤྱོད་ཅན་རྣམས་ང་དང་འབྲལ་བར༌གྱིས།།

⁹ ཡ་ཝཱེས་ང་ཡི་ཞུ་བར་གསན་ཟིན༌པས། །ཁོང་གིས་ང་ཡི་གསོལ་འདེབས་ཐུགས་སུ༌བཞེས།།

¹⁰ ང་ཡི་དགྲ་ཀུན་ནོངས་ཤིང་འཚབ་པ༌དང༌། །ཕྱི་བསྣུར་བྱེད་ཅིང་གློ་བུར་སྐྱེངས་པར༌འགྱུར།།